Në kërkim për vjedhje, arrestohet 31-vjeçarja në Tiranë! Pjesë e një grupi kriminal grabitësish, të shkatërruar 8 vite më parë

Një 31-vjçare ka rënë në prangat e Policisë ditën e sotme në Tiranë, pasi ishte dënuar me 3 vite e 4 muaj burg, për vjedhje me dhunë.

Në pranga ka rënë Ina Sulejmani, e cila rezulton një emër i njohur për policinë. Në vitin 2013, Sulejmani u arrestua si pjesë e një grupi kriminal prej 7 personash, autorë të 30 vjedhjeve në Tiranë.

Ata merrnin automjete me qira pranë zonës së stadiumit Dinamo Tiranë, dhe më pas realizonin vjedhje me dhunë të kalimtarëve të sendeve personale e bizhuterive, kryesisht në orët e darkës.

Po ashtu ata vidhnin edhe makina, kryesisht të tipeve Mercedez Benx, të cilat më pas i dërgonin në një servis në Vorë, me qëllim çmontimin e tyre dhe shitjen më pas për pjesë këmbimi në Fushë Krujë, Laç, Mamurras etj.

Po ashtu e reja rezulton e përfshirë edhe në një ngjarje të ndodhur po në vitin 2013 në kryeqytet, ku dhunoi dhe i grabiti pensionin një të moshuari. Ajo i propozoi atij marrëdhënie seksuale në këmbim të 5 mijë lekëve të vjetra, por më pas e dhunoi dhe e grabiti, në bashkëpunim me të dashurin e saj.

 

TAG:
• Tirane
• vjedhje
• Arrestime
• ina sulejmani