Në Vorë kryeministri Edi Rama është takuar me disa banorë, të njohur si votues të djathtë, të cilët tashmë janë bërë pjesë e Partisë Socialiste.

Me batuta kryesocialisti i cilëson demokratët si të ‘socializum’, ndërsa ato pohojnë se kanë votuar për PS-në për shkak të punëve të mira që janë bërë në Vorë.

Një prej tyre thotë se kishte përshtypje ndryshe për Ramën, që sipas tij nga ekrani dukej një njeri i ngrysur, por që tashmë mendon se është tjetër njeri. Me humor Rama, iu përgjigj duke i thënë se duhet të dëgjojë ndonjëherë ‘popullin se djalli s’është aq i zi sa duket’.

Rama: Ja ku jemi në Vorë mbasi kemi hapur dyert e një Vore të Rilindur një lagje e re si në mes të Tironës s’ku të gjitha shtëpitë u dhanë falas si një pronë e patundshme e atyre që i preku tërmeti. Më kanë mësy në derë demokratët e socializum.

Demokrati 1: S’kam bo gjë. Nga PD u bëra PS dhe me kartë të re, nga punët e mia që janë bërë në Vorë duhet shpërblyer!

Demokrati 2: Puna tregon vet, një miku im thotë në Amerikë s’ka republikanë e demokratë por kush punon, ai që punon merr votën. Në aparencë të jashtëm kur të sheh në tv dukesh sikur je i rëndë sikur nuk ke dhembshuri që nuk të qan hallet, por jo... je tjetër njeri!

Rama: Po dëgjo e ndonjëherë popullin që thonë djalli nuk është aq i zi sa duket.

Demokrati 3: Unë jam demokrat, por kam 3 vite që votoj për PS-në. Me punën që keni bërë Vora do të ecë akoma më parë. Unë jam i pari që s'e kam besuar, por Vora po bëhet akoma më mirë.

Rama: Sa më keni sharë!

Demokrati 4: Shumë kemi sharë. Kam sharë, por nga e mira. Jam kthyer me PS-në me zemër. Për këtë parti ka ndikuar shumë kryetari i bashkisë. Jam kthyer para se me e bo ju këtë punë.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 22 Shkurt, 21:11

    A duhet ta miratojë Kuvendi kërkesën e SPAK për arrestimin e Ballukut?

Lajme të tjera