'Nëse sulmon Kosovën, NATO do të kundërpërgjigjet me bomba', eskperti italian zbulon mesazhin për Vuçiç pas tensioneve në veri

“Presidenti serb Aleksandër Vuçiç ka marrë një mesazh të qartë nga NATO”, zbuloi një ish anëtar i ushtrisë italiane, Thomas Theiner duke iu referuar tensioneve në veri të Kosovës gjatë mbrëmjes të së dielës. Me anë të postimit në Tëitter shkroi se i kishin bërë paralajmërim të qartë që nëse guxon të sulmojë Kosovën, do t’i vijë menjëherë reagimi nga NATO.

“Mendoj se oficerët e Shtabit të Përgjithshëm të Serbisë mbrëmë i kanë shpjeguar presidentit Vuçiq se nëse ai guxon të sulmojë Kosovën, aeroplanët luftarakë të NATO-s do të shfaqeshin mbi forcat serbe dhe do t’i sulmonin me bomba”, shkroi Theiner në Twitter.

Ndër të tjera tregon se brenda 48 orëve, në aeroportin e Prishtinës do të transportohej Brigada e 173-të Ajrore e Ushtrisë Amerikane, ndërsa në Aeroportin e Gjakovës (e ndërtuar nga Ushtria Italiane për këtë qëllim) Brigada e Parashutave e Ushtrisë Italiane “Folgore”.

Sipas ekspertit italian, në rast se Vucic do të bënte një lëvizje të gabuar drejt Kosovës, do të aktivizohej edhe Brigada e Mekanizuar e Ushtrisë Italiane “Pinerolo”, e vendosur në Bari dhe rrethinat e saj, dhe do të dërgohej nga Divizioni i III Detar i Marinës Italiane me anijet e saj amfibe nga Brindisi në Durrës brenda dy ditësh.

Nga Durrësi në Mitrovicë, shton ai, “Freccia IFVs”, mjeteve luftarake të Brigadës së Motorizuar Pinerolo dhe shkatërruesve të tankeve Centauro do t’u nevojiteshin vetëm gjashtë orë për të arritur e për të mbrojtur Kosovën.

Lajmi kryesor:

Tensionet/ Kosova pas kërkesës së SHBA shtyn zbatimin e vendimit për reciprocitetin! Lirohen 2 pikat kufitare në veri! KFOR: Garantojmë sigurinë

A.M./Shqiptarja.com

TAG:
• tensione ne veri te kosoves
• Albin Kurti
• kosove
• serbi
• reciprociteti