Nexhmija: Pranoj vendimin
Kadaresë i uroj të fitojë Nobelin

TIRANE - Një ditë pas vendimit të Gjykatës së Tiranës, që i rikthen dorëskrimin e "Dimrit të Madh" autorit Islamil Kadare, reagon Nexhmije Hoxha për dorëshkrimin origjinal të “Dimrit të Madh”.

“Do të respektoj vendimin e gjykatës, edhe pse procesi gjyqësor pati shkelje të vazhdueshme”. Ky është reagimi i të vesë së diktatorit Enver Hoxha, Nexhmije Hoxha pas vendimit të Gjykatës së Tiranës, sipas të cilit ajo duhet t’i kthejë shkrimtarit Ismail Kadare, dorëshkrimin origjinal “Dimri i Vetmisë së Madhe”.

Por nga ana tjetër, Nexhmije Hoxha edhe pse deklaron se do të njoh vendimin e Gjykatës, pra që nënkupton se do t’i rikthejë “Dimrin” Kadaresë, thekson se ky proces gjyqësor ishte i paragjykuar që në fillim. Ajo deklaron se nuk pasur një njoftim nga ana e Gjykatës për t’u bërë pjesë e këtij procesi, ndërsa ai vijoi me disa shkelje të tjera proceduariale.

Për zonjën Hoxha shkelja më e madhe ka të bëjë me seancën e fundit, e cila u zhvillua pa praninë e avokatit të saj, edhe pse ky i fundit kishte njoftuar se nuk mund të paraqitej. Nexhmije Hoxha madje ka deklaruar se në seancën e fundit, atë të dhënies së vendimit, avokati i saj do ët paraqiste një provë kyçe për procesin.

Pavarësisht denoncimit të këtyre fakteve, Nexhmije Hoxha thekson se nuk do ta ndjekë më tej këtë çështje, pra nuk do ta apelojë atë.

E pyetur se a do ta dorëzojë ajo dorëshkrimin Nexhimje Hoxha deklaron se ai ndodhet tashmë në arkivin e shtetit nën sekuestro.

Por pavarësisht konflikti të saj me shkrimtarin e madh, Ismail kadare, Nexhmije Hoxha i uron atij të marrë çmimin “Nobel.

(jd/Gre.M/Shqiptarja.com)

TAG:
• nexhmije hoxha