Makina klasike që kanë bërë histori në dekada të ndryshme u ekspozuan  në qendër të Elbasanit dhe u kthyen në një nga pamjet që tërhoqi më shumë vëmendje gjatë festimeve të Ditës së Verës që zgjatën edhe të dielën.

Në sheshin Gensher u rreshtuan disa modele retro, nga Mercedes klasikë deri te BMË-të e viteve të kaluara, ndërsa qytetarë dhe vizitorë u ndalën për t’i parë nga afër dhe për të bërë fotografi pranë tyre.

Fotot tregojnë automjetet e vjetra të parkuara pranë mureve të kalasë dhe pranë kullës së sahatit, ku shumë të rinj dhe familje u afruan për t’i parë nga afër. Në disa momente shihen edhe fëmijë që afrohen kureshtarë pranë makinave, ndërsa të tjerë bëjnë foto.

Ekspozita e makinave retro është kthyer në një nga aktivitetet që shoqëron festimet e 14 marsit në Elbasan, duke i dhënë qytetit një atmosferë ndryshe mes muzikës, aktiviteteve dhe vizitorëve që mbushin rrugët në Ditën e Verës.

Pamje nga ky moment publikoi edhe kryeministri Edi Rama në rrjetet sociale.

U.D/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 14 Mars, 23:51

    18 vite nga Gërdeci, a besoni se do ndëshkohen përgjegjësit e vërtetë?

Lajme të tjera