Në të shkuarën futbollistit Luka Modriç i është dashur të përballet me pasojat e luftës në Ballkan. Në moshën 6 vjeçare, gjyshi i tij u pushkatua dhe që në atë moment nisën vuajtjet e Modriç. Por pavarësisht vështirësive dhe vuajtjeve ai arriti të realizonte ëndrrën e tij dhe sot është një nga futbollistët më të mirë në botë.
Më 8 dhjetor 1991 gjatë luftës në Ballkan, milicia serbe hyri në Modriçi, një fshat i vogël pranë maleve Velebit në Dalmacinë veriore dhe përhapën terror te familjet kroate që nuk ishin arratisur ende. Një nga personat që preku zjarri ishte edhe Luka Modriç, i cili ishte duke drejtuar bagëtinë e tij në një rrugë të braktisur kur u ndal nga serbët, të cilët e dhunuan brutalisht së bashku me 5 banorë të tjerë. Pas vrasjes së gjyshit ai u largua së bashku me prindërit e tij në qytetin e Zadarit në ‘Hotel Iz’. Pavarësisht se ishte gjendje lufte, Luka Modriçit i mjaftoi vetëm një top i shpuar të niste të ëndërronte për të ardhmen e tij. Kjo është histori e një përralle se si nga fundi mund të prekësh majën, për katër herë fituesin e Ligës së Kampioneve, që me përkushtim dhe vendosmëri ia doli të harronte një tragjedi të tmerrshme.
Luka Modriç flet rrallë për vështirësitë e tij, por kur firmosi me Totenhemin në 2008, komentoi shkurtimisht ngjarjet e fëmijërisë së tij: “Kur nisi lufta, ne u bëmë refugjatë dhe ishte një kohë me të vërtetë e vështirë. Unë isha 6 vjeç. Më kujtohen shumë mirë ngjarjet, por nuk dua që të mendoj për atë kohë. Jetuam në një hotel për shumë vite teksa vuanim financiarisht, por unë e kam dashuruar gjithnjë futbollin. Më kujtohen palestrinat e mia të para, që kishin foton e Ronaldos dhe i dashuroja. Lufta më bëri më të fortë. Ishte një periudhë shumë e vështirë për mua dhe familjen. Nuk dua të zvarritem me të përgjithmonë, por nuk dua as që ta harroj”- ka rrëfyer ai.
Përsa i përket jetës personale të futbollistit ai u martua me Vanja Bosniç, e cila është edhe menaxherja e tij, në vitin 2010 në Zagreb. Ata u takuan për herë të parë në agjencinë sportive të Mamiç, ku ajo punonte. Fëmija i parë i çiftit, djali Ivano, lindi tri javë pas martesës. Që prej atëherë, ata kanë edhe dy vajza, Emën 5-vjeçare dhe Sofian, e cila lindi vitin e shkuar. Bosniç thuhet se ka një ndikim të madh në jetën e tij. Ishte ajo personi që orkestroi transferimin e tij në Madrid (30 milionë paund).
Luka Modriç