Nënshkruhet në Stamboll marrëveshja për zhbllokimin e eksporteve të grurit ukrainas! Rama: Përgëzoj Erdogan për rolin kritik dhe përpjekjet e vazhdueshme

Kryeministri Edi Rama ka përgëzuar Turqinë dhe presidentin turk Rexhep Tajip Erdogan për përpekjet dhe rolin e luajtur në marrëveshjen e nënshkruar sot në Stamboll për zhbllokimin e eksportit të grurit nga portet e Ukrainës.

Me një postim në "Twitter", Rama shprehet se nënshkrimi i kësaj marrëveshjeje tregon se dialogu dhe diplomacia janë mjetet e vetme për të trajtuar dhe zgjidhur problemet midis shteteve.

"Unë përgëzoj Turqinë dhe @RTErdogan për rolin kritik të luajtur dhe përpjekjet e tyre të vazhdueshme për të arritur "Iniciativën e Detit të Zi" për eksportin e drithit nga #Ukraina. Kjo tregon edhe një herë se dialogu dhe diplomacia janë mjetet e vetme për të trajtuar dhe zgjidhur problemet midis shteteve. Chapeau!", shkruan Rama.

Ditën e sotme në Stamboll, në Pallatin "Dolmabahçe", Ukraina dhe Rusia nënshkruan dy marrëveshje të rëndësishme me Turqinë dhe Kombet e Bashkuara për eksportin e drithit dhe produkteve bujqësore përmes Detit të Zi. Presidenti turk Rexhep Tajp Erdogan dhe Sekretari i Përgjithshëm i OKB-së Antonio Guterres morën pjesë në Ceremoninë e Nënshkrimit të Dokumentit të Iniciativës për Transportin e Sigurt të Drithërave dhe Produkteve Ushqimore nga Portet e Ukrainës së bashku me përfaqësuesit nga Rusia dhe Ukraina. 

‘Ditë historike, makthi i urisë në botë u shmang’, kështu u shpreh presidenti turk Reccep Tayip Erdogan gjatë ceremonisë së nënshkrimit të marrëveshjes në Stamboll për zhbllokimin e eksportit të drithërave në portet e Ukrainës.

"Sot është një ditë historike, ne jemi krenarë për rolin tonë në këtë iniciativë që ka zgjidhur krizën globale të ushqimit. Marrëveshja e sotme ka të bëjë me të gjitha kombet e botës, nga Afrika në Azi, dhe ne po shmangim së bashku makthin e urisë globale.”, tha Erdogan.

Ukraina dhe Rusia nënshkruan dy marrëveshje të veçanta në Stamboll me Turqinë dhe Kombet e Bashkuara për eksportin e drithit dhe produkteve bujqësore përmes Detit të Zi.

Kievi refuzoi të nënshkruajë tekstin drejtpërdrejt me Moskën, e cila është zotuar të nënshkruajë një marrëveshje identike me Ankaranë dhe Sekretarin e Përgjithshëm të Kombeve të Bashkuara.

"Marrëveshja e sotme e grurit është një fener në Detin e Zi." Kështu e cilëson Sekretari i Përgjithshëm i OKB-së Antonio Guterres marrëveshjen në Stamboll mes Rusisë, Ukrainës dhe OKB-së me ndërmjetësimin e Turqisë për lëshimin e drithit nga portet ukrainase. 

“Ne po llogarisim në qeverinë turke që të ruajë këtë rol të ndërmjetësit në të ardhmen”, tha Guterres në ceremoninë e nënshkrimit të marrëveshjes.", tha Guterres në ceremoninë e nënshkrimit të marrëveshjes.

Rusia beson se marrëveshja e grurit me Ukrainën është "e rëndësishme sepse kanalet e furnizimit të tregut global duhet të zhbllokohen për shkak të krizës së afërt të ushqimit", kështu është deklaruar nga Kremlini, sipas raportimeve të TASS

Ukraina ka nënshkruar pjesën e saj të marrëveshjes së grurit me Turqinë dhe OKB-në, siç raporton media ukrainase "Strana.ua".

"Ukraina, Turqia dhe OKB nënshkruan marrëveshjen e eksportit të grurit. Dokumenti u nënshkrua nga ministri ukrainas i Infrastrukturës Oleksandr Kubrakov, ministri turk i mbrojtjes Hulusi Akar dhe sekretari i përgjithshëm i OKB-së António Guterres", tha gazeta online duke pretenduar se i njëjti dokument. duhet të nënshkruhet nga rusët.

Ndërkohë presidenti turk Recep Tayyip Erdogan, gjatë një aktiviteti në Stamboll u shpreh se botës me nënënshkrimin përfundimtar do t’i jepet një lajm i mirë.

“Së shpejti, me ceremoninë e nënshkrimit të marrëveshjes në Stamboll, “do të kapërcehen problemet për çështjen e grurit” dhe “do t’i japim një lajm të mirë botës”. Kështu deklaroi presidenti turk, Recep Tayyip Erdogan, gjatë një aktiviteti në Stamboll, transmeton agjencia e lajmeve Anadolu.

Greqia, Danimarka, Sllovakia, Sllovenia dhe Kroacia u shtuan në listën e shteteve armiqësore ndaj Rusisë. Shërbimi për shtyp i qeverisë ruse tha se lista u përditësua me një dekret të nënshkruar nga kryeministri Mikhail Mishustin, njoftuan agjencitë ruse. "Qeveria ka përditësuar listën e shteteve të huaja që kryejnë akte armiqësore kundër misioneve diplomatike dhe konsullore ruse jashtë vendit. Lista tani përfshin gjithashtu Greqinë, Danimarkën, Sllovakinë, Slloveninë dhe Kroacinë," thuhej në deklaratë. 

Në 24 orët e fundit, rreth 28,000 njerëz, përfshirë 4,611 fëmijë, janë evakuuar nga rajonet e rrezikshme të Ukrainës dhe republikat e Donbass dhe janë transportuar në territorin e Federatës Ruse. 

Këtë e ka bërë të ditur gjenerali Mikhail Mizintsev duke shtuar se pavarësisht pengesave të krijuara nga Kievi, në 24 orët e fundit, pa pjesëmarrjen e autoriteteve ukrainase, 27,698 persona, përfshirë 4,611 fëmijë, u evakuuan në territorin e Federatës Ruse nga rajonet e rrezikshme të Ukrainës dhe republikat e Donbasit.

Forcat e Armatosura të Ukrainës kanë potencialin për të avancuar në terren dhe për t'u shkaktuar viktima forcave ruse. Kështu deklaroi presidenti Zelensky pas takimit me liderët ushtarakë.

Në mesazhin e tij të zakonshëm në mbrëmje, udhëheqësi ukrainas tha se sulmet ndaj trupave të Moskës duhet të rriten. Kjo është arsyeja pse Kievi mbështetet shumë në armët e dërguara nga vendet perëndimore, veçanërisht në raketat me rreze të gjatë veprimi si Himars i SHBA-së.