POP 5

Lajmet më të lexuara të 5 minutave të fundit

Kultura

Nga roman në dramë, ‘15 ditë Prilli’ në Teatrin e Durrësit! Regjisorja Dervishi: Dramë që flet shqip! Autorja Markarian: Romani rrëfen ditët e fundit të regjimit

Romani “15 ditë prilli”, do të vihet në skenën e Teatrit “Aleksandër Mosiu” në Durrës, si dramë e interpretuar nga 12 aktorë. Drama me regji të Driada Dervishit do të shfaqet vitin e ardhshëm, ndërsa autorja e librit Anisa Markarian, thotë se romani rrëfen trazirat në 15 ditët e fundit të një sistemi totalitar

Durrës- Shembja e ‘murit’ të regjimit komunist, çoroditja e një populli, frika se çfarë kishte përtej izolimit totalitar, do të vihen në skenën e teatrit ‘Aleksandër Moisiu’.

Romani “15 ditë prilli” i autores dhe aktores Anisa Markarian, që rrëfen trazirat në ditët e fundit të një sistemi totalitar, do të vijë pranë publikut durrsak përmes një drame premiere me regjisore Driada Dervishin.

E gjithë drama përqendrohet në trysninë e 15 ditëve që siç autorja e romanit rrëfen, njerëzit nuk dinin ç’të bënin, të ‘qanin apo qeshnin’ pasi u shemb regjimi.

Premiera që po përgatitet pritet të ngjitet në skenë vitin e ardhshëm, ndërkohë që tashmë ka nisur puna dhe provat në tavolinë.

Yllka Mujo, Sanije Hoti, Gjergj Doçi, Amos Zaharia, Suela Bako dhe të tjerë, do të jenë pjesë e kastit prej 12 aktorësh që do të interpretojnë dramën ‘15 ditë prilli’.

A.Q/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Spahiu: Vota e Diasporës do i bëjë gropën Opozitës, pas zgjedhjeve PD do kërkojë heqjen e saj!

Spahiu: Vota e Diasporës do i bëjë gropën Opozitës, pas zgjedhjeve PD do kërkojë heqjen e saj!

23 Janar, 23:03