Prokuroria Kundër Kurrupsionit dhe Krimit të Organizuar njoftoi sot (8 dhjetor 2023) mbyllen e hetimeve dhe dërgimin për gjykim të çështje në ngarkim të ish-kryetarit socialist të ish-komunës Frakull në Fier, Viktor Çervanaku dhe 10 personave të tjerë, të akuzuar për trafikimin nga Kolumbia të 485.5 kg kokainë të përzier me pleh kimik.
Droga u zbulua një vit më parë, 24 nëntor 2022 në banesën e Viktor Çervanakut e cila ishte kthyer në një laborator kokaine.
"Nga hetimet e kryera është provuar fakti se personat e akuzuar në këtë procedim penal, në bashkëpunim me njëri tjetrin, në formën e grupit të strukturuar kriminal, kanë planifikuar, organizuar dhe importuar nga Kolumbia për në Shqipëri një sasi lënde narkotike të lloji kokainë" thuhet në njoftimin e sotëm të SPAK
Prokuroria e Posaçme zbulon itenerarin si kokaine e cila nëse hidhej në treg do të sillte një përfitim prej 40 milionë euro, hyri në Shqipëri e përzier me “plehun organik” artificial.
Kokaina ishte transportuar nga Kolumbia nëpërmjet Portit të Pireut, në Greqi, në drejtim të Portit në Bar, në Malin e Zi. Pastaj në rrugë tokësore ngarkesa është futur në Shqipëri në datën 19 shtator 2022.
"Lënda narkotike është transportuar dhe është fshehur gjatë transportit nëpërmjet një ngarkese me “pleh organik” artificial, e paketuar dhe ngarkuar në një kontenier, që është transportuar nga Kolumbia nëpërmjet Portit të Pireut, në Greqi, në drejtim të Portit në Bar, në Malin e Zi. Nëpërmjet transportit në rrugë tokësore ngarkesa është futur në Shqipëri në datën 19.09.2022 dhe pasi ngarkesa është zhdoganuar në Doganën e Tiranës, është transportuar në fshatin Frakull e Madhe, në Fier, ku është kryer sekuestrimi i lëndës narkotike nga policia gjyqësore.
Pas mbërritjes në destinacion të 485.5 kg kokainë, grupi kriminal do të gjente dhe siguronte personat e specializuar që do të mundësonin ekstraktimin e kokainës së pastër, e cila më pas do të tregtohej.
"Lënda narkotike e llojit kokainë ka qënë e përzier me “plehun organik” artificial dhe pas mbërritjes së saj në vëndin e destinacionit, grupi kriminal do të gjente dhe siguronte personat e specializuar që do të mundësonin ekstraktimin e kokainës së pastër, e cila më pas do të tregtohej. Sipas ekspertimit kimik të kryer nga Instituti i Policisë Shkencore ka rezultuar se sasia e lëndës narkotike që mund të përfitohej nga ekstraktimi i ngarkesës së “plehut organik” artificial, në vlerën e saj maksimale llogaritet të ishte në sasinë 485.5 kg" informoi SPAK.
SPAK ka sqaruar dhe rolin e secilit prej anëtarëve të këtij grupi kriminal.
Sipas SPAK Nikolin Gjolena, Klajdi Vrioni (alias Klajdi Kodra), Viktor Çervanaku dhe djali i tij Denilson Çervanaku janë personat që kanë krijuar, organizuar dhe kanë drejtuar grupin kriminal të trafikut të drogës nga Kolumbia ndërsa Zenel Çervanku, Enxhi Ferhati, Redion Meshi, Julian Malaj, Bledar Matoshi, dhe një kolumbian Samir Rosales Rodriguez kanë qenë pjesëmarrës në këtë grup kriminal
1- Nikolin Gjolena,
2- Klajdi Vrioni (alias Klajdi Kodra),
3- Viktor Çervanaku
4- Denilson Çervanaku
Pjesëtarë të grupit kriminal
5- Zenel Çervanku
6- Enxhi Ferhati
7- Redion Meshi
8- Julian Malaj
9- Bledar Matoshi
10- Marildo Rona
11- Samir Rosales Rodriguez
Akuzat që rëndojnë për secilin të ngritura nga SPAK
Në përfundim të hetimeve paraprake, Prokuroria e Posaçme ka paraqitur në Gjykatën e Posaçme të Shkallës së Parë për Korrupsionin dhe Krimin e Organizuar kërkesën për dërgimin në gjyq të procedimit penal nr.141 viti 2022 në ngarkim të të pandehurve:
1. Të pandehurit Nikolin Gjolena, Klajdi Vrioni (alias Klajdi Kodra), Viktor Çervanaku dhe Denilson Çervanaku, janë akuzuar se kanë kryer veprat penale “Trafikimi i narkotikëve”, “Grupi i strukturuar kriminal”, “Kryerja e veprave penale nga organizata kriminale ose grupi i strukturuar kriminal”, të parashikuara nga nenet 283/a/1, 28/4, 333/a/1 dhe 334/1 të Kodit Penal. Këta të pandehur janë akuzuar se janë personat që kanë krijuar, organizuar dhe kanë drejtuar grupin kriminal.
