POP 5

Lajmet më të lexuara të 5 minutave të fundit

Politikë

"Nëpunësi", Basha: Meta, reago!
Rama na sheh si banana-kuvend

Kryetari i PD-së, Lulzim Basha, ka deklaruar sot se konsesusi ndërpartiak i ligjit "Për nëpunësin civil" u qëllua për vdekje nga Rama.
Rama na sheh si banana-kuvend">
TIRANË – Kryetari i PD-së, Lulzim Basha, i ka kërkuar sot Kryetarit të Kuvendit, Ilir Metës, të reagojë ndaj shtyrjes së ligjit "Për nëpunësin civil" nga mazhoranca, pasi ai ligj u miratua me konsensus dhe njëherësh, të ndalë "peshkimin" e mandateve të opozitës me mjete korruptive.

Në një konferencë për shtyp, Basha deklaroi sot firmosja e aktit normativ nga Rama ishte një atentat, nëpërmjet tij konsensusi u qëllua për vdekje dhe Kryeministri Rama e trajtoi Kuvendin e Shqipërisë si "banana-kuvend" dhe partnerët e huaj, si manekinë.

"Kryetari i Kuvendit të bëjë detyrën e tij, për të provuar se Parlamenti nuk është banana-Kuvend dhe të shmangë çdo tundim të mazhorancës, për të peshkuar mandate të opozitës me mjete dhe mënyra korruptive. Mazhoranca duhet ta kuptojë se konsensusi nuk është çështje numrash, por vlerash,"- tha Basha.

"Mbrëmë, me një akt të njëanshëm anti-kushtetues dhe në mungesë totale transparence," - theksoi ai, - "Edi Rama shpalli shfuqizimin gjashtë mujor të ligjit “Për nëpunësin civil”, ligj i miratuar me konsensus dhe unanimitet në Kuvendin e Shqipërisë, në maj të këtij viti. Ky është një nga tre ligjet, mosmiratimi i të cilëve solli mosmarrjen e statusit të vendit kandidat. 

Mbrëmë, ky konsensus u qëllua për vdekje me koburen arbitrare dhe anti-kushtetuese të aktit normativ. Duke vënë mbi interesat madhore të vendit, interesa egoiste dhe meskine, Rama shpërfilli paralajmërimet e opozitës dhe hodhi poshtë me një firmë të vetme, konsensusin unanim të mbarë Kuvendit, 4 orë para se të hynte në fuqi."

Sipas tij, "kjo nuk ndodhur e nuk mund të ndodhë në vendet që mbështeten në parimet e shtetit ligjor dhe demokracisë. Kjo ndodh vetëm në "banana-republikat" që mbështeten në ligjin e xhunglës.

Duke zhbërë me një firmë të vetme një ligj konsensual, Rama e ka trajtuar Kuvendin e Shqipërisë si banana-Kuvend dhe partnerët tanë që aq shumë këmbëngulën në vlerat e konsensusit, si manekinë të denjë vetëm për poza fotografike."

Në përfundim, kryetari i PD-së kërkoi edhe vëmendjen e Kryetarit të Kuvendit, Ilir Metës, për këto zhvillime.

Redaksia online
(ar.sh/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Humbja në Liverpool, Ancelotti: Keni për ta parë, do kualifikohemi dhe do garojmë për trofeun

Humbja në Liverpool, Ancelotti: Keni për ta parë, do kualifikohemi dhe do garojmë për trofeun

28 Nëntor, 14:41