Nga Turqia në Gjermani, të gjithë të çmendur pas Shqipërisë

Nga Turqia në Gjermani, të gjithë janë të çmendur për Shqipërinë, është kjo mënyra që një media italiane Insideover, e përcakton vendin tonë.

Shqipëria është gur-themeli për hegjemonizimin e gadishullit Ballkanik. Arritja e sigurimit të influenës në këtë vend dhe komb të lashtë, të mundëson edhe “kontrollin”  mbi të ashtuquajturin “rripi i Shqiponjave”,​​ trekëndëshin Tiranë-Prishtinë-Shkup, shiritin e nisjes shumë drejtimesh të aftë për të projektuar lojtarin aktual njëkohësisht në Greqi, Bullgari Serbia, Bosnje dhe Adriatik.

“Shqipëria është gjithashtu një ekonomi e lulëzuar dhe me zhvillim të shpejtë, një mundësi e hapur për investime të huaja, por është mbi të gjitha në pritje për tu bashkuar me Bashkimin Europian dhe një anëtare e Aleancës Atlantike”, theksohet në artikullin e medias italiane.

LEXO EDHE:
Liga e Kombeve/ Ndeshja ndaj Shqipërisë të martën, tekniku ukrainas Rebrov: Po përgatitemi për takimin e rëndësishëm

Për këtë arsye Gjermania, për shkak të rolit të saj në BE dhe pikave të përmendura më lart, po investon në mënyrë të konsiderueshme për të ardhmen e zemrës së trekëndëshit të Shqiponjës.

Italia vazhdon të jetë tregu i parë referues i Shqipërisë për sa i përket import-eksportit, për shkak të afërsisë gjeografike dhe së kaluarës historike, megjithatë vitet e fundit ka pasur një rënie të dukshme. Tregtia italo-shqiptare ka qenë në rënie të vazhdueshme që nga viti 2017, ndërsa ndërhyrjet kineze dhe turke janë rritur vazhdimisht, pa intervale, pauza ose ngadalësime, që nga viti 2005. Midis 2018 dhe 2019, ndërsa importet nga Roma regjistruan një rënie prej 6.3%, ato nga Ankaraja dhe Pekini u rritën përkatësisht me 14% dhe 11%. Nëse trendi do të vazhdojë të kristalizohet nga mesi i viteve 2020 Italia mund të humbasë titullin e bashkëpunëtorit të parë tregtar të Shqipërisë.

Gjermania po luan një rol kryesor në këtë proces erozioni,  ajo u rendit në listën e  5 bashkëpunëtorëve kryesorë tregtarë të Shqipërisë në 2015, duke zënë pozicionin e katërt dhe që nga ajo kohë, ka treguar gatishmërinë e saj për të mbrojtur me këmbëngulje atë status të dominimit. Vitin e kaluar është shënuar një pikë kthese, pasi ka pasur një rritje të jashtëzakonshme të  eksporteve të produkteve shqiptare në tregun gjerman,  + 12.8% krahasuar me 2019, duke shënuar rritjën më të madhe ndonjëherë midis të gjithë partnerëve tregtarë.

Përveç shkëmbimit tregtar, Gjermania po përdor diplomacinë e investimeve dhe kulturës për të rritur peshën e saj brenda trevave shqiptare. Për nga rëndësia, Berlini është investitori i njëmbëdhjetë, ku ka një prani veçanërisht të fortë në energji, infrastrukturë dhe turizëm,  tre sektorë të cilët më 27 janar ishin objekt i një serie marrëveshjesh. Një sferë në të cilën Gjermania po përqendrohet shumë është edhe kultura. Është rritur ndjeshëm numri i emigrantëve nga Tirana në Berlin dhe duke filluar nga 2018 universitetet gjermane njohin zyrtarisht kualifikimet e sistemit të arsimit të lartë shqiptar dhe lëvizja e studentëve është rritur përmes programeve të shkëmbimit.

Tema lidhet me promovimin e gjuhës gjermane si një lëndë zyrtare e mësuar në gjashtë shkolla dhe një objekt me interes në rritje nga ana e të rinjve shqiptarë. Në vitin 2-16, Instituti Goethe i Tiranës, kishte më shumë se katër mijë studentë të regjistruar në atë kohë, 22 % më shumë  krahasuar me vitin paraprak.

Situata aktuale duhet të shqetësojë Romën: ndërsa gjuhë të tilla si anglishtja, gjermanishtja dhe turqishtja po fitojnë terren, besueshmëri dhe popullaritet, në vitet e fundit ka pasur protesta studentore kundër imponimit të mësimit të detyrueshëm të italishtes.

Dhe pikërisht për këtë arsye shpesh të keqkuptuar,  ose të lënë pas dore në botën e analizave gjeopolitike, fuqitë e mëdha rajonale dhe ekstra-rajonale janë interesuar për fatin e Tiranës dhe të motrës së saj Prishtinës, duke përfituar terren nga humbja e fuqisë dhe ndikimit historik të Italisë.

Në bazë të artikullit theksohet edhe njëherë rëndësia e kontrollit të tokave shqiptare, për të siguruar një pozicion të rëndësishëm në Ballkan, i cili, nga ana tjetër, duke qenë thembra historike e Akilit të Europës, janë thelbësore për të kushtëzuar dinamikën politike të Kontinentit të Vjetër.

Turqia dhe Shtetet e Bashkuara janë lojtarët të cilët kanë qenë në gjendje të përfitojnë më së shumti nga dinamika e pasluftës Jugosllave, e para në kontekstin e zgjerimit neo-Osman në Ballkan dhe e dyta në kontekstin e zgjerimit të Aleancës Atlantike dhe kufizimit të Serbisë por në konkursin për kontrollin e zemrës së rripit të Shqiponjës po merr tashmë pjesë një turmë e madhe shtetesh në të cilën përfshihen: Kina, Izraeli, Irani, petromonarkitë e Gjirit, Franca, Gjermania dhe Vatikani.

Një nga qëllimet kryesore të këtij publikimi është të tërheqë vëmendjen e qeverisë italiane mbi humbjen e ndikimit të fortë që ajo ka pasur në Shqipëri pikërisht për arsyet e lartpërmendura.

“Për shkak të zgjedhjeve të gabuara, neglizhencës dhe mungesës së parashikimit nga ana e klasës sunduese të Bel Paese; çështja është, se largimi i Tiranës është i barabartë me humbjen e një pozicioni të çmuar në Adriatik dhe në Ballkanin Perëndimor: Roma është e paralajmëruar”, shkruan InsideOver.

 

TAG:
• shqiperia
• turqia
• itali
• Kina
• gjermania