Kufizimi i lëvizjes pas orës 20:00, plasin gjobat në Bllok! Tirana në koas total trafiku, binden rrethet! Drejtori i Policisë Shkodër: Nëse gjeni lokal hapur, jap dorëheqjen

TIRANË-Nga mbrëmja e së enjtes kanë nisur masat e reja parandaluese ndaj Covid-19. Komiteti i Eksperteve vendosi ndalimin e qarkullimit nga ora 20:00 si dhe një sërë masash të tjera. Edhe pse në rrethe ora 20:00 boshatisi rrugët dhe çdo njeri u fut në shtëpi, duket se në Tiranë ora 20:00 i ka gjetur njerëzit duke nxituar për të ikur në banesë duke shkaktuar një trafik të rënduar thuajse në të gjitha akset kryesore të vendit. Në zonën e bllokut madje ka pasur edhe policë që kanë nisur me gjobat për drejtuesit  e mjeteve që nuk kanë respektuar orarin e kufizimit.

Një vendim i tillë vlen për lëvizjen e njerëzve, por edhe për baret e restorantet, të cilat janë konsideruar si vatra kryesore të përhapjes së infeksion. Kjo ishte një nga masat e marra ditën e djeshme nga Komiteti Teknik i Ekspertëve, pasi vendi ynë njohu një rritje të madhe të të infektuarve në 24 orë. Teksa në kryeqytet ka pasur ende lëvizje pas orës 20:00, në rrethe qytetarët janë ndërgjegjësuar.

Në shumicën e qyteteve, banorët kanë respektuar masat kufizuese ndërsa bizneset, lokalet, baret e restorantet janë mbyllur edhe më herët se ora 20:00. Edhe në këto qytete, kontrollet nga ana e efektivëve të policisë kanë qenë intensive. Shumë forca të rendit dhe ato 'Shqiponjat' qarkullojnë në rrugë për të evidentuar qytetarë që thyejnë masat kufizuese.

Për më tepër, në qytetin e Shkodrës ka zbritur në terren dhe drejtori i policisë të këtij qarku Niko Brahimaj. Ky i fundit, në një deklaratë për mediat, ka dhënë një deklaratë të fortë. Ai tha se nuk ka asnjë lokal të hapur pas orës 20:00. I pyetur nga gazetarët se nëse lokalet nuk e respektojnë këtë rregull, ai tha se do të japë dorëheqjen.

Masat e reja kufizuese i bëri të ditura Komiteti Teknik i Ekspertëve ditën e djeshme gjatë një deklarate për mediat. Përveç orës policore pas orës 20:00, disa nga masat e tjera janë edhe për gjimnazet. Në 7 bashki të vendit, gjimnazet do të vijojnë mësimin tërësisht online.

Masat e reja anti COVID
1.Ndalimi i qarkullimit të lëvizjes për qytetarët nga ora 20:00 e mbrëmjes - 6:00 të mëngjesit, me përjashtim të emergjencave shëndetësore dhe për arsye pune (në këtë rast është e domosdoshme leja nëpërmjet aplikimit tek e-Albania) për një afat 14 ditor, duke filluar nga dita e enjte, datë 11 Shkurt - 25 Shkurt.
 2.Ndalimi i aktiviteteve të bareve, restoranteve, klubeve, nga ora 20:00 e mbrëmjes - 06:00 të mëngjesit (me përjashtim të shërbimit delivery), duke filluar nga dita e enjte, datë 11 Shkurt - 25 Shkurt.
3.Nisur nga rritja e rasteve të infektimeve të reja në grupmoshën 15-24 vjeç, shkollat e mesme do të aplikojnë skenarin e tretë, pra atë online ne zonat e riskut të lartë, ku përfshihen bashkitë: Tiranë, Fier, Vlorë, Berat, Durrës, Gjirokastër, Lezhë, Lushnje, Pogradec dhe Kamëz, për periudhën 11 shkurt - 26 shkurt.
 4.Sezoni i provimeve për universitetin do të zgjatet, për të siguruar kombinimin e provimeve online dhe në auditor, për lëndët që kërkojnë prezencë, sipas vlerësimit të MASR, duke zbatuar rreptësisht protokollet anti COVID.

