Të paktën 21 persona kanë vdekur dhe dhjetëra u plagosën nga një sulm i ri i ushtrisë izraelite në një zonë tendash në perëndim të Rafahut, raportojnë autoritetet shëndetësore palestineze.
Ndërkohë Izraeli u ka dorëzuar një propozim të ri ndërmjetësuesve, Katarit, Egjiptit dhe Shteteve të Bashkuara, një propozim zyrtar, që do të çonte në lirimin e pengjeve të mbajtura në Rripin e Gazës.
Kryeministri izraelit Benjamin Netanyahu është zotuar të vazhdojë luftën kundër Hamasit, ndërsa ndërkombëtarët po dënojnë sulmin ajror që vrau shumë palestinezë në Rafah të dielën. Por pavarësisht thirrjeve, ushtria izraelite vijoi me bombardimet në Rafah.
Netanyahu tha se "Unë nuk kam ndërmend ta përfundoj luftën përpara se të arrihet çdo qëllim".
Mediat izraelite raportojnë se tanket izraelite ndodhen në qendër të Rahaf, ndërsa agjencia e Kombeve të Bashkuara për refugjatët palestinez (UNRWA) thotë se në 3 javët e fundit 1 milion palestinezë janë larguar nga Rafah.
Për herë të parë, ministrat e Jashtëm të BE-së mblidhen për të diskutuar mbi sanksionet kundër Izraelit nëse ai nuk respekton të drejtën ndërkombëtare humanitare, tha ministri i Jashtëm irlandez Micheal Martin.
Gjykata Ndërkombëtare e Drejtësisë (ICJ) vendosi të premten se Izraeli duhet të ndalojë menjëherë ofensivën e tij në Rafah, në Rripin jugor të Gazës, dhe të hapë kalimin kufitar Rafah për të lejuar ndihmat humanitare të hyjnë pa pengesa. Këshilli i Sigurimit i OKB-së do të mbajë sot një takim urgjent me kërkesë të Algjerisë, për të diskutuar sulmin në Rafah.
Ushtria izraelite ka mohuar kryerjen e një sulmi në "zonën humanitare" në pjesën jugore të Rripit të Gazës dhe vrasjen e civilëve.
Autoritetet e Hamasit kishin raportuar se të paktën 21 persona u vranë në sulmin në një kamp refugjatësh, në perëndim të Rafahut.
“Ndryshe nga sa u raportua në orët e fundit, ushtria nuk ka goditur në zonën humanitare të al-Mawasi”, tha ushtria izraelite.
Gazeta libaneze Al-Mayadeen, e lidhur me Hezbollahun, raportoi gjithashtu dhjetëra të plagosur në sulmet ndaj tendave të personave të zhvendosur pranë spitalit fushor amerikan në pjesën perëndimore të Rafahut.
Të paktën 21 persona kanë vdekur dhe dhjetëra u plagosën nga një sulm i ri i ushtrisë izraelite në një zonë tendash në perëndim të Rafahut. Kështu kanë raportuar autoritetet shëndetësore palestineze, citojnë Sky News dhe Al Arabyia.
Sulmet kishin në shënjestër tendat e familjeve të zhvendosura në zonën humanitare në Mawasi, në perëndim të Rafahut, thanë mjekët dhe banorët.
Izraeli u ka dorëzuar ndërmjetësuesve, Katarit, Egjiptit dhe Shteteve të Bashkuara, një propozim zyrtar, të shkruar dhe të përditësuar në lidhje me një marrëveshje të mundshme që do të çonte në lirimin e pengjeve të mbajtura në Rripin e Gazës që nga sulmi i 7 tetorit në Izrael.
Lajmin e ka bërë të ditur Barak Ravid, gazetar i agjencisë së lajmeve amerikane Axios, i cili citon burime sipas të cilave tregojnë se propozimi është dorëzuar dje.
Rreth një milion njerëz janë larguar nga Rafah në tre javët e fundit.
Këtë e ka bërë të ditur Agjencia e Kombeve të Bashkuara për Refugjatët Palestinezë (UNRWA), sipas ‘Sky News’.
UNRWA tha se ata nuk kanë asnjë vend të sigurt për të shkuar në mes të bombardimeve dhe po udhëtojnë mes mungesës së ushqimit dhe ujit, grumbujve të mbeturinave dhe kushteve të papërshtatshme të jetesës.
Tanket izraelite kanë mbërritur në qendër të qytetit Rafah. Kështu raportojnë mediat izraelite.
Komuniteti ndërkombëtar dhe Gjykata e Drejtësisë i kërkojnë Izraelit të mos sulmojë Rafah.
Exclusive footage from Al Jazeera shows Israeli occupation tanks advancing further into the west of Rafah city.
— Quds News Network (@QudsNen) May 28, 2024
The Israeli occupation intends to fully occupy the Philadelphi Axis with Egypt, effectively encircling the Strip and implementing disastrous restrictions. pic.twitter.com/6rgaIOJ8XK
Lajme të tjera
-
Irani paralajmëron se do t’i kundërpërgjigjet Izraelit nëse sulmon Libanin
30 Qershor, 07:48 -
SHBA-BE paralajmërojnë Hezbollahun të tërhiqet nga mundësia e përshkallëzimit të luftës në Lindjen e Mesme
29 Qershor, 21:44 -
Hezbollahu thotë se ka sulmuar me raketa një bazë izraelite
27 Qershor, 22:35 -
Lufta Izrael- Hamas/ Ministri i Mbrojtjes izraelite: Izraeli nuk dëshiron një luftë në Liban, por ne jemi gati të shkaktojmë dëme të mëdha! Egjipti dhe Emiratet gati për forcat e sigurisë në Gaza
27 Qershor, 08:33 -
Lufta Izrael-Hamas/ Media: 3 të vdekur dhe 12 të plagosur në sulmin izraelit në Beit Lahia
26 Qershor, 08:14 -
Konflikti Izrael-Hezbollah, paralajmëron SHBA: Mund të shkaktojë luftë rajonale
25 Qershor, 20:19 -
Gjykata e Lartë e Izraelit: Qeveria duhet të angazhojë të rinjtë ortodoksë në shërbimin ushtarak
25 Qershor, 13:04 -
Lufta Izrael - Hamas/ Media: Pesë të vdekur në bastisjen në kampin e refugjatëve
25 Qershor, 08:23 -
Lufta/ 8 palestinezë të vrarë në sulmin në Gaza! Borrell: Lufta në Lindjen e Mesme mund të zgjerohet
24 Qershor, 09:02 -
VIDEO/ Ushtarët izraelitë lidhin në kofanon e xhipit palestinezin e plagosur
23 Qershor, 18:37 -
Ushtria izraelite arreston 13 palestinezë të kërkuar në Bregun Perëndimor
23 Qershor, 14:11 -
Lufta Izrael-Hamas/ Netanyahu shpreson për një zgjidhje të shpejtë, vonesa në armë nga SHBA
23 Qershor, 13:28
