Banorët e fshatit Rrjoll në Velipojë të Shkodrës kanë dalë sërish në protestë ditën e sotme, kundër ndërtimit të resortit luksoz “Blu Borgo” të ndërtuesit dhe botuesit Bashkim Ulaj.
Ata janë zotuar të mbrojnë me çdo kusht tokën dhe të mos lejojnë grabitjen e pronës nga oligarku Ulaj, situatë që i ka çuar në përplasje të forta dhe me policinë.
Edhe gjatë të dielës së sotme, nuk kanë munguar tensionet mes banorëve dhe policëve në kantier. Teksa deklarojnë se do të bëjnë gjithçka për mbrojtjen e pronës, banorët e fshatit Rrjoll i kanë bërë thirrje ministres së Brendshme, Albana Koçiu, që të mos dërgojë policinë në mbështetje të Bashkim Ulajt.
“Shihni kë ka prurë Albana Koçiu për të mbrojtur Bashkim Ulajn ndaj fshatarëve të shkretë. Ministrja ka sjellë gjithë policët këtu për të mbrojtur Bashkim Ulajn nga ne, që është duke na vjedhur tokat tona. Bashkim Ulaj me Isuf Çelën na kanë thënë në zyrë të vetë ‘nuk duam të vijmë si pushtues, por si zhvillues’. Çfarë je duke bërë sot Bashkim Ulaj, përveçse ke ardhur për të na pushtuar? A je duke bërë gjë tjetër? Shkjau stërgjyshit tem nuk ja ka bërë këtë që je duke bërë ti sot në tokën tonë. Serbi e turku nuk na e ka bërë këtë gjë, të na vjedhin tokën. Ti po e bën sepse ke shtetin mbrapa. Por edhe na nuk jena të pafortë, sepse jena me të drejtën e Zotit dhe e drejta gjithmonë triumfon. Dje kanë bërë shoqërime. Prekën e kemi ende të shoqëruar. Njërit prej demve që tentuan ta marrin me forcë i ra të fikët. U turrën tërë policat. Këta policat më kanë rrëzuar mua që jam femër. Kanë ardhur këta tani të mbrojnë Bashkim Ulajn dhe të na përdhunojnë ne në tokën tonë”, tha mes të tjerash një prej banorëve të fshatit Rrjoll.
Ndërkohë një tjetër banorë e fshatit Rrjoll, teksa ka shkuar me fëmijët në krahë në protestë, ka kërkuar drejtësi nga shteti për pronën që pretendojnë se po u grabitet.
“Policia fut kriminela, ne jemi në tokën tonë. Ça bëhet kështu more, ça bëhet në tokën tonë. Shikojeni sa Polici ka. As armë dhe asgjë nuk kemi. Jemi në tokën tonë dhe s’mundemi as me e shkel. Inshallah gjejmë drejtësi”, tha banorja, e cila gjatë intervistës kishte edhe fëmijët e saj në krahë.
Një tjetër banor i zonës, teksa e përshkoi situatën si alarmante, akuzoi ministren e pezulluar, Belinda Ballukun, si urdhëruesen e grabitjes së pronave të tyre.
“Nesër të sjellin këtu autoblindat, tanket, sepse këtu ka plasur lufta Serbi-Kosovë. I bëj thirrje Belinda Ballukut, që njihet si hiena apo pantera e zezë, që të tërhiqet nga toka jonë”, tha një tjetër banor i zonës.
Ndërkohë banorët e Rrjollit kanë marrë mbështetje edhe nga trevat e tjera të Shqipërisë, pasi ditën e sotme, dy persona, njëri nga Vlora dhe tjetri nga Mallakastra, i janë bashkuar protestës kundër Bashkim Ulajt.
“Ne rrimë në Tiranë, me origjinë nga Mallakastra dhe djali Vlonjat. Jemi njerëz që kërkojmë të mbështesim çdo grup, çdo fshat, çdo qytet, që kërkon të bie ndeshë me këtë klasë politike oligarkë, që po fillon t’u marrë tokat shqiptarëve, që nga Dukati, Durrësi dhe këtu në Rrjoll. Mjaft më, bëhuni bashkë! Jug-Veri të jemi një”, tha mes të tjerash mbështetësi nga Mallakastra i banorëve të Rrjollit.
