Në kërkim të provave e kriminelëve në gjithë globin, SPAK dërgoi 123 letërporosi në 2023, drejt Francës kërkesa rekord 30! U kërkuan 39 ekstradime

Bashkëpunimi me ndërkombëtarët, partnerët strategjikë, vijoi të jetë pika kyçe e suksesit të SPAK edhe për vitin 2023, kryesisht për ndihmë juridike në fushën e krimit të organizuar. Për të arritur qëllimet në hetime, 123 letërporosi u dërguan në 32 shtete të ndryshme, për të cilat 54 prej tyre kanë pasur një kthim përgjigje. Vendin kryesor e zë Franca, së cilës iu nisën 30 letërporosi. Kthimi i përgjigjeve të të tyre ndihmoi në shkatërrimin e grupeve kriminale që bazën e komunikimit e kishin në aplikacionet që u dekoduan nga autoritetet franceze, “SkyECC” dhe “EncroChat”.

Ndihma dhënë nga Franca për SPAK çoi në zbardhjen e vrasjeve të vjetra ku vlen të përmendet dosja “Metamorfoza” përmes së cilës u arrestuan anëtarë të grupeve kriminale, zyrtarë policorë dhe të sistemit të drejtësisë. Më tej, bashkëpunimi i frytshëm rezultoi me Italinë, Greqinë, Gjermaninë, Spanjën dhe Holandën, të cilave përmes letër-porosive u është kërkuar ndihmë juridike. Katër letër-porosi u dërguan në Shtetet e Bashkuara të Amerikës, mes tyre edhe për dosjen “Gërdeci”, një pjesë e dëshmitarëve të së cilës jetojnë atje.

Komunikim SPAK pati gjatë vitit 2023 me vendet e Amerikës Latine, ku shqiptarët janë kthyer në zotër të trafikimit të kokainës, ndër to Kolumbia, Meksika, Ekuadori apo Brazili. Krahasuar me vitin 2022, SPAK dërgoi 2 herë më shumë letërporosi. Interes në hetime pati edhe nga jashtë vendit dhe në drejtim të SPAK gjatë vitit të shkuar erdhën 48 letërporosi dhe vendin kryesor e zë Belgjika me 11 në total, kryesisht për krimin e organizuar shqiptarë që bazën e ka atje, jo vetëm për trafikim kokaine, por edhe vrasje dhe plagosje.

Më tej vijnë shtete të tjera si Holanda, Gjermania, Italia apo Spanja. SPAK ktheu përgjigje për ndihmë juridike për 41 prej tyre. SPAK nisi jashtë vendit 39 kërkesa për ekstradim, gati katër fish më shumë se viti 2022, një pjesë e së cilave janë ekzekutuar dhe të tjera që presin vendimin e gjykatave atje, përfshirë lokalizimin e personave të shpallur në kërkim ndërkombëtar.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Zgjedhjet parlamentare 2025, sipas jush si duhet të votojë diaspora?



×

Lajmi i fundit

VIDEO/ Me kapuç në kokë dhe maska, dërgohen në prokurori të arrestuarit më 210 kg kokainë në Greqi

VIDEO/ Me kapuç në kokë dhe maska, dërgohen në prokurori të arrestuarit më 210 kg kokainë në Greqi