POP 5

Lajmet më të lexuara të 5 minutave të fundit

Kronikë

Nënkomisari në Durrës u vetëvra me armën e shërbimit, kolegu në lot: E kam pas si vëlla, ishte djalë me sedër! Familjarët: Dhimbje e madhe

Kolegë, miq e familjarë, janë pa fjalë pas vetëvrasjes së policit Arben Pjeçi në zyrën e tij në komisariatin e Durrësit. Të gjithë janë të habitur nga ajo që ndodhi, pasi në sytë e tyre, polici 56-vjeçar ishte punëtor e me sedër, dhe e mendonin karakter të fortë për tu lëkundur kaq fortë prej pezullimit nga detyra si pasojë e një vendimi gjyqësor ndaj tij

Në gjendje të rënduar psikologjike, efektivi 56-vjeçar Arbër Pjeçi, me 34 vite karrierë në radhët e uniformave blu, baba i dy fëmijëve, i dha tragjikisht fund jetës duke qëlluar veten me armën e shërbimit në zyrën e tij në komisariatin e Durrësit.

Një plumb në zemër i mori menjëherë jetën, të enjten. Familja e kolegët po e kërkonin pas disa orëve pa kontakt me të, e madje kishin trokitur dhe në derën e zyrës së tij të cilën e kishte kyçur pa ditur tragjedinë që kishte ndodhur brenda saj.

E shtëna e armës nuk është dëgjuar nga kolegët pasi sipas ekspertëve polici e ka puthitur armën drejt e në zemër, ndaj arritën ta gjejnë në zyrë pasi shqyen me forcë derën rreth 6 orë pas vetëvrasjes.

Familjarë, kolegë e miq, janë të tronditur. Nuk e prisnin që oficeri i policisë, në sytë e tyre një burrë i ndershëm dhe me sedër, të arrinte deri në këtë pikë. Të gjithë e përshkruajnë një burrë emocional dhe të ndjeshëm.

“E njoh për njeri të mirë. Askush nuk thotë asgjë, ishte e papritur. Shumë dhimbje.’- tha një koleg.

“Djalë më i mirë nuk gjendet. Çun me sedër, çun i paparë”- u shpreh një tjetër.

“I sinqertë i ndershëm, u habitëm kur ndodhi kjo ngjarja. Shqetësime nuk kishte, por më bënte përshtypje se ishte shumë i sinqertë, i ndershëm. Punonte i shkreti”- tha një koleg.

“E kam pas shumë mik, nuk mund të shprehem. E merrja këtu se kisha makinën, e çoja në Divjakë e shkoja me të. E kam pas si vëlla. Kam punuar para gjashtë vjetëve me të, këtu e takoja shpesh herë”- u shpreh një koleg.

Atë ditë, oficerit Policisë Gjyqësore me gradë nën/komisar kishte mësuar vendimin e pezullimit nga detyra, si pasojë e një vendimi nga gjykata e Durrësit e cila e dënoi efektivin me 40 orë punë në komunitet për plagosjen e lehtë me grushte të fqinjit 2 vite më parë pas një sherri për tendën mbi të cilën pikonte uji nga ballkoni i policit.

Nën/komisari kishte mundësi ta ankimonte vendimin e përjashtimin nga policia te Standardet Profesionale brenda 10 ditësh, por nuk e ka shfrytëzuar këtë mundësi duke menduar aktin ekstrem.

SI.E./M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Qofshl i xhenetit. Arbentë të rrojnë fëmijët. Dhe qoftë dheu i lehtë. I nderuar Shahin; gjëma qëtë ra është tepër ë rëndë,të këshilloj: 26/01/2024 15:40

    Përgjigju
  • balshaj: 26/01/2024 13:51

    PO ca lesh u vetvra, e vrane per drogen qe u kapi ne portin e Durresit. Ne Shqiperi jeta e njeriut s'vlen. Te vrasin naten e te qajne diten.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Papët dhe jubilejtë: hapja e Derës Shenjte në histori

Papët dhe jubilejtë: hapja e Derës Shenjte në histori

25 Dhjetor, 07:31