TIRANË- Viti i ardhshëm pritet të ketë edhe ndryshime në konfiguracionin politik të qarkut të Shkodrës. Deputeti i Partisë së Lirisë Agron Çela do t'i bashkohet Partisë Socialiste. Lajmi u konfirmua nga burime për Report Tv, ndërsa kjo lëvizje pritet të bëhet zyrtare në ditët e para të janarit. Ende nuk ka një reagim nga PS, por një foto e Çelës ka qarkulluar me drejtuesen e PS në Shkodër, Elisa Spiropalin dhe Benet Becin. Në foto duket edhe Edmond Ndou, i cili i është bashkuar PS, pasi ka qenë kreu i degës së Partisë së Lirisë në Shkodër. 

Do të jetë vetë kryesocialisti Edi Rama që pritet të bekojë këtë lëvizje politike që trazon ujërat në Shkodër por edhe i jep PS një forcë më shumë. Burime pranë deputetit Çela, theksojnë se tashmë gjithçka është mbyllur dhe pritet vetëm zyrtarizmi për të kaluar në Grupin Parlamentar të PS.

Agron Çela u zgjodh si deputet në zgjedhjet parlamentare të 2021, në të cilat garoi nën siglën e LSI. Çela siguroi 2656 vota preferenciale, ndërkohë është edhe një person me influencë dhe elektorat në Shkodër. Kjo lëvizje shihet edhe si një kartë më shumë për PS-në për të fituar zgjedhjet e 14 Majit.

Rendit zhvillimet sipas orarit:
Ora 18:15
Do i bashkohet PS, publikohet fotoja e Agron Çelës me Elisa Spiropalin dhe Benet Becin

Deputeti Agron Çela do të lërë Partinë e Lirisë për t’iu bashkuar Partisë Socialiste. Një foto e Agron Çelës me drejtuesen politike të PS në Shkodër, Elisa Spiropalin dhe Benet Becin është shpërndarë, por vetë ata nuk e kanë publikuar në rrjetet sociale. Në foto shihet edhe Edmond Ndou, i cili i është bashkuar PS, pasi ka qenë kreu i degës së Partisë së Lirisë në Shkodër. 

SI.E./Shqiptarja.com