“Kemi ardhur posaçërisht për ju që t’ju përkrahim. Ju mbështesim me shpirt ne patriotët me shpirt”, tha mbështetësi nga Vlora i banorëve të Rrjollit.
Më herët Policia njoftoi se ka arrestuar Prek Mollën, banor i fshati Baks-Rrjoll në Velipojë, pasi së bashku me 5 të tjerë kanë goditur një punonjës të firmës “Gener 2”, e cila po kryen punimet për ndërtimin e resortit të botuesit dhe biznesmenit Bashkim Ulaj, si dhe kanë kërcënuar një punonjëse policie.
Policia njofton se ka arrestuar Prek Mollën, banor i fshati Baks-Rrjoll në Velipojë, pasi së bashku me 5 të tjerë dyshohet kanë goditur një punonjës të firmës “Gener 2” të botuesit dhe biznesmenit Bashkim Ulaj, e cila po punon për ndërtimin e resortit të këtij të fundit. Prek Molla dhe 5 të tjerët të shpallur në kërkim dyshohet gjithashtu se kanë kërcënuar një punonjëse policie.
Banorët e Rrjollot akuzohen se kanë nxitur akte dhune, duke dëmtuar disa mjete pune (ekskavator, foristradë) të firmës “Gener 2” në pronësi të biznesmenit Ulaj, duke u thyer xhamat.
"Specialistët për Hetimin e Krimeve të Komisariatit të Policisë Shkodër ndaluan shtetasin P. M., 60 vjeç, banues në fshatin Rrjollë, si dhe shpallën në kërkim shtetasit L. K., 40 vjeç, banues në fshatin Torrovicë; M. K., 33 vjeç, banues në fshatin Malecaj; D. Sh., 20 vjeç, banues në fshatin Gomsiqe; A. M., 30 vjeç, banues në fshatin Rrjollë dhe N. K., 35 vjeç, banues në fshatin Malecaj.
Këta shtetas dyshohen se dje, në fshatin Rrjollë, kanë goditur shtetasin L. A., 22 vjeç, banues në Tropojë, punonjës i firmës “Gener 2”, dhe kanë kanosur për shkak të detyrës shtetasen V. C., 30 vjeçe, banuese në qytetin Koplik, punonjëse policie e Komisariatit të Policisë Shkodër, si dhe në bashkëpunim me persona të tjerë, kanë nxitur akte dhune, duke dëmtuar disa mjete pune (ekskavator, foristradë) të firmës “Gener 2”, duke u thyer xhamat",- njofton policia.
Komente
Lajme të tjera
-
Beteja për pronën, banorët e Rrjollit 6 javë protestë kundër resortit të Ulajt! Përplasen me policinë, disa të shoqëruar
14 Mars, 12:40 -
Kultivuan 10 mijë bimë kanabisi, GJKKO dënon me 59 vite burg 5 anëtarët e grupit kriminal në Shkodër
13 Mars, 10:29 -
Rijetëzimi i Kullave të Veriut, Rama: 450 aplikime nga 13 bashki për hartën dixhitale
12 Mars, 14:14 -
Resorti i Ulajt në Rrjoll/ Kapri: Banorët janë dhunuar, po u grabiten pronat! Kokaj: Fatmir Shpellzaj dëmtoi varrezat, solli kockat e stërgjyshit me një furgon blu
11 Mars, 21:03 -
Rritet numri i 'shtëpive të barit' në Shkodër, Task Forca kundër kultivimit të kanabisit: Mbi 1500 bimë të asgjësuara dhe 18 persona të referuar në prokurori
11 Mars, 15:51 -
Shkodër/ ‘Ushtari’ i Licëve i iku përsëri policisë, me vete kishte 2 armë, shokët ‘kyçin’ gojën në polici: Nuk e njohim, e morëm rastësisht në makinë
11 Mars, 11:08 -
Kundër resortit të Ulajt, banorët e Rrjollit protestë para SPAK, godasin me vezë godinën! Avokati: Kallëzimi për Fatmir Shpellzën, u vodhi pronën (VIDEO)
11 Mars, 10:18 -
Protesta kundër resortit të Ulajt zhvendoset para SPAK/ Molla: Do na bashkohen njerëz nga gjithë Shqipëria! Avokatët: Banorëve të Rrjollit po u grabiten pronat me dokumenta false
10 Mars, 20:07 -
AKU bllokoi 104 ton misër blegtoral të dyshuar me aflatoksinë, në magazinë u gjetën vetëm 9.5 ton! Gjobitet dhe kallëzohet penalisht kompania në Shkodër (EMRI)
10 Mars, 18:43 -
Protesta kundër resortit të Ulajt, banorët e Rrjollit zhvendosen para SPAK të mërkurën: Kemi depozituar kallëzimin e tretë, do të publikojmë emrat e përfshirë në falsifikimet e Fatmir Shpellzës!
