Në ulërima dhe lot, nëna e 34-vjeçarit që u ekzekutua me 8 plumba e thotë shqip në mes të Athinës: Shqiptarë të qelbur me vratë djalin! Policia i njeh por nuk i arreston

Thyen zemrat e të gjithëve me të qarat plot dhimbjen, nëna e 34-vjeçarit shqiptar Aris Papas, i cili u ekzekutuat pasditen e djeshme në Athinë, me 8 plumba në kokë dhe gjoks.

Me zë që i çirret, e dëshpëruar kërkon që djali i saj shtrenjtë të kthehet në shtëpi, por ai nuk e dëgjon dhe nuk do të kthehet më kurrë.

 “Ari im kthehu në shtëpi, pse ike, djali im i bukur, pse nuk më dëgjove 1 minutë kthehu”, bërtet ajo me sa zë i ka mbetur.

“Ty nuk të ndihmojë askush! Ku ishte policia Ari kur të vranë. Ku janë vrasësit, policia e di kush janë por ata nuk duan t’i arrestojnë. I njohin, i njohin...”, qan ajo pa lot, se i janë tharë.

Në një video të siguruar nga “Top Channel”, duket sikur nëna e Arit, di diçka lidhur me vrasjen.

“O shqiptarë të qelbur më vratë djalin, më vratë djalin more”, shprehet nëna sikur e di që ekzekutorët e Aris janë shqiptarë.

I sigurt se shumë njerëz i dëshironin të keqen, shqiptari, Aris Papas mbante veshur gjithmonë një antiplumb që e ka shpëtuar nga 3 atentate të mëparshme, në 2007, 2019 dhe 2021.

Por për fatin e tij të keq, dje nuk e kishte! Ai pagoi me jetën, hesapet e palara të drogës në të cilat ishte i përfshirë.

Aris Papas raportohet se ishte një person i njohur për autoritetet pasi ka qenë në hetim më parë për grabitje, vrasje në tenativë e trafik droge. 

Ai u vra teksa po pinte kafen e tij të pasdites, i ulur i qetë dhe pa menduar se 8 plumba në kokë dhe gjoks do t’i merrnin jetën.

Vrasësi e qëlloi rreth orës 18:00 dhe më pas sikur asgjë nuk kishte ndodhur, burri i hollë dhe i shkurtër siç e përshkruajnë dëshmitarët okularë është larguar me taxi.

J.GJ./Shqiptarja.com

TAG:
• greqi
• athine
• vrasje me armë zjarri
• aris papas