POP 5

Lajmet më të lexuara të 5 minutave të fundit

Politikë

Në krye të PD Fier, një i arrestuar 
për marrje rryshfeti dhe korrupsion

Në krye të partisë Demokratike të Fierit zgjidhet një ish i akuzuar për korrupsion. Luan Baçi, në zgjedhjet e djeshme në degën e Fierit. Luan Baçi është pezulluar nga detyra si drejtor i Drejtorisë Rajonale të Shërbimeve të Transportit Rrugor në Fier, në vitin 2012, pas abuzimeve në dhënien e patentave.
Në krye të partisë Demokratike të Fierit zgjidhet një ish i akuzuar për korrupsion. Luan Baçi, në zgjedhjet e djeshme në degën e Fierit doli fitues me 209 vota, përballë tre kandidatëve të tjerë, Ervin Llakaturës, Vasil Ndrekos dhe Ilir Hilës. Shekulli shkruan, se sipas demokratëve kandidatura ka qenë e paracaktuar, madje ata kritikojnë ashpër të gjithë procesin duke e konsideruar të manipuluar. Sipas gazetës Shekulli, Luan Baçi , me profesion avokat, në vitin 2012 është pezulluar nga detyra si drejtor i Drejtorisë Rajonale të Shërbimeve të Transportit Rrugor në Fier, pas akuzës për marrje rryshfeti dhe korrupsion pasiv.
 
Luan Baçi është pezulluar nga detyra sëbashku me tre zyrtarë të tjerë dhe disa drejtues autoshkollash private, pas abuzimeve në dhënien e patentave. Akuza ndaj tij, por edhe zyrtarëve të tjerë ka ardhur pas një hetimi 7 mujor. Nga hetimi i kryer dyshohet se punonjësit dhe drejtuesi i Drejtorisë Rajonale të Shërbimeve të Transportit Rrugor në Fier, në kundërshtim me detyrën kanë kryer veprime abuzive, që konsistojnë në dhënien e lejeve për drejtim automjeti shtetasve të ndryshëm duke shkelur normat e përcaktuara dhe kundrejt përfitimeve të paligjshme”, njoftonte policia pas ndalimit të zyrtarëve fierakë.
 
Në votim morën pjesë 411 delegatë nga të gjithë grupseksionet, ku 209 vota shkuan për kreun e ri të degës së Fierit, Baçin. Por vota e demokratëve, sipas shekullit, shkonte me imponim në favor të kandidatit të zgjedhur tashmë, ndërkohë që individë që nuk kishin qenë kurrë me Partinë Demokratike ishin pajisur me mandate delegate për t’u bërë pjesë e procesit. Sipas burimeve nga selia blu, edhe lista e anëtarëve të kryesisë ishte mbushur me persona të pashkolluar dhe jodemokratë.  

Redaksia Online
(Gre.M/Shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

11 Janar, 19:27