Gjoni: Komision Hetimor për shembjen e Teatrit! Spiropali: Protesta do mbahet mend si 'tubim makbethian i kafshimit të veshit' (VIDEO)

Në përgjigje të kryeministri Edi Rama, i cili iu drejtua disa herë gjatë fjalimit të tij, deputeti Myslim Murrizi i është përgjigjur me batuta dhe ironi.

"E ruaj Zoti meqë iku, e pashë që u bë ujë ndjesë, më knaqi se ka filluar të shoh ëndrra me sy hapur, edhe mua ndonjëherë më duket si Skëndërbeu i Elizës dhe herë si Ismaili. Kam ardhur në Tiranë, jo nga mami si anëtare e Byrosë Politike. Mora vesh që ju komonukoni nëpërmjet bizneseve. Të ishte Kadriu gjallë do të thotë atë që i tha Sali Protopapës. Doktor i sëmundjeve ngjitëse e mora vesh që ishte këtu, Eliza thuaj që të prish muzeun, bashkinë, vetëm piramidën e drejtuesit shpirtëror", iu përgjigj Murrizi.

TIRANE-Projekti origjinal i godinës së Teatrit Kombëtar që u shemb ditën e diel do të ndërtohet në një tjetër vend dhe me një tjetër funksion. Lajmin e dha kryeministri Edi Rama ditën e sotme nga foltorja e Kuvendit. Rindërtimi i Teatrit të ri ku ka qenë dhe sikur ka qenë është kërkesë e peticionit të grupit të artistëve që firmosi edhe opozita, por kreu i qeverisë tha se nuk po mori vendimin (për ta ndërtuar diku tjetër dhe jo aty) nisur nga ajo që ka parë ditët e fundit në shesh dhe kërcënimet, por ka reflektuar për nostalgjikët.  

Ai u shpreh se do ta merret projekti origjinal si ishte parashikuar që të bëhej godina nga italianët, pasi u la në gjysmë për shkak të luftës dhe godina që u shemb nuk ishte sipas projektit final që ishte parashikuar asokohe. Kryeministri nuk zbuloi shumë detaje, por tha të kuptohet se godina do të ketë funksionin e një shkolle artistike, ndërsa vendi mbetet për t'u vendosur se ku do të ndërtohet.

Opozita sot është në shesh duke kundërshtuar dhe cilësuar akti kriminal vendimin për shembjen e Teatrit Kombëtar, por kryeministri Edi Rama rrëfeu një prapaskenë të para shumë viteve kur ishte në krye të bashkisë së Tiranës dhe Sali Berisha kryeministër i vendit.

Edi Rama u shpreh se asokohe një investitor i njohur shqiptar, miqësor deri në vëllazëri me familjen e kryeministrit të kohës, që ishte Sali Berisha, së bashku me një grup gjerman i kishin propozuar që teatri të shembej dhe mbi rrënojat e tij të ndërtohej një kompleks "Plazza shopping". Rama tha se e kishte refuzuar atë projekt duke u thënë se aty do të ndërtohej teatri i ri.

Sulmi dhe ironia për Presidentin, ish-kryeministrin Berisha, Lulzim Bashën dhe Monika Kryemadhin nuk munguan gjatë gjithë fjalës së tij në foltoren e Kuvendit. Edi Rama tha se në politikë ka ardhur për të bërë sukses dhe për të realizuar bindjet e tij.

E pranoi se nuk është shumë i zoti për konsensus, por shtoi se nuk i vjen zor, se është i luftës për bindjet. Edi Rama tha se Ilir Meta nuk është gjë tjetër veç se një komedian, ish-kryeministrin Berisha e cilësoi si dramaturg dhe Lulzim Bashën aktor që është huazuar në politikë. Ai shtoi se opozita që sot proteston dje ka qenë në pushtet dhe nuk ka bërë asgjë për kulturën, madje teatrin e lanë jashtë listës së mbrojtjes.

VIDEO/ Fjala e plote e Kryeministrit Rama

Lefter Maliqi, ish- drejtor i burgjeve i ka kthyer përgjigje ministrit të Brendshëm Sandër Lleshaj në Kuvend. AI e ka cilësuar si kriminale ndërhyrjen e forcave RENEA për shembjene Teatrit Kombëtar.