 

Rendit zhvillimet sipas orarit:
Ora 21:32
Heshtja mbizotëron në rrugët e Beratit, Fierit dhe Sarandës pas fillimit të orës policore

 

Ora 20:30 e mbrëmjes së sotme i ka gjetur rrugët e qytetit të Beratit totalisht të boshatisura dhe baret e restorantet të mbyllura, ndërkohë që të gjitha rrugët e qytetit janë blinduar nga forca të shumta policie.

Ashtu siç edhe u vendos nga Ministria e Shëndetësisë për ndryshimin e orarit të karantinës në vend, baret dhe restorantet në Berat shpejtuan të mbyllin qepenat disa minuta përpara orës 20:00, për të respektuar masat e vendosura, si e vetmja mënyrë për të minimizuar përhapjen e COVID-19.

Edhe rrugët e qytetit filluan të boshatiseshin që prej orës 19:30,ndëkohë që në rrugët e qytetit shihen kudo forca të shumta policore,që janë duke patrulluar në çdo aks rrugor për të kontrolluar respektimin e karantinës.

E njëjta situatë është edhe në qytetin e Fierit ku qetësia mbizotëron në rrugë. Të vetmit që qarkullojnë janë efektivët e policisë të cilët monitorojnë respektimin e masave kufizuese.

Heshtja mbizotëron dhe në rrugët e qytetit të Sarandës ku qytetarët respektojnë masat kufizuese.

Ora 21:32
Orari i kufizimit, qytetarët në Kukës, Elbasan dhe Durrës respektojnë masat

 

Baret dhe restorantet në Elbasan nisën të mbyllen që prej 19:30 mbrëmjen e sotme për shkak të orarit të kufizimit. Pas këtij orari ka pasur lëvizje të paktë të automjeteve dhe qytetarëve.

Efektivet e 'Shqiponja' dhe rendit u ndanë në nyjet kyçe të qytetit si rrethrrotullimi luleve, 1 maji, stadiumi.

Ora policore ka boshatisur qytetin e Kukësit, baret dhe restorantet mbyllen. Rrugët janë të mbushura nga forca të shumta policie në rrugët për monitorim, ndërkohë temperaturat në mbrëmje kanë pësuar rënie të ndjeshme.

Edhe në qytetin e Durrësit, qytetarët kanë zbatuar orën policore. Pas orës 20:00 ka pasur vetëm një lëvizje të ulët të automjeteve.

Ora 21:23
Masat kufizuese pas orës 20:00, Drejtori i Policisë Shkodër: Nëse gjeni një lokal hapur, unë jap dorëheqjen

 

Drejtori i Policisë së Shkodrës Niko Brahimaj, ka zbritur në terren për të monitoruar respektimin e masave kufizuese nga qytetarët. I pyetur nga gazetarët se cilat do jenë masat ndëshkimore nëse në qytetin e Shkodrës do të ketë lokale hapur pas orës policore, Brahimaj shprehet se do japë dorëheqjen.

Brahimaj: Është ndërgjegjësim i kujtdo. Ne duam që të na mirëkuptojnë dhe të zbatojnë rregullat e vendosura nga një strukturë e posaçme shtetërore. Duam që qytetarët të na mirëkuptojnë, duam që niveli i gjobave të jetë zero por nuk do ketë tolerancë.

Gazetari: Ka shumë lokale që nuk e respektojnë këtë masë?

Brahimaj: Më thoni një lokal që është hapur dhe shkojmë bashkë aty. Më thoni një lokal hapur në Shkodër dhe të gjitha bashkitë.            

Gazetari: Në rast se do të ketë hapur?

