Nga ariu, dreri, ujku e macja e egër, pamjet fantastike të kapura nga kamerat kurth në Parkun Kombëtar të Tomorrit

Kamerat kurth,të instaluara nga Agjensia e Zonave të Mbrojtura në Berat në të gjithë Habitatin e Tomorrit kanë filmuar dhe fotografuar kafshët e egra,që si banorët e pyllit bëjnë "paradë",madje disa prej tyre edhe pozojnë pa vetëdije përpara kamerave.

Mbi 30 llojë gjitarësh janë shfaqur gjatë këtij muaji në Parkun Kombëtar të Tomorrit, mes tyre edhe disa kafshë që prej vitesh nuk ishin parë në pyjet tona.

Kafshë të shumta si: ariu i murrmë (Ursusarctos),macja e egër (Felissilvestris),derri i egër (Susscrofa),kunadhja (Martesfoina),dhelpra (Vulpesvulpes),ujku (Canis lupus),kaprollja,gjeli i egër,dhia e egër etj,janë kapur në Habitatin e Parkut Kombëtar të Tomorrit me anë të kamerave speciale, të pajisura me sensorë. Nëpërmjet këtyre kamerave,janë siguruar video fantastike të shumë prej këtyre kafshëve,që rrallëherë janë filmuar kaq nga afër dhe të pashqetësuara.

Drejtori i Agjensisë Rajonale të Zonave të Mbrojtura Berat (ADZM) Fatos Nako ka deklaruar se, monitorimi i kafshëve është një nga detyrat e tyre primare dhe vendosja e "kamerave-kurth" nxori në pah edhe prezencën e shumë kafshëve të egra të rralla, për të cilat ata ishim informuar se ndodheshin në Habitatin e Ballollit në Malin e Tomorrit nga alpinistët dhe barinjtë e zonës.

Specialistët e kësaj agjensie rajonale e konsiderojnë Habitatin e Tomorrit si një nga habitatet natyrore më të pasura, për shkak të erës kontinentale dhe faktit se në këtë habitat kemi dy lloje klimash të ndyshme njëkohësisht dhe shira të ndyshueshëm. Duke e cilësuar Parkun Kombëtar të Tomorrit ,me një sipërfaqe prej 26.800 ha, si habitatin më të pasur në vendin tonë, specialistët e AZB-së Berat konfirmojnë se, gjatë këtij viti në këtë park kombëtar, përveç kafshëve të egra ka pasur edhe shumë llojshmëri shpendësh të egra, që janë konstatuar më së shumti mbi disa lloje bimore endemike.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Paul: 20/11/2021 02:24

    Ruajini parqet. ..mos prishni ..e mos merrni gure e dru nga mali dhe mbillni 50 milion peme......

    Përgjigju
  • Qwert: 19/11/2021 14:58

    Kjo video duhet te ishte sekret nuk duhesh publikuar pasi gjuhetaret rrugac mund te ngjiten ne mal dhe ti vrasin keto kafsh te mbrekullishme ....

    Përgjigju
  • Sondazhi i ditës:

    A besoni se SPAK do të bëjë drejtësi për 21 janarin?



×

Lajmi i fundit

Eksperti i PD-së: Rënia e Euros rrit çmimet, qeveria të jetë më e kujdesshme

Eksperti i PD-së: Rënia e Euros rrit çmimet, qeveria të jetë më e kujdesshme