POP 5

Lajmet më të lexuara të 5 minutave të fundit

Politikë

Në shtator sërish 'rinumërim', KQZ hap 10% të kutive por s'ka ndikim në rezultat! Këqyrja, proces për transparencë e verifikim, shkeljet do të referohen në prokurori

KQZ pritet që në shtator të rinumërojë 10% të kutive të votimit të zgjedhjeve të 25 prillit. Kodi Zgjedhor përcakton që rishqyrtimi i 519 kutive bëhet për të verifikuar rregullsinë dhe saktësinë e veprimtarisë së administratës zgjedhore përgjatë zgjedhjeve. 

Ndonëse zgjedhjet e 25 prillit janë certifikuar tashmë, Komisioni Qendror i Zgjedhjeve duhet të hedhë edhe një hap të fundit për të vërtetuar rregullsinë e procesit zgjedhor.

Në shtator, KQZ do të rinumërojë 10% të qendrave të votimit, ose rreth 520 kuti, proces që njihet si këqyrja e mëpasshme e fletëve të votimit dhe e materialit zgjedhor me qëllim për të parë nëse janë kryer parregullsi apo pasaktësi në veprimtarinë e administratës zgjedhore përgjatë procesit të numërimit të votave. Por pavarësisht këtij procesi mandatet nuk preken, pasi ato tashmë janë të certifikuara KQZ.

Përzgjedhja e kutive do të bëhet në mënyrë rastësore.

“Këqyrja lejohet të bëhet vetëm pasi të jetë shpallur rezultati përfundimtar, të jenë përmbyllur procedurat ankimore dhe zgjedhjet të kenë përfunduar. Ky rregull nuk vlen për këqyrjen që bëhet në kuadër të procesit ankimor, si mjet për sigurimin e provës” thuhet në nenin 167/2 të Kodit Zgjedhor që përcakton edhe rregullat sesi duhet kryer rinumërimi.

Gjatë rinumërimit të 520 kutive do të bëhet edhe kryqëzimi i të dhënave, me ato të pajisjes së identifikimit biometrik, që u përdorën për herë të parë në zgjedhjet e 25 prillit. Nëse do të ketë mospërputhje të të dhënave, rastet do të referohen në prokurori për verifikime të mëtejshme. 

Neni 167 i Kodit zgjedhor 
 

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Alsh: 13/08/2021 12:41

    Po vrasjet dhe veprat terro**zuese qe u bene gjate fushates, a do dergohen ne prokurori?

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës

Deputeti i LDK: Veprimet e qeverisë Kurti, e kanë kthyer presionin e Perëndimit ndaj Kosovës

27 Nëntor, 22:16