Nesër raundi i dytë i Primareve të Berishës në 5 bashki, shtyhet për një datë tjetër gara në Fushë-Arrëz

Nesër PD e Berishës do të zhvillojë raundin e dytë të primareve në 5 bashki të vendit për të përcaktuar fituesin, që do të jetë kandidati zyrtar për garën e zgjedhjeve vendore të 14 majit. Janë 6 bashkitë që shkuan në balotazh por gara në Fushë-Arrëz është shtyrë për një datë tjetër. PD e Berishës ka njoftuar se nesër ka zgjedhje në Mat, Dibër, Fier, Mirditë dhe Librazhd.

“Komisioni i Organizimit dhe Kontrollit të Operacioneve Elektorale pranë Partisë Demokratike njofton se procesi i votimit do të hapet ne orën 8.00 e do të mbyllet në orën 18.00. Nëse në orën 18.00 do të ketë anëtarë të PD që ende nuk kanë votuar, Qendrat e Votimit nuk do të mbyllen derisa të ketë votuar edhe personi i fundit.  Komisioni i Organizimit dhe Kontrollit të Operacioneve Elektorale fton të gjithë anëtarët e simpatizantët e PD të bëhen pjesë e këtij procesi të rëndësishëm e të zgjedhin me votë kandidatin e tyre për Kryetar Bashkie”, thuhet në njoftim.

Kujtojmë se nga 9 bashki që kaluan në balotazh, 6 do të zhvillojnë zgjedhjet, ndërsa në 3 të tjera gjatë javës 1 nga rivalët u tërhoq.

Bashkitë ku votohet nesër, kandidatët dhe vende e qendrave të votimit

 

K.T./Shqiptarja.com

TAG:
• primaret e berishes
• PD
• zgjedhjet vendore 2023