POP 5

Lajmet më të lexuara të 5 minutave të fundit

Ekonomi

‘Ngec’ garancia sovrane për fasonët, deri tani vetëm 1 përfitues, refuzojnë bankat! Humbjet e eksportuesve më të thella me euron që bie

Bizneset eksportuese kanë humbur miliona euro nga forcimi i lekut. Goditjen më të madhe e ka marrë sektori i manifakturës, pasi eksportet e tekstileve dhe këpucëve janë tkurrur me 123 milionë euro. Ndërkohë garancia sovrane, nuk po jep rezultat pasi bankat nuk kanë nisur ta zbatojnë, deri tani vetëm 1 biznes ka përfituar.

A do ti mbijetojnë manifaktura krizës së euros? Kjo është pikëpyetja më e madhe e muajve të fundit, ku humbjet e këtij sektori vijojnë të thellohen prej forcimit të lekut. Referuar shifrave zyrtare të Institutit të Statistikave, në gjashtëmujorin e parë të këtij viti bizneset fasonë kanë shitur tekstile dhe këpucë me vlerë 541.2 milionë euro, ose 123.8 milionë euro më pak se në vitin e kaluar.

Po ashtu negative paraqitet situata edhe për kontratat e reja të këtyre bizneseve, pasi importet e tekstileve dhe këpucëve janë ulur me 55.8 milionë euro, pasi këto sipërmarrje në total kanë importuar 416.9 milionë euro.

Për të mbështetur këtë sektor që ndodhet në vështirësi përballë rënies së euros, qeveria miratoi garancinë sovrane prej 4 miliardë lekë, që hyri në fuqi në prill të këtij viti. Por edhe pse kanë kaluar më shumë se 3 muaj që kur kjo skemë ka hyrë në fuqi, burime nga ky sektor thonë se deri më tani është dhënë vetëm një kredi nga një bankë. Aktualisht vetëm 6 banka kanë firmosur për zbatimin e kësaj mase, por shumica prej filialeve të bankave nuk janë të gatshme për të pritur aplikime nga bizneset.

Ndërkohë burime nga Ministria e Financave thonë se procesi ka ngecur për shkak se bankat nuk janë dakord me normën e interesit prej 1.5% që do aplikohet për kreditë që do marrë ky sektor. Po ashtu Financat thonë se do ju drejtohet një letër-kërkesë bankave, që të përshpejtojnë procesin për kreditimin e këtyre bizneseve.

Kjo garanci mbyllet brenda këtij viti, dhe sipas kushteve të caktuara, aplikimet e bizneseve duhet të bëhen para datës 31 tetor 2024. Norma e interesit për këtë garanci sovrane është 1.5%, dhe për 70% të vlerës së kredisë së dhënë del garant shteti.

 

EKSPORTET E TEKSTILEVE DHE KËPUCËVE
Janar-Qershor 2023           665,115,427 Euro
Janar-Qershor 2024           541,218,121 Euro
Rënia                                -123,897,305 Euro
 
IMPORTET E TEKSTILEVE DHE KËPUCËVE
Janar-Qershor 2023          472,833,371 Euro
Janar-Qershor 2024          416,969,223 Euro
Rënia                                   -55,86,414 Euro

K.T./E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Po mër po: 22/07/2024 16:55

    Garanci sovrane nuk ka. Shqiptarët po ikin nga vendi, kush do Dali garant? Ata që kanë mbetur aty? Apo pensionistat?

    Përgjigju
  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

29 Janar, 23:01