Pagesa të kripura, përjashtim nga konvikti dhe deri në djegien e përjetshme të të drejtës së studimit. Penalitetet për ngelësit në universitete variojnë sipas çdo shteti, por pothuajse kudo, trajtimi i ngelësve ndryshon nga ai i studentëve të tjerë, për arsye të qarta morale.
Rasti më ekstrem është rasti i Gjermanisë, i njohur si një prej vendeve me tarifat nga më të ulta të studimit të lartë në Europë. Gjermania nuk aplikon tarifë për përsëritjen e provimit, por penaliteti për ngelësit është ekstrem.
Universitetet gjermane ndajnë lëndët në dy pjesë, në të detyrueshme dhe opsionale.
Ngelja në një lëndë të detyrueshme, në varësi të landeve, lejohet sipas rastit në 2-3 herë. Nëse një student, në një lëndë të detyrueshme sipas rastit, dy apo tre herë, ai informohet që e drejta e tij për të studiuar në atë degë digjet përjetësisht në nivel kombëtar.
Kjo do të thotë që ai student nuk mund të studiojë më për të njëjtën degë në të gjithë Gjermaninë dhe nëse regjistrohet në një fakultet të ri, duhet të zgjedhë një fakultet që nuk e ka të detyrueshme lëndën ku ai ka ngelur.
Pra nëse një student praktikisht ngel në fizikë, ai nuk mund të studiojë më në asnjë fakultet gjerman, që ka në programin e saj edhe një lëndë fizike të detyrueshme.
Duke u rikthyer në rajon, penalitetet që aplikohen në vendet fqinje janë pothuajse gjithmonë, shumë më të ashpra se penalitetet që janë aprovuar në Shqipëri (pagesë 700 lekë për kredit).
Universiteti i Athinës, aplikon një tarifë prej 60-190 eurosh për lëndë të mbartur, ndërsa ai i Beogradit, aplikon gjithashtu tarifa penalizuese, por në çdo rast, ngelja në qoftë edhe vetëm një lëndë në një vit akademik sjell automatikisht përjashtimin nga konviktet shtetërore.
Duke qenë se konviktet kanë tarifa të subvencionuara, për ngelësit kostoja e studimit, për shkak të qirasë rritet mesatarisht me 2 mijë euro në vit.
Në Kroaci, aplikohet gjithashtu standarti gjerman. Pas tre provimesh të dështuara, digjet përjetësisht e drejta e studimit. Edhe atje, një provim i mbartur gjithsesi sjell një pagesë shtesë unike, pagesa që variojnë sipas çdo fakulteti.
Polonia, gjithashtu aplikon tarifa që variojnë nga 30-220 euro për lëndë të ngelur.
Universiteti që aplikon tarifat më të larta financiare për ngelësit është Universiteti Teknologjik i Zyrihut, që renditet në listën e 20 universiteteve më të mira të botës.
Në këtë universitet, dështimi në një lënd mbart një penalitet që varion nga 550-800 franca zvicerane, rreth 450-700 euro për lëndë.
Në Britaninë e Madhe, Universiti i Gllasgout aplikon një pagesë 230 euro për lëndë të mbartur, ai i Galëay në Irlandë 295 euro, Mançesteri dhe Lidsi 80-200 paund, etj.
Në Shtetet e Bashkuara të Amerikës, sistemi penalizues për ngelësit është shumë më i ashpër. Pas tre dështimesh në një lëndë të caktuar, studimi detyrohet të paguajë vlerën e plotë të një viti studimi, një penalitet që varion nga 30-100 mijë dollarë, në varësi të “tuition fees” të secilit universitet./lexo.al
Komente
Lajme të tjera
-
Prindërit shqiptarë thyejnë tabunë e arsimit universitar, të rinjtë drejt shkollave profesionale: Kemi më tepër shanse për punësim (VIDEO)
22 Janar 2021, 08:55
-
Protesta e studentëve për rikthimin në auditore, ISHP: Rrezikojnë infektim me COVID (VIDEO)
3 Nëntor 2020, 17:16
-
Covid/ Studentët protesta në Athinë, bomba molotov dhe përplasje në rrugë
1 Tetor 2020, 15:09 -
Studentët shqiptarë të parët në Turqi, 10 ekselentë nga vendi jonë në Universitetin Teknik të Stambollit
27 Gusht 2020, 13:24 -
Rama: Shumë shpejt do të çelet gara për kampusin e ri Universitar te Qytet Studenti
1 Korrik 2020, 13:31 -
Protesta e maturantëve, pedagogia Skënderi: Testi s’duhej të ishte vetëm me alternativa! Plot me gabime drejtshkrimore e pjesë të përkthyera
13 Qershor 2020, 20:47 -
Unioni i Këshillave Studentorë: Një nga problemet në këto ditë delikate është pamundësia e pagesës së tarifës shkollore
20 Prill 2020, 19:32
Këto llojë artikujsh shiko se si e ka bota në krahasim me ne janë nga më idiotët kujt po i rref se sa paguajnë në Gjermani, Zvicër apo Greqi etj kur ta kemi edhe ne rrogën sa ata atëherë na tregoni krahasime. Pastaj ndryshe nga ne në këto vende nuk të ngel profesori po si dhe lekë pastaj në të gjitha këto vende mund të jetosh shumë mirë edhe me shkollë të mesme dhe s'ke nevojë fare të vesh në universitet është çështje dëshire kurse këtu të shkretët janë të detyruar nga halli se edhe për pastrues të kërkojnë CV me 7 diploma edhe master.
PërgjigjuPo njelloj po dalin te gjithe nuk dijne as te shkruajne kur mbarojne fakultetin ju flisni sikur jetoni ne hene e jo ne kete pisllek ku vec para te kesh e ta japin klasen pa problem. Po do deshiroja qe po ai pedagog qe i jep klasen te bie ne duart e po ketij mjeku e ti kete jeten ne dore...atehere ta shohim si blihen provimet....jemi bere vend me te diplomuar qe nuk dine te shkruajne...mjere rinia si po tallen me te...po kur je i ri nuk e kupton...dhuratat e Salehut e mbushi me universitete si banjo publike!
Përgjigju