TIRANË- Partia Demokratike ka nisur një "fushatë" të fuqishme për të treguar se Sali Berisha ishte i shoqëruar nga një organizatë kriminale në betejën e tij për të marrë selinë e blu. Përtej emrave që janë artikuluar nga numri 2 i demokratëve, siç janë Myftar Lumneshi apo edhe Fatjon Dauti, sot PD-ja ka publikuar një sërë videosh ku demaskon me emër dhe mbiemër të gjithë "kriminelët që kanë shoqëruar Sali Berishën në 8 janar".
I pari emër që përmendet është ai i Xhevahir Georgiev. Në videon e shpërndarë nga demokratët, Georgiev rezulton se është depërtuar nga Belgjika pasi është dënuar për transport narkotikësh. Në 'lupën' e PD-së, për të treguar se ajo që Berisha trumbentoi me të madhe se do të ishte një revolucion paqësor ishte një protestë e dhunshme figuron edhe emri i Selman Karasniqit. Ky i fundit, rezulton nga sistemi policor Adams se më 20.10.2017 ka qenë dyshuar për nenin 278/4 KP "Prodhimi dhe mbajtja pa leje e armëve luftarake dhe e municionit. Emri i tretë që përmendjen nga demokratët, është ai i Agron Gjyrës. Referuar një raporti të shërbimit që ata citojnë, Gjyra rezulton se bashkë me një person tjetër është konstatuar duke kryer veprime të dhunshme ndaj punonjësve të policisë e nga sistemi TIMS figuron se është proceduar në gjendje të lirë për mosbindje ndaj urdhrit të Policisë.
Në videot e njëpasnjëshme ku "tregon me gisht" emrat e "kriminelëve" që mbështesin Berishën, Lulzim Basha përçon të njëjtin mesazh, se ata që sulmuar selinë blu nuk kanë qenë demokratët e vërtetë, por një grup mercenarët dhe kriminelësh të thirrur nga Sali berisha për hallin e tij personal, e që i referohet shpalljes 'Non Grata', që më pas u pasua edhe me zhvillime të tjera si përjashtimi nga grupi parlamentar i demokratëve që "ndezi" gjakrat dhe së fundit ajo që u vuri kapakun, përjashtimin e ish-kryeministrit nga partia që vetë themeloi.
"Asnjë demokrat nuk ngriti dorën kundër Partisë Demokratike, vetëm mercenarët dhe kriminelët e thirrur nga Sali Berisha për hallin e tij personal. Ata dështuan sepse Partia Demokratike qëndroi e vendosur përballë të keqes. Asnjë kriminel nuk e pengon dot luftën tonë kundër korrupsionit, që është armiku numër një i mirëqenies së shqiptarëve. Asnjë kriminel i thirrur nga Sali Berisha për të shkatërruar Partinë Demokratike nuk i'a doli dhe nuk do t’ia dalë. Partia Demokratike nuk u kthye në bunker për hallin personal të Sali Berishës sepse demokratët refuzuan dhunën, refuzuan gjuhën e urrejtjes. Demokratët zgjodhën me vendosmëri të jenë në shërbim të shqiptarëve, jo të një personi që nuk e lidh më asgjë me Partinë Demokratike", shkruan PD-ja.
Në kuadër të këtyre demaskimeve, sot në mesditë PD-ja publikoi edhe një skemë se si këta që quan "mercenarë" të Berishës e sulmuan godinën, "Kështjellën e demokratëve" me qëllimin për të treguar se gjithçka ishte e mirëmenduar dhe e planifikuar me detaje.
Emrat e 'kriminelëve' që shoqëruan Sali Berishën
Xhevahir Georgiev
Depërtuar nga Belgjika, dënuar për transport narkotikësh.
Selman Karasniqi
Rezulton nga sistemi policor Adams se më 20.10.2017 ka qenë dyshuar për nenin 278/4 KP "Prodhimi dhe mbajtja pa leje e armëve luftarake dhe e municionit.
Agron Gjyra
Raport Shërbimi: Agron Gjyra bashkë me një person tjetër është konstatuar duke kryer veprime të dhunshme ndaj punonjësve të policisë. Nga sistemi TIMS: Procedim në gjendje të lirë për mosbindje ndaj urdhrit të Policisë.
Partia Demokratike ka publikuar një tjetër video kur sipas saj tregon kriminelët me të cilët Sali Berisha ka sulmuar selinë.
"Xhevahir Halit Georgiev, depërtuar nga Belgjika, dënuar për transport narkotikësh. Asnjë demokrat nuk ngriti dorën kundër Partisë Demokratike, vetëm mercenarët dhe kriminelët e thirrur nga Sali Berisha për hallin e tij personal. Ata dështuan sepse Partia Demokratike qëndroi e vendosur përballë të keqes. Asnjë kriminel nuk e pengon dot luftën tonë kundër korrupsionit, që është armiku numër një i mirëqenies së shqiptarëve", shkruan PD.
Partia Demokratike ka publikuar një tjetër video që tregon sesi Sali Berisha udhëzoi sulmin ndaj selisë së PD-së. Në pamje duket Berisha tek shkallët e selisë i cili me duar orienton turmën për të sulmuar. Sipas PD një prej tyre është Agron Gjura, i dënuar më parë për veprime të dhunshme ndaj punonjësve të policisë.
‘Asnjë kriminel i thirrur nga Sali Berisha për të shkatërruar Partinë Demokratike nuk i'a doli dhe nuk do t’ia dalë. Partia Demokratike nuk u kthye në bunker për hallin personal të Sali Berishës sepse demokratët refuzuan dhunën, refuzuan gjuhën e urrejtjes. Demokratët zgjodhën me vendosmëri të jenë në shërbim të shqiptarëve, jo të një personi që nuk e lidh më asgjë me Partinë Demokratike.’- shkruan PD.
Komente
Lajme të tjera
-
Mero Baze: ‘Antimitingu’ dhe ‘rrahja’, identiteti primitiv i Sali Berishës
25 Nëntor, 07:03
-
Berisha nga ballkoni përdor vdekjen e 14-vjeçarit: Nesër nderojmë Martin Canin, të martën protestë në Tiranë! Rama dhunoi emigrantët në Londër
24 Nëntor, 20:29 -
Basha për takimin dhe antimitingun në Londër: Turp e faqja e zezë për Ramën dhe Berishën! Ata i duan shqiptarët mish për top, pazare dhe për pushtetin e tyre
24 Nëntor, 18:20 -
Militantë të Berishës protestojnë kundër Ramës në Londër (VIDEO)
24 Nëntor, 12:59 -
Gjikondi: Ja taktika e çiftit Meta-Kryemadhi për të shpëtuar pronat e vendosura në mënyrë të paligjshme! Ja pse administrata Trump nuk do t’i heqë ‘non-gratën’ Berishës
24 Nëntor, 12:13 -
Berisha: Rama mizogen, e tregon edhe në kabinet me gratë
24 Nëntor, 11:00 -
Kreshnik Spahiu: Pse Strasburgu po e zhgënjen shumë keq Partinë Demokratike?
23 Nëntor, 23:55
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17
Jane kriminelet e Berishes,apo HEROJ TE 8JANARIT,sic i shpalli Berisha.Heroj Çekiqi,Heroj Qyskija,Heroj Shkalla,Heroj Molotovi,Heroj te g ureve e soje te tjera herojsh te politikes "Made in Salih Berisha"!!!
Përgjigju