Një 46-vjeçar u lokalizua në malin e Tomorrit dhe u arrestua pasi ndaj tij ishte dhënë masa e sigurisë arrest në burg për trafik lëndësh narkotike dhe pjesëmarrje në grup kriminal. Dorian Beu po lëvizte me automjet kur Forcat Operacionale në bashkëpunim me policinë e Durrësit ndërhynë duke e arrestuar.
Në videon e policisë, shihet momenti kur forcat Operacionale ndalojnë 46-vjeçarin që mesa duket ndodhej atje për pelegrinazh. Në vitin 2023, GJKKO dha masën e sigurisë “arrest në burg” ndaj tij për prodhim dhe shitje të lëndëve narkotike dhe pjesëmarrje në grup të strukturuar kriminal.
Në tetor të vitit 2023, ai u arrestua bashkë me kushëririn e tij, Emirjan Beu dhe Syrjan Tolën në Itali, si pjesë e një bande të trafikut të drogës në Milano. Tre trafikantëve iu sekuestruan edhe 1 milionë euro pasuri në Durrës, të përfituara nga paratë e ardhura nga krimi. Policia iu sekuestroi 1 anije peshkimi, 1 apartament, 1 garazh, një bar kafe, 3 dyqane, 2 shoqëri peshkimi së bashku me asetet e tyre.
Emri i Dorian Beut doli në dosjen e SPAK, i cili goditi bandën në dhjetor të vitit 2023. Grupi me drejtues Gernard Beu, Emirjan Beu dhe Braniol Liço, akuzohej për trafikimin e 356 lëndë narkotike ( 120 kg kokainë, 15 kg heroinë e pastër, 129 marijuanë dhe 92 kg hashash), të cilat u sekuestruan në Itali në disa episode të ndryshme.
Emirjan Beu është vëllai i Florida Beut, e cila zbuloi skandalin e korrupsionit të ish-zëvendësministres së Brendshme Rovena Voda. Ish-zëvendës ministrja i premtoi punë në ministri avokates Florida Beut në këmbim të 2 mijë eurove, një arke peshku dhe një telefoni.
Njoftimi i policisë:
Operacione të njëpasnjëshme nga Drejtoria e Forcës së Posaçme Operacionale në DPPSh, për kapjen e shtetasve në kërkim.
Finalizohet operacioni policor i koduar “Operacionalja 60”.
Lokalizohet në Malin e Tomorrit, kapet dhe vihet në pranga një i kërkuar, me masë sigurie “Arrest në burg”, caktuar nga GJKKO-ja.
Në vijim të operacioneve të njëpasnjëshme për kapjen e shtetasve të shpallur në kërkim, strukturat e Drejtorisë së Forcës së Posaçme Operacionale në DPPSh, në bashkëpunim me DVP Durrës, finalizuan operacionin policor të koduar “Operacionalja 60”.
Bazuar në informacionet e siguruara se në Malin e Tomorrit po qarkullonte me automjet, një shtetas i kërkuar për vepra penale në fushën e narkotikëve, të kryera në formën e organizatës kriminale, shërbimet e Drejtorisë së Forcës së Posaçme Operacionale lokalizuan, kapën dhe ndaluan shtetasin D. B., 46 vjeç, lindur dhe banues në Durrës.
Ky shtetas ishte shpallur në kërkim, pasi Gjykata e Shkallës së Parë Kundër Korrupsionit dhe Krimit të Organizuar, Tiranë, në vitin 2023, i ka caktuar masën e sigurisë “Arrest në burg”, për veprat penale “Prodhimi dhe shitja e narkotikëve”, “Grupi i strukturuar kriminal” dhe “Kryerja e veprave kriminale nga grupi i strukturuar kriminal”.
Nga ana e Seksionit për Hetimin e Narkotikëve pranë Drejtorisë Vendore të Policisë Durrës u bë ekzekutimi i masës së sigurisë “Arrest në burg”, dhe materialet procedurale iu referuan Prokurorisë së Posaçme Kundër Korrupsionit dhe Krimit të Organizuar, Tiranë, për hetime të mëtejshme.
Report TV ka siguruar foton e Dorian Beut, 46-vjeçarit që u kap në malin e Tomorit pasi ishte në kërkim si pjesë e një grupi trafiku droge. Ndaj tij, GJKKO kishte dhënë masën e sigurisë arrest në burg.
46-vjeçari është pjesë e grupit të trafikut të drogës të goditur nga SPAK në dhjetor të vitit 2023, i cili akuzohet për trafikimin e 356 kg lëndë narkotike të llojit kokainë, heroinë, marijuanë dhe hashash.
Një ndër drejtuesit e grupit ishte edhe Emirjan Beu, kushëri i Dorian Beut.
Komente
Lajme të tjera
-
Katër aksidente në pak orë, 2 të vdekur në Tiranë dhe Fier! 18-vjeçarja shpëton mrekullisht pasi u përplas nga autobusi
1 Dhjetor, 17:42
-
Aksident me vdekje në aksin Roskovec- Berat! Makina përplas qytetarin që lëvizte me biçikletë (EMRAT+VIDEO)
1 Dhjetor, 11:29 -
Berat/ Përkujtohet 81-vjetori i Çlirimit, ministri Ervin Demo: Lufta e dëshmorëve, sublime
29 Nëntor, 11:36 -
113-vjetori i pavarësisë së Shqipërisë, Ilir Proda: Është muaji i flamurit, i grave dhe burrave që u sakrifikuan për lirinë dhe kombin
28 Nëntor, 13:10 -
Berati feston 113 vjetorin e Pavarësisë, nderohet me kurora lulesh Përmendorja! Kryebashkiaku Ceca: Një ditë e shenjtë që na rikthen tek rrënjët
28 Nëntor, 11:34 -
Dimal/ Lumi Osum ‘fundos’ tokat bujqësore e shkatërron prodhimtarinë, banorët: Nuk kemi ushqim për bagëtitë! Shteti të na ndihmojë
27 Nëntor, 18:09
-
Moti i keq/ Lumi Osum del nga shtrati në fshatin Veterrik të Beratit! Qindra ha tokë dhe sera nën ujë
27 Nëntor, 12:01 -
Marok/ Drejtuesi i Policisë Ilir Proda pjesë e sesionit të 93-të të Asamblesë së Përgjithshme të Interpol
27 Nëntor, 11:28 -
Travel and Tour World: Turistët ndërkombëtarë ‘pushtojnë’ qytetin historik të Beratit
26 Nëntor, 08:27 -
Dimal/ Prodhimet e serave shkuan në lumë, banorët: Miliona lekë humbje! Asnjë institucion nuk ka ardhur për vlerësimin e dëmeve
25 Nëntor, 16:51
-
Babai harton projektin, vajza inspektore e firmos! Si përfitoi 150 milionë lekë drejtuesi i FRPD nga fondet e AZHBR për bujqësinë
25 Nëntor, 13:45 -
Po lundronin me kanoe në lumin Osum gjatë motit të keq, shoqërohen 3 persona në Komisariatin e Beratit
22 Nëntor, 15:44
Ka shkuar te laj gjynahet me gjak shelegu pa faj.. plehra ..!!
PërgjigjuKeto muslimanet e devotshem si shume merren me mall.
Përgjigju