Dita e nesërme do të karakterizohet me kthjellime në të gjithë vendin deri në mesditë kur në zonat veriore do të ketë vranësira duke sjellë shira të përkohshëm.
 
Pasditja do të vijojë nën ndikimin e kthjellimeve dhe vranësirave të shpeshta në bregdet dhe zonat e ulëta ndërsa me vranësira dhe shira do të paraqitet moti për zonat malore lindore.
 
Sipas MeteoAlb, në mbrëmje dhe gjatë natës i gjithë vendi do të jetë në ndikimin e kthjellimeve dhe vranësirave të shpeshta.
 
Temperaturat e ajrit do të pësojnë një rritje të lehtë në të dy vlerat ekstremale të ditës.
 
Redaksia Online
Er.K/Shqiptarja.com