Në vigjilje të Pashkëve Monsignor Simon Kulli ipeshkëv i dioqezës së Sapës, ka uruar të gjithë besimtarët Pashkë të gëzuara dhe të bekuara.

Përmes një video-mesazhi ai, shprehet se në këtë botë në jemi thirrur për të dëshmuar jetën e cila rrezaton me zemërgjerësi dhe dashuri pa interes.

"Të dashur besimtarë të i dioqezës së Sapës, të dashur emigrantë kudo që ndodheni në mbarë botën. Me rastin e festës së madhe së Pashkëve dua të uroj paqen e Krishtit secilin prej jush. Ngallja e Krishtit është ngjarje thelbësore e Krishtërimit. Ngjallja nuk vjen pas kryqit, ajo gjendet aty brenda në Kryq - kur pranojmë atë lirisht si Jezu Krishti nga dashuria për Hyjin dhe të afërmit tonë.

Me ngjalljen e Krishtit drejtësia dhe dashuria e Hyjit morën shprehjen e tyre më triumfale duke shfuqizuar pushtetin e urrejtjes, të keqes dhe vdekjes. Rruga e Pashkëve është rruga e vuajtjes e mundimeve dhe lotëve-por lotëve që kthehen në lot gëzimi. Porosia e gëzueshme e Ungjillit të Pashkëve ia rikthen njeriut identitetin dhe ia jep kuptimin e ekzistencës së tij dhe e përmbush me jetë. Ne jemi thirrur ta dëshmojmë Krishtin e munduar, Kryqëzuar dhe të ngjallur për dobitë tona, për të mirën e vërtetë dhe të përjetshmen e të gjithë njerëzve. Jemi të thirrur për të dëshmuar jetën e cila rrezaton me zemërgjerësi dhe dashuri pa interes.

Jezu Krishti është modeli i jetës dhe veprimtarisë sonë. Le të bëhemi dëshmitar të gjallë të tij plot me vuajtje. Ai e mundi vdekjen dhe të keqen njëherë e përgjithmonë. Krishti i ngjallur ju dhuroftë gjithmonë paqe dhe iu mbushtë zemrat me gëzime dhe bekime. Për shumë vjet Pashkët e gëzuar dhe Zoti ju bekoftë", shprehet Monsignor Simon Kulli.


Lajmi kryesor:

Festa e Pashkëve, Imzot Arjan Dodaj: Ashtu si Krishti edhe ne të ringjallim shpresën për një të ardhme me plot jetë e harmoni mes nesh (VIDEO)