POP 5

Lajmet më të lexuara të 5 minutave të fundit

Kultura

Në provat e Ansamblit/ Artistët përgatisin shfaqjen për datëlindjen e 65-të, në skenë eposi me këngë, valle e ilustrime

Këtë të mërkurë dhe të enjte në orën 19.00 trupa e Ansamblit do të festojnë në skenën e Operas, datëlindjen e 65-të përmes shfaqjes ‘Trimat e Jutbinës’. 11 rrëfenja, të konceptuara në formën e një ëndrre, e kaluara do të sillet në skenë përmes legjendave, eposit dhe kërcimit tradicional

Prej pak ditësh në Teatrin e Operas, Ansambli Popullor po bën provat e fundit.

“Është një shfaqje unikale për nga përmbajtja, mënyra e ndërtimit koncepti përmes të cilit është ndërtuar”, thotë regjisori e kompozitori i shfaqjes Gerti Druga.

Datëlindjen e 65-të, trupa ka zgjedhur ta festojë bashkë me publikun. Në skenën e Operas, mbrëmjen e së mërkurës e të enjten në orën 19.00 , sjellin një performance që zgjon tabanin me shfaqjen repertor  “Trimat e Jutbinës”  bazuar në “Tregimet e Moçme” të Kutelit.

“Në thelb mban të gjithë emocionet dhe anën shpirtërore të një kombi, duke përfshirë edhe pjesën e traditave që ne kemi kaq të rëndësishme dhe kaq të bukur”, tregon më tej Druga.

Janë 11 rrëfenja, që siç thotë regjisori e kompozitori Gerti Druga, konceptohen në formën e një ëndrre, ku e kaluara të sillet në skenë përmes legjendave, eposit, kërcimit tradicional si “Vallja e Burrave” që mban gjurmët e Rexhep Çelikut, a “Vajtimit të Ajkunës”,  të përshtatur në libret nga autori i ndjerë Petrit Ruka.

“Është një shfaqje që nuk njeh moshë, i përket edhe fëmijëve, edhe të rriturve. Një shfaqje që i prek të gjithë”, shton më tej.

Në sfond Eposin e Kreshnikëve do ta rrëfejë, grafika e Gazmend Lekës ndërsa zëri i Hatixhe Lushit dhe Gëzim Halilit… ringjallin figurën e Mujit e të Ajkunës, rrethuar nga zanat, orët, trimat e agallarët e Jutbinës që në dy mbrëmje jetësohen, përmes artistëve të Ansamblit.

A.D/LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ndryshe nga biznesi i vogël profesionet e lira do të tatohen, si ju duket?

Lajme të tjera



×

Lajmi i fundit

EMRAT/ Ndezën zjarr dhe dogjën sipërfaqe të mëdha toke dhe tre godina, arrestohen 2 persona në Durrës

EMRAT/ Ndezën zjarr dhe dogjën sipërfaqe të mëdha toke dhe tre godina, arrestohen 2 persona në Durrës

23 Shtator, 12:50