POP 5

Lajmet më të lexuara të 5 minutave të fundit

Kronikë

Do vriste Nuredin Dumanin për llogari të vëllezërve Çopja, ekstradohet nga Kosova Arben Lamçja! Si pastroi paratë e grupit kriminal

Ndaj tij GJKKO ka caktuar masën arrest me burg, pasi akuzohet se ka siguruar kushtet për planifikimin e një atentati ndaj Nuredin Dumanit për llogari të bandës së vëllezërve Çopja në Elbasan. 

Do vriste Nuredin Dumanin për llogari të vëllezërve Çopja, ekstradohet nga Kosova Arben Lamçja! Si pastroi paratë e grupit kriminal

I ekstraduari Arben Lamçja

TIRANË- Vrasësi me pagesë, Arben Lamçja është ekstraduar nga Kosova në vendin tonë. Lamçja u arrestua më 4 gusht në Kosovë, për llogari të autoriteteve të shqiptare, pasi ndaj tij GJKKO ka caktuar masën arrest me burg, pasi akuzohet ka ndihmuar bandën e vëllezërve Çopja në aktivitetin e tyre kriminal.

GJKKO ka caktuar ndaj 50-vjeçarit masën e sigurisë “Arrest në burg” për kryerjen e veprave penale “Sigurimi i kushteve dhe mjeteve materiale për të kryer vrasje”, “pastrimi i produkteve të veprës penale ose veprimtarisë kriminale”, “ Organizate kriminale”, “Kryerja e veprave penale nga grupi i strukturuar kriminale dhe organizata kriminale”.

Sipas dosjes së zbardhur nga SPAK pas goditjes së bandës së vëllezërve Çopja, u zbulua se Arben Lamçja gjatë periudhës tetor-nëntor 2020 ka siguruar kushtet për të kryer vrasjen e Nuredin Dumanit, tashmë i penduar i drejtësisë.

Për llogari të Franc Çopjas, vrasësi me pagesë kishte nisur punën për të planifikuar vrasjen e Nuredin Dumanit. Ai kishte takuar një person i cili do të bashkëpunonte për vrasjen e Dumanit, duke i kërkuar që ta ndjekë atë dhe ta lokalizojë vendndodhjen me qëllim që ta ekzekutonin. Lam֛çja informon porositësin e vrasjes Franc Çopjan se personi e ka marrë përsipër vrasjen dhe ka filluar ndjekjen së bashku me njerëzit e tij.

Gjithashtu Arben Lam֛çja është person i besuar i Franc Çopjas dhe akuzohet se për llogari të tij ka pastruar para që kanë patur burim veprimtari kriminale. Lamçja ka menaxhuar vlerat monetare CASH të Çopjas, të cilat më pas i ka përdorur për blerjen e pasurive të paluajtshme për llogari të tij.

SI.E./S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Shkodër/ I zhdukur prej 5 ditësh, babai i 3 fëmijëve gjendet i mbytur në lumin e Shalës! Familjarët kërkojnë ndihmën e palombarëve

Shkodër/ I zhdukur prej 5 ditësh, babai i 3 fëmijëve gjendet i mbytur në lumin e Shalës! Familjarët kërkojnë ndihmën e palombarëve

22 Janar, 12:04