Gjykata e Posaçme e Apelit la në fuqi vendimin e Shkallës së Parë për dënimin me 8 muaj burg të ish-kryebashkiakes së Libohovës Luiza Mandi, për shpërdorim detyre. Në ndryshim nga Shkalla e Parë, Apeli ia pezulloi dënimin me burg duke e konvertuar në 1 vit e 4 muaj shërbim prove.
Bëhet fjalë për një kallëzim të bërë nga një qytetar, i cili pretendonte se në pronat e familjarëve të tij bashkia po zhvillon një projekt zgjerim rruge ku kishte pajtuar firmën Alba Kontruksion për kryerjen dhe zhvillimin e zonës. Duke u njohur me këtë fakt, qytetari ka kontaktuar vetë me kryetaren e bashkisë dhe përgjegjësin e urbanistikës, ku e kanë sqaruar se pas përfundimit të projektit do të merreshin me riparimin e dëmeve të shkaktuara në tokat e tij, si dhe duke pastruar dherat dhe inertet që ishin hedhur.
Por gjatë përfundimit të punimeve, denoncuesi ka konstatuar se muri rrethues nuk ishte ndërtuar në cilësinë e duhur, por ndërtimi ishte shtrirë edhe në sipërfaqe të tjera të tokave në pronësi të tij. Në këto kushte, Prokuroria e Posaçme nisi hetimet dhe sekuestroi projektin në fjalë ku është konstatuar se ishin cenuar pronarët e tokës nga Libohova.
Sipas shkresave, gjatë zhvillimi të projektit në fjalë nuk është zbatuar procedura e shpronësimit çka ka sjellë dhe dënim ekonomik të familjes kallëzuese në një vlerë prej 362,480 lekë.
Njoftimi i gjykatës:
Gjykata e Posaçme e Apelit për Korrupsionin dhe Krimin e Organizuar, me trup gjykues të përbërë nga gjyqtarët Miliana Muça (kryesuese), Engert Pëllumbi (anëtar) dhe Igerta Hysi (anëtare), më datë 19.03.2025, shpalli vendimin lidhur me çështjen e regjistruar me nr. 12 akti, datë 20.01.2025 regjistrimi, mbi ankimin e ankueses/të pandehurës L.M., kundër vendimit nr. 38, datë 13.06.2024 të Gjykatës së Posaçme të Shkallës së Parë për Korrupsionin dhe Krimin e Organizuar, që ka vendosur:
- Deklarimin fajtor të të pandehurës L.M., për veprën penale “Shpërdorimi i detyrës” dhe bazuar në nenet 49, 248 të K.Penal, dënimin e saj me 1 (një) vit burgim.
- Në bazë të nenit 406 pika 1 të K.Pr.Penale, të pandehurës L.M., i ulet 1/3 e dënimit, për shkak të aplikimit të gjykimit të shkurtuar dhe përfundimisht dënohet me 8 (tetë) muaj burgim.
- Vuajtja e dënimit fillon nga dita e ekzekutimit të këtij vendimi, të formës së prerë, dhe të kryhet në një burg të sigurisë së zakonshme.
- Bazuar në nenin 35 paragrafi 2 të K.Penal, heqjen e të drejtës së të pandehurës L.M. për të ushtruar funksione publike për një kohë prej 5 (pesë) vjet.
- Shpenzimet procedurale, ato gjatë hetimit të çështjes në vlerën 120.000 (njëqind e njëzet mijë) lekë si dhe ato të gjykimit, sipas formularit bashkëngjitur këtij vendimi, të paguhen nga e pandehura L.M.
Në përfundim, Gjykata e Posaçme e Apelit për Korrupsionin dhe Krimin e Organizuar vendosi:
1. Lënien në fuqi të vendimit nr. 38, datë 13.06.2024 të Gjykatës së Posaçme të Shkallës së Parë për Korrupsionin dhe Krimin e Organizuar, me ndryshimin:
- Në aplikim të nenit 59 të Kodit Penal, urdhërohet pezullimi i ekzekutimit të dënimit me burgim për të pandehurën L.M. dhe vënia në provë për një afat prej një vit e katër muaj, duke u detyruar e pandehura të mbajë kontakte me Degën Territoriale të Shërbimit të Provës Gjirokastër, në juridiksionin e së cilës ka vendbanimin, me kusht që gjatë kohës së provës të mos kryejë vepër tjetër penale.
- Në bazë të nenit 61 të Kodit Penal, urdhërohet e pandehura L.M. t’iu përgjigjet thirrjeve e kërkesave të organeve për mbikëqyrjen e provës.
2. Shpenzimet gjyqësore në gjykimin në apel i ngarkohen të pandehurës L.M.
Komente
Lajme të tjera
-
Gjirokastër/ I shpallur në kërkim për prodhim dhe shitje të lëndëve narkotike, arrestohet 67- vjeçari
21 Mars, 15:12 -
Këlcyrë/ Çmontohet grupi i plaçkitjes së banesave, 2 të arrestuar, një prej tyre i mitur! Shtëpia e braktisur u kthye në bazë ku mbaheshin armatimet dhe sendet e vjedhura (VIDEO)
21 Mars, 10:07 -
Rikonstruksioni i Komisariateve, GJKKO kalon për gjykim dosjen e deputetit Plarent Ndreca dhe 15 të tjerëve (EMRAT+VENDIMI)
20 Mars, 15:20 -
I akuzuar për vrasjen e Fatbardh Licit në 2018, Apeli i GJKKO lë në burg Safet Bajrin! I 'forti' i Shkodrës: Përgjime pa lidhje, atë ditë isha në diskotekë dhe restorant peshku
20 Mars, 12:52 -
Gjirokastër/ Tentativë grabitje në një pikë këmbimi valutor, autori i maskuar largohet 'duar bosh', arrestohet nga policia
20 Mars, 12:20 -
‘Plumbi i artë’/ Dumani: Më dhanë 100 mijë euro për vrasjen e shokut tim Shkoza! Komisari Lamaj më ra në hak! Diva: Gjyqtarë e deputetë takonin Nuredinin, kam 120 minuta incizime
20 Mars, 11:49
-
U ekstradua dy ditë më parë nga Spanja, GJKKO lë në burg ish-kreun e bandës së Durrësit! Lulzim Berisha mohon njohjen me Luftar Reçin: Nëse më provoni një kontakt, më dënoni si të doni
20 Mars, 09:51 -
'Shpirti' / GJKKO dënon me 10 vite burg dy anëtarë të grupit të përfshirë në skemën e trafikut ndërkombëtar të drogës
19 Mars, 16:32 -
Operacioni ‘Kilovati’ në Gjirokastër/ Instalonin matës të energjisë elektrike pa regjistrim, ekzekutohen 16 masa sigurie! Në pranga punonjës dhe ish punonjës të OSHEE
19 Mars, 10:50 -
Nis restaurimi i kompleksit ‘Angonatët’, ikona e Gjirokastrës muzeale! Fondi 30 mln lekë
18 Mars, 19:10
-
Dosja ‘5D’/ GJKKO kalon për proces fraksionin e dytë, të pandehur 9 anëtarët e Komisionit të Ofertave në Bashkinë e Tiranës! Pranohet gjykimi i shkurtuar, ja për çfarë akuzohen (EMRAT)
18 Mars, 14:02
-
‘Plumbi i artë’/ Dumani: Otin e Elbasanit s’e vrava dot se Suel Çela më nxori në pritë, flisja në Matrix! Talo Çela më ofroi 2 mln euro për të vrarë Alibejn, bisedat në SKY ECC
18 Mars, 11:15
