POP 5

Lajmet më të lexuara të 5 minutave të fundit

Politikë

Negociatat/ Ministri Gjerman: BE të mbajë premtimin për Shqipërinë dhe Maqedoninë e Veriut

Në një intervistë për gazetën gjermane ”Welt am Sonntag” ministri gjerman i Shtetit për Europën, Michael Roth ka thënë se do të ishte sinjali i duhur kur bashkërisht me vendet e tjera të BE  t'i jepet drita jeshile për hapjen e negociatave Shqipërisë dhe Maqedonisë së Veriut.

Negociatat/ Ministri Gjerman: BE të mbajë premtimin për Shqipërinë dhe Maqedoninë e Veriut

Bashkimi Europian duhet të mbajë premtimin për hapjen e negociatave me Shqipërinë dhe Maqedoninë e Veriut, pasi dy vendet kanë kryer detyrat e kërkuara dhe meritojnë të shpërblehen, deklaroi ministri gjerman i Shtetit për Europën, Michael Roth, për gazetën gjermane ”Welt am Sonntag”.

”Refuzimi do të rrezikonte seriozisht besueshmërinë e BE-së, paqen dhe stabilitetin e Ballkanit Perëndimor. Po të krijojmë një vakuum politik, atë do ta mbushin pa shumë ceremoni aktorë si Rusia, Kina, Turqia apo Lindja e Mesme”, theksoi ai.

”Partnerët tanë nuk duhet të shkelin fjalën e dhënë. Më 15 tetor ne duhet t’i hapim dritën jeshile negociatave me Shqipërinë dhe Maqedoninë e Veriut. Dy vendet kanë përmbushur detyrat dhe kjo duhet shpërblyer. Kemi marrë zotimet tona dhe tani duhet t’i mbajmë”, theksoi Roth.

Edhe para pak ditësh, Michael Roth tha në një intervistë për DW se ”shpresoj që më 15 tetor në Bruksel do të kemi sukses së bashku në dhënien e dritës jeshile për hapjen e negociatave të pranimit me Maqedoninë e Veriut dhe me Shqipërinë”.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

O’Brien nesër në Beograd për takime me krerët e Serbisë

O’Brien nesër në Beograd për takime me krerët e Serbisë

19 Prill, 22:54