New York-u feston mbërritjen e Vitit të Ri 2020 në 'Times Square' (VIDEO)

Në SHBA, qyteti i Nju Jorkut e priti vitin e ri duke numëruar mbrapsht, në 'Times Square', me topin gjigant që binte ngadalë.

Këtë vit, tema e ceremonisë i ishte dedikuar ndryshimeve të klimës dhe nderimit të shkencëtarëve që luftojnë kundër ngrohjes globale.

Duke marrë kohën në zonën tonë si referencë, banorët e ishujve Samoa dhe Kiribati ishin të parët që festuan ardhjen e vitit 2020.

Ndërsa ne ishim ende të zhytur në përgatitjen e darkës së Vitit të Ri, në mesditë me orën tonë, për banorët e Paqësorit ishte koha për të ngritur një dolli për ardhjen e vitit të ri.

Pas tyre, mbërritja e Vitit të Ri u festua në Auckland në Zelandën e Re. Mijëra neozelandezë dhe turistë të huaj u mblodhën për të shijuar atmosferën e festivalit tradicional të fishekzjarrëve të kombinuar edhe me projeksionet me lazer në kullën “Sky Tower” 328 metra të lartë.

Por më madhështori nga të gjithë ishte spektakli piroteknik i orës 14:00 në Sidnei, në Australi, edhe pse këtë radhë, natyra i ka tradhtuar kremtuesit me vatrat e shumta të zjarrit ndezur në pyjet e mëdha të pjesës juglindore të vendit. Qyteti tërhoqi miliona vizitorë për të parë fishekzjarret spektakolare që formojnë sfondin e Operës imponuese.

Festime madhështore u zhvilluan në Japoni, Korenë e Veriut, Tajlandë, Indi, Emiratet e Bashkuara Arabe, Rusi, Angli, Brazil,por edhe në Hawaii, vendi i fundit që do të festojë ndërrimin e viteve.

Lajmi kryesor:

Viti i Ri 2020 festohet në mbarë botën, nga ishujt Samoa në Oqeanin Paqësor e deri në New York

TAG:
• SHBA
• New York
• Samoa
• Kiribati
• Times Square
• Sky Tower