Kristaq Kiço është kryetar i Bashkisë së Finiqit në Sarandë, një Bashki e pakicës greke në Shqipëri. Deri më sot, ai është i vetmi përfaqësues i pakicës greke, që ka dalë publikisht t’i kërkojë Qeverisë greke të ndryshojë qëndrim ndaj regjimit të kalimit kufitar në Kakavijë.
Kristaqi është njëkohësisht kryetar i partisë MEGA të pakicës greke në Shqipëri. Përfaqësues të tjerë të pakicës greke, përfshi dhe OMONIA-n, nuk i janë bashkuar kësaj thirrjeje. Kjo panoramë reagimesh nga përfaqësuesit politikë të pakicës greke në Shqipëri, tregon se në Athinë nuk kanë dëshirë të duken sikur ka një problem real në kufirin me Shqipërinë.
Në kushtet e mungesës së komunikimit diplomatik mes Shqipërisë e Greqisë, drejtuesit e pakicës greke në Shqipëri, janë një tregues i vullnetit të Athinës për problemet që krijohen me Shqipërinë.
Për 48 orë radhazi, mijëra qytetarë shqiptarë, që janë njëkohësisht dhe shtetas të Greqisë, ose rezidentë të përhershëm në atë vend, po përjetojnë një ferr. Fluksi u shtua, pasi pala greke ka njoftuar se pas datës 16 gusht, të gjithë ata që vijnë nga Shqipëria do të bëjnë 7 ditë karantinë dhe duhet të kenë me vete testin e kryer nga Shqipëria.
Në këto kushte ka pasur një dyndje të menjëhershme drejt kufirit të gjithë emigrantëve shqiptarë me pasaportë greke, apo leje të përhershme qëndrimi në Greqi, për t’u kthyer në Athinë para datës 16 gusht.
Në kushtet kur Qeveria shqiptare nuk ka mundur të hapë dot telefonat e homologëve të saj në Athinë dhe kontaktet kanë mbetur në nivele të ulëta konsujsh, që gënjejnë njëri- tjetrin, ngelet urgjente nevoja që Qeveria të përqendrohet tek kriza humanitare.
Vendimet për të përballuar krizën duhet të jenë të shpejta dhe të mënjëherëshme. Aty duhet të instalohen urgjent pika furnizimi me ujë, me ushqime dhe tualete portative, përgjatë gjithë rrugës Jorgucat- Kakavijë. Kjo duhet për çështje orësh.
Policia duhet të sigurojë një rrugë të hapur për ambulanca dhe ndihmë të shpejtë, në gjithë gjerësinë e rrugës, për t’u qëndruar pranë njerëzve që mund t’u rëndohet shëndeti.
Po përgjatë perimetrit të rrugës, në zonën fushore duhet të ngrihen çadra emergjence për njerëz që nuk përballojnë dot qëndrimin në vetura pas 48 orësh dhe që kanë nevoja bazike për t’u qetësuar.
Kjo duhet bërë për të shpëtuar këtë që ka ndodhur.
Nëse kjo krizë zgjat dhe Greqia nuk ndryshon politikën e hyrjes, atëhere duhet që Qeveria shqiptare të shpërndajë radhën e emigrantëve dhe të kontrollojë lëvizjen drejt pikave kufitare, duke krijuar një sistem të aplikimit, për të shmangur grumbullimet.
E di që shumë emigrantëve u prishen disa punë të vogla në Greqi, nëse nuk shkojnë këto ditë, por dëmi që mund t’i bëjnë vetes dhe njëri- tjetrit, duke qëndruar mbi tre ditë në pika kufitare, është më i madh. Ai duhet të ndalet, qoftë dhe me forcë.
Të gjithë duhet të kujtohen se vendi është ende nën regjimin e masave anti-Covid dhe nuk mund të sillemi sikur këtu nuk ndodh asgjë.
Nëse pala greke nuk hap kufirin, shteti shqiptar duhet të boshatisë radhën kilometrike dhe të riorganizojë udhëtimin e tyre, sipas një sistemi të drejtë aplikimi, që shmang katastrofën humanitare, e cila duket se është çështje orësh.
Komente
Lajme të tjera
-
Mero Baze: Lajmi i rremë që tregon aleancën mes Berishës dhe Kurtit në prag të zgjedhjeve
26 Dhjetor, 08:41
-
Mero Baze: Një hakmarrje ndaj qytetarëve që e kanë braktisur
24 Dhjetor, 07:02
-
Kakavijë/ Kapen dy persona në hyrje të Shqipërisë, ishin të shpallur në kërkim për plagosje me dashje dhe pjesëmarrje në grup kriminal
23 Dhjetor, 08:40 -
Festat sjellin shqiptarët në Atdhe/ Fluks në portin e Vlorës, Durrësit, Kakavijë dhe Kapshticë (VIDEO)
22 Dhjetor, 08:59
-
Mero Baze: Nderimi për Dumanin, si ridënim për Berishën
11 Dhjetor, 07:13
-
Kakavijë/ Tentoi të dilte nga Shqipëria me mbi 16 mijë euro, lekë dhe paund të padeklaruara, nën hetim 47-vjeçari
10 Dhjetor, 09:33 -
Mero Baze: Pas zgjedhjeve...qameti!
10 Dhjetor, 07:20
-
Mero Baze: Pse PD duhet të ulë kokën çdo 8 Dhjetor
8 Dhjetor, 22:48
-
Mero Baze: Përpjekja e Berishës për t’u dukur edhe 'komandant', edhe viktimë e SPAK
7 Dhjetor, 07:11
-
Mero Baze: Listat e mbyllura, 'qokë' që Berisha të fitojë opozitën
5 Dhjetor, 07:14
-
Mero Baze: Luksi i të vdekurit pas Sali Berishës
3 Dhjetor, 20:36
-
Mero Baze: Pasioni i Berishës për një 'SPAK paralel' që heton SPAK-un
3 Dhjetor, 10:51
Se mishi u dogje.te gjithe keta iken si garipa.me gjeni nje injorant nga keta qe nuk e dinte se ne cfare situate jemi kaq muaj??? Me gjeni nje injorant nga keta qe nuk ka fb dhe nuk lexon?? Cdo njeri eshte pergjegjes per veprimet e tija.cte bej shteti ty qe me hiqesh si garip dhe te duket vetja sikur ke kspur qiellin me dore dhe nuk te degjon koka qe ne keto dite nuk levizet nga shteti ne shtet.lidhur ishit?? Te gjithe ata qe donin te nenin ne shqiperi dhe nuk vajten jane budallenj dhe ju na dolet te zgjuar?? Thuaj gjynah femijet qe kane injorant prinder.kthehuni ne shtepi dhe prisni radhen tani.na doli nje kafshe dhe na thot qe nuk do shkeli me ne shqiperi.haha o kafshe kurr se ke ardhur.o i trash te tha njeri ik me pahir?? E dije fush me lule?? Ne mal jeton dhe nuk e dije se cpo behet?? Na dalin dhe shume kafshe te tjera qe na thone qe fajin e ka rilindja dhe mos e votoni.te trash do vdesin nga injoranca
Përgjigju