POP 5

Lajmet më të lexuara të 5 minutave të fundit

Sociale

Nga aksidenti tek rekordet 'Guinness', paraplegjiku që frymëzon njerëzit

Ishte viti 1997 kur Haki Doku pëson një aksident në vendin e punës , pasojat e të cilit i ndryshuan jetën. Që nga ai moment karrigia me rrota është bërë pjesë e pandashme e jetës së Hakiut, e madje me të ka fituar edhe 3 rekorde "Guinness"

Nga karrigia me rrota në Rekordet Guiness. Është kjo historia e Haki Dokut, me origjinë nga Kruja i cili me vullnetin e tij , sfidën që hasi në jetë e ka kthyer në mundësi. Duke punuar si shumë shqiptarë të tjerë, papritur Hakiu rrëshqet nga kati i tretë i një ndërtese, aksident i cili e privoi edhe nga mundësia për të lëvizur. Ai përpiqet të mos e mendojë ditën e aksidentit, e cila i duket sa e largët, aq edhe e afërt.


Viti 1997 është shumë i largët për mua, por është dhe shumë e afërt. Nuk e mendoj shumë , sepse duke menduar shumë është negativitet dhe jo pozitivitet. Ka qenë shumë shumë e vështirë. Si çdo njeri që pëson një aksident, sigurisht nuk është i lumtur. Vështirësitë e mia kanë qenë shumë të mëdha sepse kam qenë në Itali, larg familjes.Me thënë të drejtën kam qenë shumë i mbajtur afër nga shumë partnerë që ishin në Milano. Kështu që arrita të kaloj çastet më të vështira të aksidentit. Vitin e parë e kam kaluar duke bërë rehabilitime, nëpër spitale të ndryshme , kështu kalova fazën më kryesore që ishte drama e aksidentit.

Haki Doku, paraatlet

Hakiu i tregon të vështira momentet e para kur mëson se këmbët nuk i përgjigjeshin më , e se jeta e tij tashmë do të ndryshonte faqe. 

Pas 8 muajsh mora përgjigjen nga mjeku që unë nuk do të ecja më me këmbë. Pak a shumë e dija që nuk do të ecja, sepse e kuptoja gjendjen time, por nuk kisha mënyra të tjera. E pranova, e futa në trurin tim, në psikologjinë time që edhe me rrota njeriu mund të jetojë. Nuk e dija si do jetoja sepse nuk isha akoma në praktikë, por fillova ta provoj.

Haki Doku, paraatlet


Megjithëse ka qenë shumë e vështirë, nga një spital në tjetrin , Hakiu nuk e humbi asnjehërë shpresën duke i dhënë kurajo vetes e duke gjetur gjithnjë motiv për të ecur përpara.


 Kam kaluar rreth një vit e gjysëm nëpër spitale. Kur dola nga spitali kuptova që çdo gjë është ndryshe. Sepse isha me mjekë , me fizioterapistë dhe më pas kuptova që çdo gjë duhet ta bëja vetë. Po prapë mendova se jam unë ai që duhet të bëj gjithçka, o të lëshoj veten, o të eci përpara dhe vendosa të eci përpara. Tashmë duhej të bëja unë për veten time.

Haki Doku, paraatlet

Përveçse të mësohej me jetesën e re , Hakiut i është dashur të përballojë edhe paragjykimet e njerëzve si në Itali edhe në Shqipëri. 


“Mesazhe ka patur plot. “Gjynah” për shembull , që e ndjeja shpesh në Shqipëri, ose gjynah i shkreti që është me karrocë. Unë i kam kthyer në mesazhe komplet pozitive . Këta shikojnë karrocën, por karroca për mua është një mjet i mrekullueshëm sepse më jep të drejtë të bëj gjithçka.

Haki Doku, paraatlet


Haki Doku, është atleti i parë që ka përfaqësuar vendin tonë në lojërat paraolimpike. Me tre rekorde botërore "Guinness" ja si i përshkruan ai emocionet e marra pas fitimit të medaljeve. 

Para rekordit kam marrë pjesë në lojërat paraolimpike në Londër, ku kam prezantuar Shqipërinë. Ky ka qenë një event shumë i rëndësishëm , si për mua si për familjen time, por edhe për Shqipërinë. Sporti është shumë e vështirë të lihet, për më tepër që është shumë i dobishëm për një njeri që është me aftësi të kufizuara, por edhe për të gjithë njerëzit. Duke u stërvitur nëpër shkallë , thashë përse të mos provoja një rekord gines. Duke bërë stërvitje shumë të mëdha në pallatin ku jetoj arrita të kem 2 gines që janë të shkruara në librin e rekordeve "Guinness"

Haki Doku, paraatlet 

Hakiu është i martuar dhe gëzon 2 fëmijë me bashkëshorten e tij Enora. Ai jeton ende në Itali ku edhe punon si sekretar në një kompani financiare.

 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    18 Nëntor, 08:54

    Besoni se buxheti 2025 do ndikojë pozitivisht në të ardhurat e qytetarëve?

Lajme të tjera



×

Lajmi i fundit

Tenis/ Sinner mposht Fritz dhe triumfon në finalet e ATP së Torinos

Tenis/ Sinner mposht Fritz dhe triumfon në finalet e ATP së Torinos

18 Nëntor, 10:08