POP 5

Lajmet më të lexuara të 5 minutave të fundit

Bota

Nga Shqipëria në Itali për të qenë shef kuzhine! 16-vjeçarit i realizohet ëndrra, pronari i restorantit italian i premton: Do të të punësoj pas diplomimit

Çdo ditë duke udhëtuar nga Arezzo në Città di Castello duke kultivuar një ëndërr. 16-vjeçari shqiptar Orlando Bushaj është shpërblyer me bursë. Premtimi i pronarit të një restoranti.

Nga Shqipëria në Itali për të qenë shef kuzhine! 16-vjeçarit i realizohet ëndrra, pronari i restorantit italian i premton: Do të të punësoj pas diplomimit

Pronari i restorantit italian dhe Orlando Bushaj

“Sapo të diplomohesh, do të të punësoj”. Ky është premtimi i Federico Boriosi, pronar i restorantit italian Il Sesto Canto, të cilin ia bëri Orlando Bushajt, 16-vjeçarit të lindur në Shqipëri. Ai udhëton çdo ditë me autobus 80 km (ardhje vajtje-ardhje), për te ndjekur kursin e kuzhinës në shkollën Bufalini në Città di Castello.

Orlando, i lindur në Shqipëri, mbërriti në Itali pas një udhëtimi të gjatë me autobus, duke lënë nënën e tij shtëpiake, babanë murator në Greqi dhe një motër 12-vjeçare, ka treguar gjithmonë një interes dhe pasion të madh për gatimin. Në Shqipëri ndoqi shkollat ​​e zakonshme deri në moshën 15-vjeçare.

Në Itali, dhe për të qenë të saktë në Arezzo, vendosi të ndiqte kursin për kuzhinë me qendër në Città di Castello, ku përveç studimit dhe praktikës, pati mundësinë të bashkonte edhe përvojat në këtë sektor. Ai ka fituar së fundmi një bursë, në kujtim të Silvana Benigno, e cila vdiq pas një beteje të gjatë me kancerin katër vjet më parë.

"Ëndrra e tij është të bëhet kuzhinier dhe të hapë restorantin e tij, thonë mësuesit. Ai dëshiron të punojë për të ndihmuar familjen e tij. Gjithmonë ka spikatur për pjesëmarrjen dhe angazhimin e tij të plotë. I përgjegjshëm dhe respektues i rregullave të shkollës, ai ndjek me kujdes dhe shquhet për motivimin dhe këmbënguljen në kryerjen e veprimtarive praktike dhe teorike të kërkuara”.

Menjëherë pas ndarjes së bursave, ku ka marrë pjesë Federica, vajza e Silvanës, surpriza që ka mahnitur të gjithë të pranishmit në ceremoni. Këtu vjen premtimi që për Orlandon mund të përfaqësojë vërtet hapin e parë drejt realizimit të ëndrrës.

Federico Boriosi, pronar i restorantit Il Sesto Canto, duke pasur parasysh cilësitë e djalit në kuzhinë dhe performancën e tij të përgjithshme akademike, i ka propozuar tashmë që t'i ofrojë Orlandos një punë në restorantin e tij në Città di Castello, në të ardhmen e afërt, sapo 16-vjeçari të ketë përfunduar me sukses studimet./La Nazione

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Cyz: 10/03/2024 11:02

    Premtim te madh hajde se do te marr ne pune ,se vet nuk gjente dot pune djali si kuzhinier...

    Përgjigju
  • Shyqo: 10/03/2024 09:02

    Shfrytezonjen te miturit shqiptare. Pak guzhjjier ka Italia. Por kerkojen pages te madhe.

    Përgjigju
    • Pjeter: 10/03/2024 10:58

      Po pse o Shyqo, guzhinjeret, ne supermerkat shkojne i marrin pronaret e Restoranteve ne Itali qe paska kaq me shumice??!! Lexoje mire artikullin!eshte nje tregim i veçante, nuk behet fjale per treg guzhinjeresh!!

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57