Është një gjë pa vlerë t’u kujtosh shqiptarëve se lëvizjet “Foltorja 1” dhe “Foltorja 2”, bëhen në dobi të Shqipërisë. Shumica e di mirë se Sali Berisha rreket të pastrojë pisllëkun që mori gjatë viteve e kohërave kur zhgrryhej në baltrat e qelbësirlliqet e trafikimit të pushtetit për pasurimin e rrethit të tij; kur e degjeneroi demokracinë në një karikaturë; kur çoi në buzë të honit të ekzistencës shtetin tonë. Tek ne as ka patur dhe as ka prokurori që t’i thosh, “Ke bërë dëm, je bërë pis, ke bërë dhe shtetin pis...duhet të përgjigjesh!”. S’ja tha dhe as ja vuri në dukje ndonjë institucion shtetëror dëmin, por kjo nuk e pengoi administratën e lartë të Shteteve të Bashkuara të Amerikës t’i bënte publike intrigat e tij për pushtet e pasuri përmes shpalljes të padëshiruar për shtetin amerikan.
Pas grushtit të shtetit të 14 shtatorit dhe tragjedisë së Gërdecit, askush nuk do ta kish falur një qeveri! U tha për rastin e 14 shtatorit se ndërkombëtarët nuk paskan qënë dakord për arrestimin e tij, se përbënte rrezik destabilizimi të vendit, gjë të cilin kurrë se kam besuar, përpos se kam qenë i bindur në mos funksionimin e organeve të drejtësisë. Kam qenë qenë i bindur se, nga kreu i qeverisë e poshtë, administarta e lartë ka qenë dhe vazhdon të jetë e mbushur tumllas me njerëz makina, të pazotë, të pa aftë për të gjykuar dhe frikacakë, sidomos frikacakë! Të vijë tjeri në emër të biznesit TAP, të merr tokën, shtrin linjën, transporton mallin përmes tokës tënde dhe nuk ka asnje detyrim ndaj këtij shteti, është pak t’i thush “Republikë bananesh”.
Shikoni se si i hakërrohet Amerikës Berisha në takimet që organizon. U drejtohet ca qyqarëve që ka mbledhur rreth vetes në salla gjysëm bosh dhe u thotë se amerika duhet t’i kërkojë falje. Nuk ka rëndësi ç’thonë ata të sallës? Rëndësi ka çfarë përcjell TV-ja e familjes së tij për publikun e gjerë. Por ai nuk e sulmon drejtëpërdrejtë amerikën, se përpiqet të shmangë sa të mundet akuzën se është antiamerikan. Amerikën e sulmon përmes përmendjes së dy emra që ka zgjedhur: Sorosin dhe Blinken. Njerin e paraqet si armik të demokracisë dhe Shqipërisë dhe tjetrin si të mashtruar nga Edi Rama dhe ambasadorja Kim. U drejtohet atyre qyqarëve te Përmetit për të dëgjuar Shqipëria se, Amerika duhet t’i kërkojë falje,...se pret nga SHBA-të që t’i kërkojë falje për shpalljen “non grata”. Pas tij dalin copa mishi me dy sy dhe i kërkojnë amerikës të gjejë forca për të korigjuar gabimin me “non gratën”.
Lexues i nderuar! E dini çfarë më kujton mua dhe brezit tim kjo sjellje e Berishës, ky agresivitet i “shakaxhiut të përparimit”? Noriegën, ish diktatorin ushtarak të Panamasë. Në fund të viti 1989, duke tundur e vrigëllirë me dorën e djathtë një shpatë, kërcënonte Shtetet e Bashkuara të Amerikës, ku në
vitin 1988 ai ishte paditur nga juritë federale në Miami, me akuza për shantazh, kontrabandë droge dhe pastrim parash. Më parë SHBA-të i kishin kërkuar autoritaristit me tipare diktatori, dorëheqjen dhe anullimin e zgjedhjeve të përgjithshme të vitit 1989 që e kishin sjellë në pushtet në Panama, idem siç ndodhi me Salën në zgjedhjet e vjedhura të 26 majit të vitit 1996. SHBA-ja, pas negociatave të dështuara, pasi Noriega vringëlliu shpatën para një turme panamezë sa deshi e deri sa u lodh i gjori, siç bën Saliu ynë nëpër foltore, nisi një pushtim të Panamasë, arrestoi trimoshin, ua dha gjykatave dhe populli panamez ringriti demokracinë që ish presidenti e kish përdhosur.
Ku e mbështet marrëzinë e tij të fitores ky i “paudhë”? Besimin e parë ja jep fisi, krahina e klani fisnor. Besimplotë eshtë dhe te vota e pinjollëve të ish bashkëpunëtorve të fashizmit. Tjetër besim ka edhe te të përndjekurit politikë. Të treja këto shtresa e kategori se kanë për gjë, që për inat të Partisë Socialiste dhe vetë Edi Ramës, zaptuesin e pushteteve, kapsin e drejtësisë, të shesë deri dje mikun ose të kthejë kundër Amerikës, shtetit ku populli ynë “vulë humbur” mund të mbështetet paksa për të gjetur në mos prehje, besim nga agresioni që na rrethon.
Ja, e zëmë se fitoi ambicja e këtij simboli të autokratizmit, por vërtet beson ky njeri e mbështetësit e tij se Amerika do i hapë derën?! Thjesht, do na prishë pune të gjithë ne të tjerëve, se të vetën s’do ta rregullojë, që s’do ta rregullojë dot!
Lajme të tjera
-
Edison Ypi: Spiun dhe Bariton
25 Dhjetor, 21:10
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!
25 Dhjetor, 19:46 -
Analiza e VOA: Demokracia në provë në Evropën Lindore mes akuzave për ndërhyrje nga Rusia
25 Dhjetor, 19:34 -
Elon Musk: Mos dhuroni më asnjë qindarkë për Wikipedia-n, kontrollohet nga ekstremi i majtë
25 Dhjetor, 19:23 -
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Planet e administratës Trump për t’i dhënë fund luftës në Gazë
25 Dhjetor, 16:49 -
Dyndje për festat! 'Bien' linjat ajrore amerikane, bllokohen mijëra fluturime
25 Dhjetor, 15:55 -
Një mrekulli Krishtlindjesh! Mendonte se ishte fëmijë i vetëm, 75-vjeçari takohet për herë të parë me vëllezërit dhe motrën
25 Dhjetor, 15:44 -
Perëndimi: Vendimet e Parlamentit të Republikës Srpska kërcënojnë rendin kushtetues të Bosnjës
25 Dhjetor, 15:03 -
Trump do të blejë Grenlandën, Danimarka rrit shpenzimet për mbrojtjen e ishullit
25 Dhjetor, 14:06 -
Kërcimi viral i Donald Trump për Krishtlindje (VIDEO)
25 Dhjetor, 13:29
