POP 5

Lajmet më të lexuara të 5 minutave të fundit

Bota

Nga fronti i luftës/ Ukraina shkatërron me dronë 4 baza ajrore ruse dhe kap 100 ushtarë rob! Moska i përgjigjet me raketa

Rusia mohon sulmet dhe përparimin ukrainas. Kievi konfirmon bombardimin e bazave në Kursk, Voronezh dhe Nizhny Novgorod. Evakuohen 18 mijë banorë të Kurskut. Moska bombardon Kharkivin dhe Odesën, 2 të vrarë dhe 4 të plagosur

Lufta Ukrainë-Rusi po shkon drejt përshkallëzimit, ku njëra palë ka nisur ‘pushtimin’ e tjetrës dhe kjo e fundit ka nxjerrë armatimet e rënda, në një sulm me front të hapur dhe me raketa e bombardime.

Autoritetet e rajonit rus të Kurskut, skenë e ofensivës ukrainase prej gati 10 ditësh, kanë vendosur për evakuimin e detyrueshëm të banorëve të rrethit Glushkovsky, një territor me gati 18 mijë banorë. Kjo u raportua nga guvernatori i përkohshëm i rajonit Aleksei Smirnov, në “Telegram”.

"Procesi i evakuimit të banorëve lokalë do të koordinohet nga policia, ushtria, administrata lokale dhe anëtarët e Qendrës Patriotike Kursk. Kërkoj nga të gjithë të ndjekin rekomandimet", thuhet në komunikatën e lëshuar nga kreu i rajonit, raporton “La Repubblica”.

Më parë, urdhri i evakuimit ishte lëshuar vetëm për Glushkovo, qendra administrative e rrethit Glushkovsky, në kufi me Ukrainën. Në vijë të drejtë, nga Glushkova deri në kufi janë rreth shtatë kilometra.

Ukraina konfirmon sulmin në 4 baza ajrore në 3 rajone ruse

Përparimi i Ukrainës në Kursk vazhdon. Ukraina sulmoi gjithashtu katër baza ajrore ruse me dronë dhe njoftoi se kapi 100 të burgosur rob. Moska mohon përparimin e Ukrainës, por lëviz trupat.

“Ne po krijojmë një zonë tampon për të parandaluar që Moska të godasë nga ai rajon”, tha Kievi.

Edhe Shtabi i Përgjithshëm i Forcave të Armatosura të Ukrainës konfirmoi se sulmoi katër fusha ajrore ushtarake në rajonet ruse të Kursk, Voronezh dhe Nizhny Novgorod natën e 13-14 gushtit.

Bastisja u krye nga njësitë e Forcave Ajrore dhe Forcave të Operacioneve Speciale në bashkëpunim me Shërbimin e Sigurisë së Ukrainës dhe Inteligjencën e Mbrojtjes, saktësohet. Aeroportet e Khalino, Savasleyka, Borisoglebsk dhe Baltimore u sulmuan. Kievi thotë se avionët ushtarakë rusë, përfshirë avionët luftarakë-bombardues Su-34 dhe Su-35, janë të vendosur në baza të tilla. Forcat e Armatosura të Ukrainës saktësojnë se objektivat kryesore të sulmit ishin depot e karburantit, lubrifikantëve dhe armëve për aviacionin armik.

Ukrainë: Bastisjet ruse në Kharkiv dhe Odessa, 2 të vdekur dhe 4 të plagosur

Një dron rus goditi një makinë mbrëmë (14 Gusht), në rajonin ukrainas të Kharkiv, duke vrarë dy mjekë ushtarakë dhe duke plagosur tre persona të tjerë, ndërsa në rajonin e Odessa një raketë e forcave të Moskës ra në zonën e portit, duke plagosur një shofer kamioni. Kjo është bërë e ditur nga autoritetet lokale, të cituara nga mediat e Kievit.

A.Q/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Beni: 15/08/2024 09:27

    Ore do ti lini keto mashtrime se na keni lodhur keto dy vjet , jo do shkaterrohet Rusia per aq muaj , Putin do vdes etj etj nderkohe ata po e bejne naton pershesh nga ana tjeter . Kane derguar ca ushtare gjoja pushtuan Rusine ne nje zone jo ishtarake dhe fundi atyre dihet do ikin per lesh dhe kaq ishte pseudo fitorja e Ukrainasve

    Përgjigju
    • Lindi: 15/08/2024 20:11

      Beno, Rusia rron në mendjen tende sr në fushën e luftës ka vdek. Ukraina po i heq brekët.

    • Xhoni: 15/08/2024 14:30

      Jepu 50

    • Drini: 15/08/2024 13:06

      Po.mo beni filorus po, po putini i beri 2 vjet e gjysem e ka ngelur si derri ne lluc

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Rrëzohet avioni me 70 pasagjerë në bord! 6 të mbijetuar

Kazakistan/ Rrëzohet avioni me 70 pasagjerë në bord! 6 të mbijetuar

25 Dhjetor, 08:46