Ministrja e Arsimit, Sporteve dhe Rinisë, Besa Shahini prezantoi sot, draft-Pakti për Universitetin, në një takim me studentë, rektorë, dekanë e pedagogë në një nga sallat e Art’Turbina në Tiranë, ku i pranishëm ishte edhe kryeministri Edi Rama dhe ministrat.
Ministria Shahini theksoi se Pakti është një draft fillestar që është i hapur për çdo mendim e koment të studentëve, por ai shërben si pikënisje për një dialog gjithëpërfshirës me studentët. Bashkë me ministren Shahini në dialogun me studentët ishin të pranishëm edhe anëtarë të tjerë të qeverisë, që marrin në patronazhim fakultete të ndryshme që lidhen me fushën e tyre të përgjegjësisë, për t’iu përgjigjur interesimit dhe çdo pyetjeje nga ana e studentëve.
Report Tv siguron draftin e plotë me të gjitha lehtësitë që përfitojnë studentët nga tarifat, te bursat dhe punësimet. Gjithashtu në cdo njërën nga tetë kërkesat e studentëve, qeveria përmes draftit që ka publikuar ka dhënë edhe zgjidhjen së bashku me afatin përkatës të realizimit. Ndërkohë që kryeministri Rama njoftoi sot se ministrja e re e Arsimit do të shkojë për të takuar grupet e studentëve që janë të ngujuar në universitete (lexo këtu).
( Kliko këtu ) Draft-Pakti i plotë për Universitetin
Lajme të tjera
-
Covid/ Studentët protesta në Athinë, bomba molotov dhe përplasje në rrugë
1 Tetor 2020, 15:09 -
Rama: Shumë shpejt do të çelet gara për kampusin e ri Universitar te Qytet Studenti
1 Korrik 2020, 13:31 -
Protesta e maturantëve, pedagogia Skënderi: Testi s’duhej të ishte vetëm me alternativa! Plot me gabime drejtshkrimore e pjesë të përkthyera
13 Qershor 2020, 20:47
