Ilir Meta kryetar i Partisë së Lirisë është pyetur gjatë një konference për shtyp, në lidhje me të dhënat e një sondazhi të publikuar në media, ku rezultonte se ishte lideri më pak i pëlyqeshëm. Sipas Metës këto sondazhe janë realizuar nga ata që financohen nga paratë e inceneratorëve.

‘Këto janë sondazhe të kombinuara edhe nga ata që financohen nga paratë e inceneratorëve. Këtë sondazh për mua e ka shpallur Edi Rama që ditën kur kam dalë nga presidenca. Edi Rama e di shumë mirë që mbi 80% e Shqipërisë po zien nga padurimi për ta shporrur atë. Nëse ka një forcë politike ku nuk fut duart është Partia e Lirisë. Nëse nuk do të kisha një popullaritet kaq të madh nuk do të ndërmerreshin të tilla sulme. Unë i besoj sondazhit të përditshëm që bëj në raport me qytetarët. Partia e Lirisë do të arrij një rezultat të jashtëzakonshëm. Nuk jam fare i shqetësuar për popullaritetin tim por për gjendjen e rëndë që është vendi.’- tha Meta.