“Më habiti se si fliste ministri i Rendit Publik, më kujtonte kur kam qenë shef policie kriminale në Mirditë e ndiqja kriminelët, kur ishin në turmë bënin të fortin e kur i kapje flisni qetë sikur s'ka ndodhur asgjë. Po a ka më krim të çosh 1 mijë trupa policore dhe çon forcat RENEA,forcat speciale, po ku lejohet more, se kam qenë pedagog dhe kam dhënë taktikë policie, forcat e RENEA-s dërgohen vetëm ndaj terroristëve, pengmarrësve, krimit të organizuar dhe vrasjes, kush ishin kriminelët, Budina, Licaj, Kryemadhi? Ku po e çoni këtë vend, po ju marrin lirinë, pronën, dinjitetin, duhet revoltë e madhe, nuk këta nuk ikin ndryshe, zemërimi duhet të jetë shumë i madh”- tha ai.

Në fjalën e tij ministri i Brendshëm, Sandër Lleshaj u ka kthyer një përgjigje të gjithëve atyre që kanë kritikuar sjelljen e policisë në protestën e artistëve. Duke kërkuar që Teatri të mos politizohet, që sipas Lleshajt një gjë e tillë ka ndodhur, ai komentoi edhe thirrjet e aktivistëve në protestë 'hiqni kapelet'.

Për këtë, Lleshaj rikthehet pas në vitin në 1997 sipas së cilit ata që e kanë përjetuar këtë kohë e dinë shumë mirë se çfarë ndodh kur nuk ka qoftë edhe një ditë të vetme polici. Ndërkohë, sa i përket akuzave të opozitës se policia nuk ka pasur numra identifikimi në protestë, Lleshaj tha se përgjegjësia e tyre nuk është individuale, por e drejtuesve.

"Teatri po ngatërrohet me politikën. Kalimi i njerëzimit nga gjendja natyrore në gjendjen shoqërore, ku dhuna i delegohet një strukture të specializuar është një nga element kryesore ku njerëzimi kaloi nga barbaria te kultura. Diskutimet e fundit kanë targetuar policinë e shtetit, një diskutim për kulturën duke e shndërruar në një absurd konceptual, policia është parakusht që ekonomia, kultura të zhvillohet. E pafalshme dhe tragjike që policia të ndodhet në mes të diskutimit për kulturën. Një nga prioritet e mëdha që ndjek unë në detyrën time është që me policinë e shtetit të mundësojmë që shteti shqiptar të mos rrëzohet sa herë që grupe të caktuara kanë një axhendë polike. Ça duhet të bënte policia në 17 maj, gjatë protestave të dhunshme, gjatë tërmetit, gjatë pandemisë? Po në 17 maj? Përgjigja ishte 'hiqni kapelen' policisë së shteti që nuk e realizoi dot në mënyrë demokratike. Kjo është të kthehemi shumë mbrapsht. Nuk e di nëse ata që artikulojnë pa turp thirrjen 'hiqni kapelen', a e mendojnë qoftë një ditë Shqipërinë pa të, le të kujtohet 12 mars 1997 kur vendi nuk kishte policisë. I hoqën kapelet dhe ndodhi ajo që ndodhi, ndaj do të doja që të kishte një reflektim të madh jo vetëm politik, por edhe shoqëror. Pati konfrontime mes policisë dhe protestuesve, 7 policë të gjakosur nga ata që duan të na kthejnë dhe të na vendosin kulturën, ose në thelb anti kulturën. Nuk kam të dhëna që pati të lënduar nga protestuesit, pati të ndaluar. Po, pati se duhet ta kemi të qartë, nëse e kemi vendosur për të jetuar së bashku, ajo që na bën bashkë është ligji dhe kushtetuta. Kundërshtimi i policisë është vepër penale, duhet të jemi të gatshëm të pranojmë pasojat e këtij veprimi. Kam dëgjuar që kërkojnë numrat e identifikimit, nuk kanë qenë individualisht, por të strukturuar, nëse kërkoni përgjegjësi penale kërkojeni për drejtuesit e tyre, çfarë ju duhen punonjësit individual, për t'i intimiduar ato", tha Lleshaj.

Ministrja e shtetit, Elisa Spiropali ka ironizuar protestën e bërë nga Aleanca për Mbrojtjen e Teatrit.