Brahimaj: Do jap dorëheqjen unë.

Ora 20:40
Fillimi i orës policore, qytetarët e Korçës zbatojnë kufizimet e lëvizjes

 

Ora 20:00 që shënon dhe orën e re policore në kuadër të parandalimit të përhapjes së COVID-19 e ka gjetur qytetin e Korçës me biznese të mbyllura dhe me një numër shumë të pakët këmbësorësh të cilët nxitojnë për të respektuar kufizimet e vendosura.

Ndryshe nga pronarët e bizneseve të cilët kanë ulur qepenat në orën 20:00 ,në rruget e qytetit sheh disa automjete të cilët lëvizin dhe pas këtij orari.

Sipas burimeve për Report Tv, deri tani në komisariatin e Korçës janë shoqëruar dy drejtues të cilët nuk kanë respektuar orën policore.

Ndërkohë forca të shumta policie ndodhen në pikat kyçe të qytetit për të monitoruar situatën.

Ora 20:31
Ndalimi i lëvizjes pas orës 20:00, pak qarkullim automjetesh në Vlorë, Shkodër dhe Lezhë! Shtohen kontrollet nga policia

 

Edhe në qytetin e Vlorës, pavarësisht orës policore, ka lëvizje të automjeteve. Shumë efektivë policie kanë dalë në terren për të kryer kontrolle.

Ndërkohë në qytetin e Shkodrës, situata duket më e qetë pasi nuk ka shumë qarkullim të makinave. Policia ka zbritur në terren në krye të planit të masave drejtori Niko Brahimaj.

Lokalet i binden vendimit të qeverisë, këmbësorët dhe mjetet nxitojnë të shkojnë në destinacionet e tyre për të mos u gjobitur nga policia.

Edhe në Lezhë, qytetarët duket se janë ndërgjegjësuar pasi nuk ka lëvizje të shumta pas orës policore.

Ora 20:04
Hyn në fuqi ora policore, trafik i rënduar në disa rrugë të Tiranës

 

Ka hyrë në fuqi ora policore për ndalim qarkullimi pas orës 20:00.

Por pavarësisht këtij kufizimi, rrugët e Tiranës vijojnë të jenë mbushura me makina duke krijuar trafik në disa zona.

Trafik ka në zonën e Bllokut, rrugën e Kavajës, rruga e Barikadave dhe në zonën pranë pallatit me Shigjeta.

 

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Niko qyqi: 12/02/2021 07:02

    Niko Brahimaj ! Ne Shkoder ke hap gjysmen e lokaleve ne kiras dobraç e skenderbeg. Ske b*the as te futesh ne ato lagje jo me ti mbyllesh lokalet.

    Përgjigju
  • Vlora: 11/02/2021 21:54

    Po ca shembull rrethet dil nje xhiro ne vlore dhe shikoje ca behet

    Përgjigju
  • Shkodra: 11/02/2021 21:53

    o Niko Brahimaj lej pallavrat ti me gazetart se nuk i han kush kto gjana tu ba prototipin ti se ste kan qu ne shkoder per trim se e di ti qe te veshin minifunin e te qojn balerin ne mal te zi..po nje pyetje kisha un kush ta ka ba dhurat at Hublotin big bang qe ke ne dor apo kur ishe shef ne lezhe do ta thush nga kush dhe cfar favori i bane ne kembim te ores?? Hahahahahah

    Përgjigju
  • Genti: 11/02/2021 21:51

    Niko Brahimaj o legen ti nuk njeh qytetin e shkoders, ti komandihesh nga bajret o felliqesire, lokal tradita music live cdo nate, exsalco i Bardhokut etj o legen

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Mbështetësi i Belerit e pështyu, reagon Vangjel Tavo: Interesat e vogla kanë marrë peng komunutetin himariot

Mbështetësi i Belerit e pështyu, reagon Vangjel Tavo: Interesat e vogla kanë marrë peng komunutetin himariot