Nga aksident me vdekje tek të dehurit në timon, arrestohen 6 shoferë në Lezhë

LEZHË- 6 persona kanë rënë në prangat e policisë për shkak se akuzohen për drejtim mjeti pa patentë, aksident me pasojë vdekjen, e të dehur në timon.

Sipas policisë një nga të arrestuarit në flagrancë është K. H., 45 vjeç, banues në Kurbin, pasi në dalje të qytetit të Laçit, u kap nga shërbimet e Policisë duke drejtuar mjetin në gjendje të dehur dhe nuk i është bindur urdhrit të punonjësve të Policisë Rrugore, duke i fyer dhe kundërshtuar.

Gjithashtu, nga rrugorët e Lezhës, gjatë fundjavës, janë vënë në pranga dhe 5 shtetas, për drejtim mjeti pa lejen përkatëse të drejtimit, si dhe drejtuesi i mjetit të përfshirë në një aksident, me pasojë vdekjen e një këmbësori. Policia rrugore e Lezhës  njofton se kontrollet e rrepta do të vijojnë në të gjitha akaset.

Ndërkohë  policia e Mirditës ka arrestuar një të shpallur në kërkim pasi Gjykata e Rrethit Gjyqësor Sarandë, me vendim në maj 2019, e ka dënuar me 2 muaj burgim, për veprën penale "Dhuna në familje".I arrestuari është M. P.,40 vjeç, banues në Mirditë.

TAG:
• Lezhe
• aksident
• policia e shtetit