Nënkryetari i Parlamentit të Hungarisë: E mbështesim anëtarësimin e Suedisë në NATO

Nënkryetari i Parlamentit të Hungarisë: E mbështesim anëtarësimin e Suedisë në NATO

Csaba Hende

Një delegacion parlamentar nga Hungaria tha më 7 mars se e mbështet aplikimin e Suedisë për anëtarësim në NATO. Kështu tha nënkryetari i parlamentit hungarez, Csaba Hende, pas një takimi me kryetarin e parlamentit suedez, Andreas Norlen, në Stokholm të Suedisë.

“Ne e mbështesim anëtarësimin e Suedisë në NATO”, tha Hende për agjencinë suedeze të lajmeve TT.

Disa ligjvënës hungarezë kanë ngritur dyshime nëse duhet t'i mbështesin aplikimet për anëtarësim në NATO nga Suedia dhe Finlanda, duke përmendur ato që ata i quajnë "gënjeshtra të hapura" nga Stokholmi dhe Helsinki për gjendjen e demokracisë në Hungari. Por, delegacioni hungarez tha të martën se parlamenti do ta ratifikojë përfundimisht aplikimin e Suedisë në NATO.

Më 2 mars, Parlamenti i Hungarisë njoftoi se ka shtyrë ratifikimin për dy javë dhe ligjvënësit hungarezë pritet të votojnë në seancën e 20 marsit. Hungaria mbetet i vetmi vend anëtar i NATO-s, që përveç Turqisë, nuk ka miratuar ende aplikimet e dy vendeve nordike për t'iu bashkuar aleancës ushtarake perëndimore.

NATO kërkon që të 30 shtetet të ratifikojnë aplikimet për anëtarësim me qëllim që të pranohen shtetet e tjera. Partia e kryeministrit hungarez, Viktor Orban, ka mbështetur pranimin e Finlandës dhe Suedisë në NATO. Por, opozita hungareze ka kritikuar partinë e Orbanit se po zvarrit këtë çështje./REL

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

DIREKT, Euro 2024/ 'Gjelat' për të treguar forcën, Austri 0-1 Francë! Autogol në Dusseldorf

DIREKT, Euro 2024/ 'Gjelat' për të treguar forcën, Austri 0-1 Francë! Autogol në Dusseldorf