I mbetur jashtë listës së PS, përmes një postimi në rrjetet sociale Dokle shprehej se nuk donte që të zëvendësohej nga një hajdut pulash.
Por ky moment nuk i ka shpëtuar ish-kryeministrit Sali Berisha, i cili i kujton se Rama e ka zëvendësuar me hajdutë banke, ndërsa fshikullon edhe Doklen kur shkruan se "i ka mbetur ora në kohën e Dullës".
“Namik të ka mbetur ora në kohën e Dulles! Falëndero Ramën sepse të ka nderuar, ai të ka zëvendësuar jo me hajdutë pulash, por bankash!!
Të dashur miq, dje lexova në media se Namik Dokle, themelues kryesor i Partisë Siçiliste, pasi Edvin Kristaq Rama e përjashtoi nga listat e deputetëve, kërcënoi atë duke i thënë i ziu ti po më zëvendësove me ndonjë hajdut pulash!
Kjo shprehje miq përdorej në kohen e diktaturës se Dullës ku zakonisht gjëja më e çmuar për t’u vjedhur ishte ndonjë pule.
Kurse në kohën e Edvinit vjedhja e pulave nuk ekziston sepse është zëvendësuar me vjedhjen e bankave.
Prandaj miq duket se Dokles i ka mbetur ora në kohën e Dullës. Ai duhet të ndjehet krenar se Rama në të vërtetë e ka zëvendësuar jo me hajdutë pulash por me hajdut bankash”, shkruan Berisha.
Redaksia Online
l.q/Shqiptarja.com