Pas tensioneve në veri të Kosovës, kryenegociatorët ndodhen në Bruksel ku do të zhvillojnë biseda që të arrijnë negociata për targat. Kryenegociatori i palës kosovare, Besnik Bislimi dhe kryenegaciatori serb Petar Petkoviq kanë udhëtuar për në Bruksel me ftesë të përfaqësuesit të lartë të Bashkimit Evropian për politikë të jashtme, Josep Borrell.
Gjatë ditës së djeshme, Përfaqësuesi i Lartë i Bashkimit Evropian, Josep Borrell tha se është e domosdoshme një zgjidhje urgjente për Kosovën dhe Serbinë.
Shefi i diplomacisë së Bashkimit Evropian tha se “nuk mund të arrijmë te 21 nëntori, pa pasur një marrëveshje”, dhe se siç thotë ai dorëheqja e serbëve nga institucionet e Kosovës ka krijuar tension dhe mund të ndodhë më e keqja.
“Nuk mund të arrijmë te kjo datë pa pasur një marrëveshje ose do të jemi buzë një situate të rrezikshme. Tërheqja e serbëve nga institucione ka krijuar vakuum, mund të ndodhë më e keqja. Kështu që të dy palët duhet të tregojnë më shumë fleksibilitet. Mesazhi nga Këshilli është i qartë, na duhet progres i qartë. E kemi prezantuar propozimin, e falënderoj Gjermaninë dhe Francën që e kanë mbështetur fuqishëm këtë propozim”, tha Borell.
Kujtojmë se Kryeministri Albin Kurti ka përsëritur se nuk do të pranojë asociacion një etnik në Kosovë, ndërsa tha se zhvillimet e fundit nuk duhet të largojnë vëmendjen nga marrëveshja finale me njohje reciproke. Ai nuk ka dhënë shenja se mund të tërhiqet edhe nga vendimi për targat, shtyrja e zbatimit të të cilit i është kërkuar nga Shtetet e Bashkuara dhe Bashkimi Evropian.
Vendimi i fundit i qeverisë së Kosovës për targat kanë qenë kryefjala njëherësh edhe “preteksti” i revoltës serbe në kufi. Edhe pse një kërkesë në dukje miniminaliste, Serbia e kundërshton kategorikisht duke reaguar përmes revoltës me protesta, dorëheqjeve të Listës Serbe dhe kundërshtive me dhunë të vendimeve të Kosovës.
Ka qenë pikërisht ky propozim, arsyeja reale e revoltës serbe, e cila sipas kryeministrit të Kosovës Kurti, tenton që përmes grupeve kriminale të kundërshtojë me forcë çdo marrëveshje, apo plan për të mundësuar një hap para të Kosovës në organizmat ndërkombëtar. Kryeministri Kurti në deklaratën e tij të fundit theksoi se nuk ka e as nuk do të ketë tërheqje të vendimit të targave ndërsa theksoi se ka një qasje pozitive ndaj propozimit franko-gjerman.
Lajme të tjera
-
Bislimi akuzon Serbinë se po tenton të ndalë ndihmën e Kosovës për bujqit shqiptarë në Luginën e Preshevës
10 Dhjetor, 21:16 -
Zëvendëskryeministri i Kosovës në Shtëpinë e Bardhë: Serbia s’është e gatshme për normalizim të marrëdhënieve
7 Dhjetor, 15:38 -
Zv.Kryeministri i Kosovës Bislimi: Shpërthimi në veri, tregon se Beogradi nuk do normalizimin
6 Dhjetor, 22:15 -
Qeveria e Kosovës akuzon Serbinë për legjitimim të diskriminimit të shqiptarëve
20 Nëntor, 21:37 -
Dialogu Kosovë -Serbi/ Bislimi: Takimi me Petkoviçin në Bruksel pa rezultat në tema të rëndësishme! Lajçak takime dypalëshe me kryenegociatorët
24 Tetor, 18:00 -
Dialogu Kosovë-Serbi, nisin takimet në Bruksel! Stano: Nevojë urgjente për nisjen e zbatimit të detyrimeve
24 Tetor, 10:30 -
Përfundon raundi i ri i bisedimeve Kosovë-Serbi në Bruksel pa takim trepalësh
17 Shtator, 16:00 -
Borrell takohet me Gjuriçin, kërkon angazhim në normalizimin e raporteve Kosovë-Serbi
17 Korrik, 21:25 -
Dialogu Kosovë - Serbi/ Bislimi pas takimit trepalësh në Bruksel: Serbia e interesuar vetëm për Asociacionin
2 Korrik, 22:09 -
Bruksel/ Kryenegociatorët e Kosovës, Serbisë dhe i dërguari i BE-së takim trepalësh
2 Korrik, 21:59 -
Petar Petkoviq provokon ministrin Sveçla për posterët e Vuçiçit
30 Qershor, 18:38 -
Borrell kërkon përparim në zbatimin e marrëveshjes për normalizim
26 Qershor, 16:21
