POP 5

Lajmet më të lexuara të 5 minutave të fundit

Politikë

Nga 1 Janari, pensionistët do udhëtojnë falas në urban! Veliaj: Tabela dixhitale dhe në çdo stacion autobusi, çmimi i biletës nuk do rritet

Kryebashkiaku dha sot lajmin e mirë për pensionistët, teksa inspektonte shërbimin e Linjës nr. 2 në kryeqytet. Thekson se pavarësisht se inflacioni është rritur, çmimi nuk ndryshon. Po punohet në 137 stacione, linjat në Google Maps edhe për turistët e huaj

Tiranë- Nga 1 janari i vitit 2025, pensionistët në Tiranë do të udhëtojnë falas në të gjitha linjat urbane të kryeqytetit.

Lajmin e dha kryebashkiaku Erjon Veliaj, i cili njoftoi se është duke u punuar që në çdo stacion autobusësh të vendosen tabela informuese elektronike, për itinerarin dhe oraret.

Bashkia e Tiranës në këtë mënyrë do të subvencionojë transportin publik për të gjithë pensionistët, të cilët nga 1 Janari i vitit që vjen do udhëtojnë falas me autobus në kryeqytet.

“Inflacioni, çmimet janë një stres për pensionistët dhe teksa qeveria po mendon për rritjen e pensioneve, bashkia do të japë kontributin e saj, duke e bërë udhëtimin falas”, tha Erion Veliaj, kryetar i Bashkisë së Tiranës.

Lajmin e mirë ai e dha teksa inspektoi shërbimin e Linjës numër 2, e cila ka rinovuar flotën e autobusëve të saj. Gjithashtu Veliaj njoftoi se ka nisur puna edhe për vendosjen e tabelave informuese për udhëtarët në çdo stacion.

“Do të vihen tabelat e reja, sipas një metodologjie që përdoret edhe në Paris, në Londër, apo Nju Jork;  qytetarët do ta dinë saktësisht se ku ndodhet autobusi dhe si mund të lidhen me një linjë tjetër. Për momentin jemi duke punuar në 137 stacione”, sqaroi kryebashkiaku.

Përmirësimi i shërbimit – theksoi kryebashkiaku më tej– nuk do të prekë çmimin e biletës.

“Nuk do të ketë asnjë lëvizje të çmimit, edhe pse inflacioni në 10 vitet fundit ka bërë të vetën dhe çmimet e tjera janë rritur”, shtoi ai.

Linjat e Tiranës tashmë janë hedhur në Google Maps, gjë që u vjen në ndihmë edhe turistëve për të gjetur stacionet e transportit publik.

I gjithë sistemi i transportit në Tiranë do të quhet “Urbani” – njoftoi Veliaj – duke shtuar se së shpejti do të blihet edhe autobusë elektrikë.

A.Q/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Or tej: 23/08/2024 07:51

    A dihet gje kush e kapi tenderin e tabelave elektronike or teeeejjjjj

    Përgjigju
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Samitit BE-Ballkani Perëndimor, presidenti i Këshillit Europian: Zgjerimi me vendet e Ballkanit Perëndimor, investimi më i madh gjeopolotik

Samitit BE-Ballkani Perëndimor, presidenti i Këshillit Europian: Zgjerimi me vendet e Ballkanit Perëndimor, investimi më i madh gjeopolotik

18 Dhjetor, 17:41