2. Të pandehurit Zenel Çervanku, Enxhi Ferhati, Redion Meshi, Julian Malaj, Bledar Matoshi, Marildo Rona dhe Samir Rosales Rodriguez (shtetas kolumbian), janë akuzuar për veprat penale “Trafikimi i narkotikëve”, “Grupi i strukturuar kriminal”, “Kryerja e veprave penale nga organizata kriminale ose grupi i strukturuar kriminal”, të parashikuara nga nenet 283/a/1, 28/4, 333/a/2 dhe 334/1 të Kodit Penal. Këta të pandehur janë akuzuar se janë pjesëmarrës në këtë grup kriminal.
3. I pandehuri Redion Meshi është akuzuar edhe për kryerjen e veprës penale “Mbajtja pa leje dhe prodhimi i armëve, armëve shpërthyese dhe i municionit”, parashikuara nga neni 278/2 të Kodit Penal.
4. Të pandehurit Klajdi Vrioni (Kodra) dhe Bledar Matoshi janë akuzuar edhe për kryerjen e veprës penale “Mbajtja pa leje dhe prodhimi i armëve, armëve shpërthyese dhe i municionit”, kryer në bashkëpunim, parashikuara nga nenet 278/1 e 25 të Kodit Penal.
5. I pandehuri Viktor Çervanaku është akuzuar se ka kryer edhe veprat penale “Mbajtja pa leje dhe prodhimi i armëve, armëve shpërthyese dhe i municionit”, të parashikuara nga nenet 278/1 dhe 278/4 të Kodit Penal;
6. I pandehuri Denilson Çervanaku është akuzuar se ka kryer edhe veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi dhe mbajtja pa leje e armëve të gjuetisë dhe sportive”, të parashikuara nga nenet 278/1, 278/4 dhe 280 të Kodit Penal;
Gjatë hetimeve paraprake është hetuar edhe shtetasi Kid Koshena, si i dyshuar për veprën penale “Mbajtja pa leje dhe prodhimi i armëve, armëve shpërthyese dhe i municionit”, e parashikuar nga neni 278/1 e 25 i Kodit Penal, por nga veprimet hetimore të kryera ndaj këtij shtetasi nuk u arrit që të provohej se ka kryer këtë veprër penale. Si rrjedhim, për këtë shtetas është paraqitur në Gjykatën e Posaçme kërkesë për pushimin e hetimeve ndaj tij.
Denilson dhe Viktor Çervanaku
Klajdi Kodra dhe Bledar Matoshi
Lajme të tjera
-
Laboratori i kokainës në Frakull, SPAK kërkon 93 vite burg për të pandehurit! 10 vite për ish kryekomunarin, Çervanaku
11 Prill, 10:39 -
SPAK mbyll hetimet për laboratorin e kokainës në Frakull të Fierit pritet dosjen ta çojë në gjykatë! Indicie dhe për emra të tjerë
1 Dhjetor 2023, 09:44
-
Laboratori i kokainës në Fier/ Në pritje të letërposorisë nga Kolumbia, zgjaten me 3 muaj hetimet! U sollën 430 kg kokainë e perzier me pleh kimik
9 Gusht 2023, 12:48
-
Laboratori i kokainës në Frakull të Fierit, zbulohet si u arratis kolumbiani ditën e operacionit! Grupi kriminal qëlloi në drejtim të agjentëve civilë
11 Mars 2023, 10:02
-
Sekuestrimi i drogës në Frakull të Fierit, Report Tv siguron akt-ekspertizën: Brenda 400 thasëve me pleh kimik u gjet 485.5 kg kokainë
9 Shkurt 2023, 11:27 -
Laboratori i drogës në Fier, Apeli i GJKKO lë në burg 5 bashkëpunëtorët e Viktor Çervanakut! Akuzohen për grup të strukturuar kriminal
4 Janar 2023, 14:18 -
Përgjimet/ Dosja për drogën në Frakull, ‘Sheiku’ njohje me vrasës policësh! Kokainë në portet e Evropës, si dështoi ngarkesa në Angli e u kthye në Kolumbi
2 Dhjetor 2022, 17:13
-
Laboratori i drogës në Frakull/ Report Tv siguron dosjen e plotë! Porositësi i 430 kg kokainë, njihej si 'Sheiku'! Viktor Çervanaku: Ka marrë djali 'pleh' shumë të mirë!
1 Dhjetor 2022, 15:15
-
Vëzhgimi i Report Tv/ ‘Na ra si bombë!’ Fshati Frakull i heshtur (nga frika?) lëvdata zyrtarit në burg që kishte kthyer vilën në laborator kokaine: Ishte burrë i respektuar
1 Dhjetor 2022, 12:48
-
‘Po ua q* robt, mos është noi shqiptar?’, përgjimi i djalit të Çervanaku me të fejuarën pas problemit me kokainën në Frakull të Fierit
30 Nëntor 2022, 20:09 -
430 kg kokainë në pleh kimik e jo në banane, Beci: Në treg ka hyrë një grup i ri, bandat shqiptare në Amerikën Latine janë fuqizuar ! Bregu: S’është kapur ‘bosi’ i vërtetë
28 Nëntor 2022, 22:14 -
Laboratori i drogës në Fier, GJKKO rikonfimon masat 'arrest me burg' për 10 të arrestuarit! Porositësi i kokainës: S'kam pasur dijeni! Si u pikas ngarkesa (VIDEO)
26 Nëntor 2022, 09:52
