POP 5

Lajmet më të lexuara të 5 minutave të fundit

Negociatori i ‘Rithemelimit’ për presidentin sulmon Alibeajn: Je sekser i Ramës, ‘hodhe në erë’ procesin kushtetues, tani do të shkatërrosh Grupin Parlamentar të PD

Negociatori i ‘Rithemelimit’ për presidentin sulmon Alibeajn: Je sekser i Ramës, ‘hodhe në erë’ procesin kushtetues, tani do të shkatërrosh Grupin Parlamentar të PD

Një sekser politik të Ramës e ka quajtur Alibeajn i caktuari nga “Rithemelimi” për negociatat e presidentit, Luçiano Boçi.  Sipas deputetit të PD një i “shkarkuar” si Alibeaj, nuk mund të thërrasë Grupin e Rithemelimit për negociata lidhur me çështjen e presidentit.

Ai tha se Alibeaj pasi “hodhi në erë” procesin kushtetues për presidentin duke u ulur në prehrin e Ramës, tani po kërkon të përçajë edhe Grupin parlamentar të PD.

“Alibeajt, tani që Rama e ka zyrtarizuar si sekser politik, i ngjan se mund t’i vendosë kushte dhe vetë Partisë Demokratike.

Deklaron teatralisht se do të thërrasë dhe grupin e rithemelimit për negociatat me kusht!? Një i shkarkuar nga demokratët nuk mund të vendosë kushte. Këtë thirrje nuk e ka seriozisht dhe sinqerisht për zgjedhjen e Presidentit.

Pasi hodhi në erë procesin kushtetues për presidentin, duke u ulur në prehrin e Ramës si i preferuari i tij, tani po kërkon të kënaqë Ramën dhe të sanksionojë përçarjen e Grupit Parlamentar në dy grupime, njërin prej të cilëve e zotëron ai me hipotekë.Grupi Parlamentar i PD është një, jo siç do ta shohë z. Alibeaj., të bërë copash. Thirrjen e tij e vendos Kryesia e grupit, jo një deputet. Unë dhe Z. Salianji në cilësinë e nën/kryetarit e kemi kërkuar me këmbëngulje mbledhjen e Kryesisë dhe të Grupit, ku të sanksionohej rikthimi i të shkarkuarve, por z. Alibeaj e ka refuzuar, mgjs i ka munguar dhe tagri për ta bërë. Sot i duhet diversioni dhe përsërit refrenin e mospranimit të Z. Berisha.

Po kërkon kështu njëherazi të legalizojë veten, bashkëpunimin e pistë me Ramën dhe të vulosë përçarjen për hir të axhendave të njohura. Z. Alibeaj me veprimet e tij të disata ka dëmtuar interesin e demokratëve dhe po shpëton fytyrën e Ramës. Partia Demokratike është e vendosur për të vazhduar negociatat në nivel politik jashtë skemave të paracaktuara në zyrat e Ramës, për t’i dhënë shqiptarëve një President të denjë.", shkruan ai. 


Lajmi kryesor:

Presidenti i ri, 'Negociatori i Rithemelimit’ sulmon Alibeajn: Je sekser i Ramës, ‘hodhe në erë’ procesin kushtetues! Salianji: E gjitha lojë e Ramës! PD s’do të ketë asnjë emër me 20 firma
J.GJ./Shqiptarja.com
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

VIDEO/ 'Mangalem's Shade', magjia e dritave në lagjen muzeale të Beratit

VIDEO/ 'Mangalem's Shade', magjia e dritave në lagjen muzeale të Beratit

25 Dhjetor, 09:03 nga Mimoza Sinanaj