Në kërkim ndërkombëtar nga Gjermania, arrestohet në Morinë 42 vjeçari turk (EMRI)

Në kërkim ndërkombëtar nga Gjermania, arrestohet në Morinë 42 vjeçari turk (EMRI)

Foto ilustruese

KUKËS- Një 42- vjeçar nga Turqia është arrestuar në Morinë, pasi ishte në kërkim ndërkombëtar nga Gjermania.

 Report Tv mëson se në pranga ka rënë turku i identifikuar si Ihmad Suleiman. Ai ishte në kërkim për "Trafik droge" dhe autoritetet gjermane i kishin caktuar masën e sigurisë "Arrest me burg".

"Policia Kufitare kap dhe vë në pranga një shtetas turk të shpallur në kërkim ndërkombëtar nga Gjermania. Arrestimi provizor i tij u bë në bashkëpunim me Interpol Tiranën, me qëllim ekstradimin në shtetin gjerman.

Në hyrje të Pikës së Kalimit Kufitar të Morinës, shërbimet e Policisë Kufitare, si rezultat i masave të shtuara dhe shkëmbimit të informacionit me Interpol Tiranën, bënë ndalimin e shtetasit të shpallur në kërkim ndërkombëtar:

I.E, 42 vjeç, banues në Turqi. Gjatë përpunimit dhe verifikimit të të dhënave në sistem, ky shtetas rezultoi person në kërkim ndërkombëtar nga Interpol Ëiesbaden, Gjermani.

Autoritetet Gjyqësore Gjermane,  kanë caktuar ndaj tij masën e sigurisë "Arrest me burg",  për veprën penale "Trafik droge", parashikuar nga Kodi Penal i Gjermanisë.

Në përfundim të veprimeve hetimore, specialistët e Seksionit për Hetimin e Trafiqeve të Paligjshme dhe Narkotikëve në DVP Kukës bënë arrestimin provizor, me qëllim ekstradimin e tij drejt Gjermanisë", njofton policia.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Këshilli Bashkiak i Himarës komandon kryetaren e Bashkisë, koalicioni Bashkë Fitojmë bashkon votat me PS

Këshilli Bashkiak i Himarës komandon kryetaren e Bashkisë, koalicioni Bashkë Fitojmë bashkon votat me PS