POP 5

Lajmet më të lexuara të 5 minutave të fundit

Sociale

Personazh/ Në pension e në punë nga ‘halli’, 67-vjeçari 42 vite shofer në urbanë: Në komunizëm paguhesha më shumë

Ndryshe nga të rinjtë që janë gjithnjë e më pak si përqindje në fuqinë punëtore në vend, gjithnjë e më shumë pensionistë vazhdojnë të punojnë edhe pas daljes në pension. Sipas INSTAT vetëm në tremujorin e fundit të 2023-shit ishin 27 mijë më shumë. Report Tv sjell historinë e Mark Lushit, 67-vjeçari nga Puka, i cili ka 2 vite në pension, por vijon shofer i transportit urban në Tiranë.

“Je i fortë më thonë nipër e mbesa, lëre punën se je i lodhur”. Duhet të ishte në shtëpinë e mbushur me nipër e mbesa, të çlodhej pas 42 viteve punë pa ndërprerje, por nevoja e ka bërë Markun të vijojë të punojë si shofer i linjës së transportit urban Tiranë-Kamëz, edhe pse prej 2 vitesh ka dalë në pension.

“Kam dy vjet që kam dalë në pension dhe vijoj punoj, për arsyen e vetme se 200 mijë lekë nuk dalin, nga halli punojmë. Me 200 mijë lekë nuk rrihet vështirë. Është një punë e vështirë kjo e transportit urban. Çunat e rinj nuk vijnë të punojnë shofer urbani”, rrëfen ai.  

Për herë të parë punën si shofer ka nisur në moshën 25-vjeçare, ditë të cilën Marku e kujton fare mirë.

“Dita e parë e punës më 16 gusht, 1980, për herë të parë kam punuar në parkun e Fushë-Arrëzit, punova nja 16 vjet aty, pastaj lëvizëm erdhëm në Tiranë, kam punuar me furgona dhe 15 vite kam punuar me Unazën, më pas me linjën e Kamzës”, shprehet Marku.

Kur kthehet pas në kohë, ai e kujton me nostalgji kohën e para viteve ’90.

“Në kohën e mëparshme ishte shumë mirë se shoferi merrte më shumë lekë, kishte një respekt të veçantë për shoferët, tani nuk ka respekt”, tregon Marku.

Në Kodin Rrugor është i parashikuar kufiri moshor 70 vjeç për drejtuesit e mjeteve të transportit publik. Marku e ndjen veten ende të fortë, të aftë t’i arrijë të 70-dhjetat, ulur në sediljen e autobusit.

Një raport i INSTAT i publikuar së fundmi tregon se numri i personave që zgjedhin të punojnë edhe pas daljes në pension është rritur ndjeshëm, 27 mijë krahasuar me vitin e kaluar. Ndërsa numri i të rinjve në marrëdhënie pune është gjithnjë e më i vogël.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Moti i keq, Lezha në terr! Mijëra banorë të 6 njësive dhe Shëngjinit pa energji elektrike prej 3 ditësh, shkak defektet në rrjet! (VIDEO)

Moti i keq, Lezha në terr! Mijëra banorë të 6 njësive dhe Shëngjinit pa energji elektrike prej 3 ditësh, shkak defektet në rrjet! (VIDEO)

13 Janar, 18:55