Parlamenti izraelit, Knesset, miratoi projektligjin për dënimin me vdekje për terroristët që vrasin qytetarë izraelitë. Ky është votimi i parë nga tre të nevojshëm për miratimin përfundimtar të legjislacionit.

"Jemi në rrugën e duhur për të bërë histori. E premtuam dhe e kemi mbajtur", tha ministri i ekstremit të djathtë Itamar Ben Gvir në X.

Projektligji tani do t'i dërgohet komisionit për t'u përgatitur për dy votimet e fundit të nevojshme për t'u bërë ligj.

Të menjëhershme reagimet. Hamas flet për një ligj racist”, ndërsa Amnesty International e ka krahasuar me apartheidin.

Ndërkohë kryeministri izraelit Benjamin Netanya, deklaroi në fjalën e tij në parlament se vendi është i vendosur të zbatojë marrëveshjet e armëpushimit në Gaza dhe Liban "me grusht të hekurt", duke shtuar se kjo do të zbatohet vetëm për sa kohë ekzistojnë këto marrëveshje, veçanërisht në lidhje me Libanin, ku sulmet e përditshme të IDF-së kundër objektivave të Hezbollahut kanë rifilluar.

Lajm në përditësim…

Rendit zhvillimet sipas orarit:
Ora 12:38
Dënimi me Vdekje për Terroristët, Amnesty: Diskriminim në Bazë të Etnisë

Kryeministri Benjamin Netanyahu me Ministrin e Sigurisë Kombëtare Itamar Ben Gvir në Knesset

Amnesty International e kishtë dënuar që më herët projektligjin izraelit të miratuar dje në votimin e parë, duke vënë në dukje mizorinë në vetvete të dënimit me vdekje ashtu edhe për shkak se ligji "është një përpjekje për të krijuar një diferencim bazuar në parimet etniko-nacionaliste, gjë që e bën atë një ligj aparteidi".

Ekspertët e OKB-së e dënuan gjithashtu ligjin si "një hap thellësisht regresiv" që "do të zbatohet për pakicat dhe ndaj atyre që kanë jetuar nën pushtim për 55 vjet".

SI.E./Shqiptarja.com

Ora 12:36
Hamasi: Ligji për dënimin me vdekje është penal dhe racist

Anëtarët izraelitë të krahut të djathtë të Knesset, Itamar ben Gvir dhe Bezalel Smotrich marrin pjesë në seancë në Knesset

Hamasi e konsideron votimin e parë nga Knesseti, parlamenti izraelit, të ligjit që vendos dënimin me vdekje për terroristët "një zgjatim të qasjes raciste dhe kriminale të qeverisë sioniste dhe një përpjekje për të legjitimuar vrasjen masive të organizuar të palestinezëve".

Fraksioni islamik e deklaroi këtë në një deklaratë të transmetuar nga stacioni televiziv i Katarit al-Araby. Lëvizja i bën thirrje bashkësisë ndërkombëtare, Kombeve të Bashkuara dhe organizatave të të drejtave të njeriut që të "dënojnë këtë legjislacion të rrezikshëm, të vendosin sanksione parandaluese ndaj entitetit mashtrues sionist dhe ta bëjnë presion që ta tërheqë atë".

SI.E./Shqiptarja.com