 "Opozita i ka ikur betejave elektorale. Ikën në 2017, në 2019 tani ikën nga tryeza se u prish Teatri Kombëtar. Ajo që ndodhi ishte që nga një protestë me ndjeshmëri të vërtetë qytetare, ata e kanë kthyer në një skenë ku Monika luan rolin e Penelopës, Basha të Odiseut, dezhurnin nuk dinë ta mbajnë, trupat e tyre nuk janë nën rrënoja. Meqë këto vijat nuk dinë si t'i mbajnë kanë vendosur të braktosin një nga Reformat më të rëndësishme. Ja teatri absurd që po merremi ne. Nuk kanë asnjë lidhje me artistët e mëdhenj, ato janë për një teatër të ri. Ata s'kanë kulturë, po s'dinë ku të lidhin si të ligjin gomari. Ajo protesta makbethiane e kafshimit të veshit", tha Spiropali.

"Ky quhet parlament dhe ju të ndërprisni fjalën. Ne jemi shumë pak që flasim dhe nuk e di çfarë e keni këtë mani vetëm të ndërprisnin.  Si do ja haj ajo veshin? Ai është shumë i gjatë. Apo vetëm kur të shtrihen në krevat?

Ky është parlament lolipopi. ne duhet një sistem i ri zgjedhor, na duhen lista të hapura. kemi një propozim amerikan ditët e fundit. keni një propozim që unë besoj se i hap rrugë shqiptarëve të votojnë deputetin që duan.

Kolegë të opozitës nuk duhet të përzihemi më ne aferat e këtyre, ndryshe vota jonë do jetë kundër ndaj çdo paçavorje që sjellin këta në parlament,"-deklaroi deputeti i opozitës Ralf Gjoni.

Më ketë deklaratë ai iu referua kryetares së LSI-së Monika Kryemadhi, e cila e pyetur gjatë protestës për shembjen e Teatrit se çfarë do ti bëjë Ramës ajo u përgjigj: "Unë do t'i haj veshin!"

Deputeti Andi Përmeti është ngritur në foltoren e Kuvendit për të kërkuar 1 minutë heshtje, por i tërheq vëmendjen kryetari Ruçi.

"Lexo rregulloren, ulu djalë, mëso rregullore", tha Ruçi.  

Deputeti i opozitës së re Lefter Meleqi i cili ka marrë pjesë në protestat e Aleancës për Mbrojtjen e Teatrit, mbështetur nga opozita e bashkuar joparlamentare, tha në mënyrë indirekte se vendi duhet të shkojë në zgjedhje të parakohshme për të pasur përfaqësues të ri të qytetarëve në kuvend.

“Zoti Gjoni s’ke pse mërzitesh pse qesh një pjesë e mazhorancës se të gjithë e dimë që u janë errur sytë nga dhuna ndaj qytetarëve. Kjo qeveri ka votuar me votat tona zgjatjen e afatit për fatkeqësinë fantazmë natyrore dhe shfrytëzuan këtë fatkeqësi për të shkatërruar teatrin kombëtar. Kjo revolt do të jetë aq e madhe që këtë parlement, teatër të pështirë, edhe këtij parlamenti i ka ardhur kohë të shembet, dhe të bëhet me votën e lirë, dhe kjo ditë do të vijë së shpejti”, tha Maliqi.

Në përgjigje të kërkesës së deputetit, Ralf Gjoni, Balla e ka komentuar me ironi duke thënë "që duhet të bëjë letrat". Duke e quajtur "djalë", Balla shkruan se procedura duhet të bëhet me shkrim, siç e kërkon rregullorja.

"Nuk është mirë që të vijnë më Kuvend që të luajmë Teatër për teatër. Nuk mund të bësh sikur të dhemb shpirti për Teatrin, bëni propozimet, bëj letrat djalë. Mëso që procedura është e përcaktuar për çdo lloj nisme. Kam mbështetur kërkesën e ardhur nga opozita për interpelancë ", tha Balla.

Deputeti i opozitës, Ralf Gjoni kërkon ngritjen e një Komisioni hetimor për shembjen e Teatrit.

"Unë shpresoj në mirëkuptimin tuaj institucional për kërkesën time, jemi në kushte të ndjeshme sa i përket qytetarëve të Tiranës, pas shembjes së shëmtuar të godinës së Teatrit. Ka shumë paqartësi, mungesë të theksuar të transparencë, dua t'ju kërkoj që sot të mblidhni kryetarët e grupeve parlamentare për të ngritur një komision parlamentar që të ,marrë në konsideratë të gjitha faktorët, aktorët nga të gjitha palët për ta zbardhur këtë gjë", tha Gjoni.