10 Mars, 12:49
-
Në kërkim për masakrën me dy të vrarë në Shkodër, 'ushtari' i Licëve i shpëton sërish policisë pasi qëlloi me armë! Nuk i ndaluan patrullës, në pranga dhe 2 shokët e tij (EMRAT)
10 Mars, 09:42 -
Sherr në mbledhjen e PD në Shkodër, 2 emrat e kandidatëve për kryetar zyrtarizohen mes konfrontimeve fizike
10 Mars, 07:44
Ne 1914, minatoret e min.te qymyrit te Colorados u hodhen ne greve per kushte me te mira pune.J.D.Rockefeller Jr. qe zoteronte nje pjese te minieres, dergoi grevethyes dhe ajo cfare eshte me interesante,presidenti Willson e ndihmoi duke derguar forca te gardes kombetare per te goditur 1200 minatore greviste dhe familjet e tyre.21 veta(femije,gra e minatore) u vrane ne ate qe njihet si Masakra e Ludlow.Historiani Howard Zinn e ka quajtur /aktin kulmant te betejes ndoshta me te dhunshme midis pushtetit te korporatave dhe punetoreve ne hist.amerikane./Hetimet e Kongresit per masakren cuan ne krijimin e 8-oreshit ne pune dhe ligjeve te punes per femijet midis te tjerave.Ajo cfare po ndodh ne Rjoll ngjan shume me ate c'ka ndodhi nje shekull me pare ne Colorado.Pikat bashkuese jane, se ne vend te Rockefellerit kemi Ulajn dhe ne vend te gardes kemi policine.Vertet qe nuk behet fjale per kushte pune ne miniere,por per grabitje pronash,por mos duhet te derdhet dhe gjak qe kuadrati te plotesohet? Ludlow dhe ngjarje te tjera detyruan Kongresin te thyej Monopolet e te krijoje ligjet antitrust,po ne Shqiperi a kemi nje Kuvend qe te dale mbi kryeministrin dhe te vendose e te votoje ne menyre te pavarur ligje te reja ne lidhje me pronen,oligarket,etj?!
PërgjigjuKeta jane disa matrapaze qe perpiqen te perfitojne nanje gje per ate qe se kane te turen,Ata le te meren kush eshte pronari tokes ,te nxjerin tapite dhe ja u zgjidh puna,Po keta as jane pronare e as kane tapi,Jan perfitues vetem
PërgjigjuQeveria duhet tjua rrise rrogat policeve 3000€ Neto qe te rrahin popullin! Ec aty sistem pas Otoman !
PërgjigjuNe neser do vijm me shume. Po bisedoj me shume shok qe jane gati te vijn. Ti japim nje mesim Veriut qe ka ra ne gjume qe deri sa i erdhi veza te bytha e kuptuan qe duhet bashkim. Jo Bashkim Ulaj por Bashkim kombetar. Cohuni popull Ato qe jane ne Tirane ne Tirane te zejn sheshin e Skenderbeut e kush esht Shkoder te zejn sheshin e Shkodres e Sarandes, Fierit, Gjirokastres. Te mbaroj kjo vjedhje ne mes te dites
PërgjigjuNje per te gjithe dhe te gjithe per nje. Bashkohuni karshi ketyre hallexhinjeve se neser do vij rradha e jote e sdo ket ngel kush me ju ndihmu. Solidarizohuni me kte Greve se suhet te jete e e para dhe e fundit i ketij llojit. ...... nese nuk funksiunon merrni Sfurqet e rrezojeni kere terror shteteror. Boll esht boll. Çohuni o popull. Panvaresisht se ky popull akoma ha bar, çohuni
Përgjigju